ភ្នំពេញ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល និង ឯកឧត្តម MIKAMI Masahiro ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រជប៉ុន ប្រចាំកម្ពុជា បានជួបពិភាក្សាគ្នាទៅលើប្រធានបទសំខាន់មួយចំនួនៗ ។
នៅក្នុងជំនួបពិភាក្សាការងារ រវាង ឯកឧត្តម ស៊ុយ សែម និង ឯកឧត្តម MIKAMI Masahiro បានពិភាក្សាផ្តោតលើប្រធានបទសំខាន់ៗដូចជា៖
– វឌ្ឍនភាពនៃការអភិវឌ្ឍផែនការមេថាមពលរបស់កម្ពុជា ទាំងរយៈពេលមធ្យម និងរយៈពេលវែង។
– យុទ្ធសាស្ត្រនៃការស្តារសេដ្ឋកិច្ចឡើងវិញ ក្រោយរងផលប៉ះពាល់ពី Covid-19 ដើម្បីគាំទ្រដល់ វិស័យឧស្សាហកម្ម ពាណិជ្ជកម្ម និងទេសចរណ៍។
– សក្តានុពលនៃការវិនិយោគរបស់ក្រុមហ៊ុនជប៉ុននៅកម្ពុជា ដើម្បីបង្កើតរោងចក្រផលិតថាមពលដើរដោយសំរាម និងស្ថានីយ៍បំលែងឧស្ម័ន LNG ។
ជាមួយគ្នានេះដែរ ឯកឧត្តមរដ្ឋមន្ត្រី ក៏បានជម្រាបជូនអំពីសមិទិ្ធផលការងារសំខាន់ៗជាច្រើនដែលក្រសួងសម្រេចបានក្នុងឆ្នាំ២០២០ ក៏ដូចជាផែនការការងារបន្តក្នុងការអភិវឌ្ឍវិស័យថាមពលរបស់កម្ពុជា។ ឯកឧត្តមរដ្ឋមន្ត្រី ក៏បានស្វាគមន៍យ៉ាងកក់ក្តៅ និងគាំទ្រដល់ការវិនិយោគជប៉ុនមកកម្ពុជា ដើម្បីជួយអភិវឌ្ឍន៍វិស័យនេះ និងត្រូវគោរពតាមច្បាប់ និងបទប្បញ្ញាត្តិ ៕
