ភ្នំពេញ៖ ប្រទេសជប៉ុនតាមរយៈទីភ្នាក់ងារសហប្រតិបត្តិការអន្តរជាតិជប៉ុន (JICA) បានសម្រេចផ្តល់ជំនួយសង្គ្រោះបន្ទាន់ដល់ប្រជាជនរងគ្រោះដោយសារទឹកជំនន់នៅកម្ពុជា តាមសំណើរបស់រាជរដ្ឋាភិបាលកម្ពុជា។ នេះបើយោងតាមសេចក្ដីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជា។
ក្នុងសេចក្ដីប្រកាសបានបញ្ជាក់ថា ជំនួយទាំងនេះរួមមានសម្ភារតង់ ចំនួន២០០ ឧបករណ៍ចម្រោះទឹក២០ ភួយ៧៨០ ម៉ាស៊ីនភ្លើង ០៥ កម្រាលផ្លាស្ទីក ៧០ កម្រាលគេង ៧៨០ធុងទឹក២០០ ។
បើតាមស្ថានទូតជប៉ុនបានឱ្យដឹងថា សម្ភារទាំងនេះនឹងមកដល់អាកាសយានដ្ឋានអន្តរជាតិភ្នំពេញនាពេលឆាប់ៗនេះ ហើយនឹងត្រូវបានចែកចាយភ្លាមៗក្រោយពេលមកដល់ប្រទេសកម្ពុជា។ ជាមួយគ្នានេះ ស្ថានទូតជប៉ុន ក៏សូមបួងសួងឱ្យប្រជាជនរងគ្រោះ មានសុវត្ថិភាព និងឆាប់រួចផុតពីគ្រោះមហន្តរាយនេះ៕
#អគុណសន្តិភាព
