ខេត្តកណ្តាល៖ ឯកឧត្តម ឧកញ៉ា បណ្ឌិត ទ្រី ភាព ទីប្រឹក្សាផ្ទាល់ សម្តេចតេជោ ប្រធានគណបក្សប្រជាជនកម្ពុជា និងជាប្រធាន គណៈកម្មាធិការសាខាបក្ស «ខ៦» និងក្រុមការងារ នៅព្រឹកថ្ងៃទី ០៦ ខែតុលា ឆ្នាំ២០២០ បានអញ្ជើញចុះពិនិត្យមើលផ្ទាល់ទីតាំង អគារសាលាបឋមសិក្សា ហ៊ុន សែន ត្បែង ដែលមានសភាពបាក់បែកទ្រុឌទ្រោម និងលិចទឹក ស្ថិតនៅភូមិអង្គខ្លើ ឃុំត្បែង ស្រុកកណ្តាលស្ទឹង ខេត្តកណ្តាល ដើម្បីធ្វើការសាងសង់ជាថ្មីឡើងវិញ។
ឆ្លៀតក្នុងឱកាសនេះផងដែរ ឯកឧត្តម ឧកញ៉ាបណ្ឌិត ទ្រី ភាព បានចុះសួរសុខទុក្ខលោកគ្រូ អ្នកគ្រូ និងសិក្សានុសិស្ស ដោយពាំ នាំមកជាមួយនូវអំណោយជាថវិកាដ៏ថ្លៃថ្លារបស់សម្តេចតេជោ និង សម្តេចគតិព្រឹត្តបណ្ឌិត ចែកជូនក្នុងនោះរួមមាន៖
– លោកគ្រូ អ្នកគ្រូចំនួន ២០នាក់ ម្នាក់ទទួលបាន សៀវភៅ ០២ក្បាល និងថវិកា ១០០.០០០រៀល
– សិស្សចំនួន ៣៣៦នាក់ ម្នាក់ទទួលបានសៀវភៅ ០២ក្បាល និងថវិកា ២០.០០០រៀល
– ប៉ុលីស និងប្រជាការពារ ចំនួន ២០នាក់ ម្នាក់ទទួលបាន ១០០.០០០រៀល
-តាអាចារ្យ និងគណៈកម្មការវត្តចំនួន ១០នាក់ ម្នាក់ទទួលបាន ៤០.០០០រៀល
-ក្រុមប្រឹក្សាឃុំចំនួន ០៥នាក់ ម្នាក់ទទួលបាន៤០.០០០រៀល
ព្រមទាំងចំណាយផ្សេងៗទៀត ដែលសរុបជាថវិកាចំនួនប្រមាណ ១៥.០០០.០០០រៀល (ដប់ប្រាំ លានរៀល) និងសៀវភៅចំនួន៧០០ក្បាល។
សូមបញ្ជាក់ថា៖ បន្ទាប់ពីចុះពិនិត្យមើលស្ថានភាពអគារជាក់ស្តែង រួចមក ឯកឧត្តម ឧកញ៉ា បណ្ឌិត ទទួលសាងសង់អគារសិក្សា មួយខ្នងមាន០២ជាន់ ស្មើ១០បន្ទប់ តាមបទដ្ឋានរបស់សម្តេច តេជោ។
ជាថ្មីម្តងទៀត« សូមអរគុណសន្តិភាព មានសន្តិភាព មានការអភិវឌ្ឍសង្គមជាតិ យើងស្រឡាញ់សន្តិភាព» ៕
#អរគុណសន្តិភាព
