អាមេរិច៖ យើងនាំគ្នាមកស្គាល់លោក ចូ បៃដិន ដែលពិភពលោកកំពុងតាមសម្លឹងមើល ជាពិសេសបើសិនជាលោកបានឡើងធ្វើជាប្រធានាធិបតីរបស់សហរដ្ឋអាមេរិកផងនោះ តើបុរសវ័យ 78ឆ្នាំ ដែលអាយុគ្រាន់តែជាតួលេខម្នាក់នេះ នឹងដើរចូលមកមន្ទីរសេតវិមាន ព្រមជាមួយ “គោលនយោបាយ” អ្វីខ្លះ?។
“ចូ បៃដិន” ដែលពិភពលោកកំពុងរង់ចាំអ៊ុតមើលថា តើនឹងបានអង្គុយកៅអីប្រធានាធិបតីថ្មី របស់សហរដ្ឋអាមេរិកឬទេ រូបនេះ មានឈ្មោះពេញថា Joseph Robinette Biden, Jr.(ចូសេហ្វ រីប៊ីនេតត៍ បៃដិន ជូនៀ) បច្ចុប្បន្នកំពុងតែមានអាយុជិតគ្រប់ 78ឆ្នាំ ក្នុងរយៈពេលតែមិនប៉ុន្មានថ្ងៃទៀតនេះហើយ(លោកបៃដិន កើតនៅថ្ងៃទី20 វិច្ឆិកា ឆ្នាំ1942) មានស្រុកកំណើតនៅទីក្រុងស្គ្រែងតាស់ រដ្ឋផេនស៊ីលវេនៀ។
ក្នុងផ្នែកការសិក្សា លោកបៃដិន រៀនចប់បរិញ្ញាបត្រ ផ្នែករដ្ឋសាស្ត្រ និងប្រវត្តិសាស្ត្រ នៅមហាវិទ្យាល័យ ដេឡាវែរ និងនីតិសាស្ត្រ នៅមហាវិទ្យាល័យ ស៊ីរ៉ាឃីវស៍ រដ្ឋនីវយ៉ក។
ចំណែកប្រវត្តិផ្នែកអាជីពការងារវិញ មានដូចតទៅ៖
ឆ្នាំ១៩៧៨-១៩៧៩៖ មេធាវី នៅទីក្រុងវីលមិងតុន រដ្ឋដេឡាវែរ
ឆ្នាំ១៩៨០-១៩៨២៖ សមាជិកសភាមណ្ឌលនីវខាសស៊ើល រដ្ឋដេឡាវែរ
ឆ្នាំ១៩៨៣-២០០៩៖ បានទទួលការជ្រើសតាំងជាសមាជិកព្រឹទ្ធសភារដ្ឋដេឡាវែរ អាណត្តិទី១ និងឈ្នះការបោះឆ្នោតជ្រើសតាំងព្រឹទ្ធសភា ៦អាណត្តិទៀត
ឆ្នាំ១៩៩៧-២០១៥៖ បានទទួលតំណែងជា ប្រធានគណៈកម្មាធិការយុត្តិធម៌ នៃព្រឹទ្ធសភា
ឆ្នាំ២០០១-២០០៣ និង២០០៧-២០០៩៖ បានទទួលតំណែងជាប្រធានគណៈកម្មាធិការកិច្ចការអន្តរជាតិ នៃព្រឹទ្ធសភា
ឆ្នាំ២០០៩-២០១៧៖ បានទទួលការជ្រើសតាំង ធ្វើជាអនុប្រធានាធិបតីទី៤៤ ក្នុងអាណត្តិលោក បារ៉ាក់ អូបាម៉ា
ឆ្នាំ២០១៩-២០២០៖ បានទទួលការជ្រើសរើស ឱ្យធ្វើជាបេក្ខជនតំណាងគណបក្សដេម៉ូក្រេត ប្រជែងតំណែងប្រធានាធិបតី
និងក្នុងវិច្ឆិកា ឆ្នាំ២០២០ លោកចូ បៃដិន កំពុងរង់ចាំអ៊ុត ក្នុងការឈ្នះការបោះឆ្នោតជ្រើសតាំង បានក្លាយជាប្រធានាធិបតីទី៤។
លោកចូ បៃដិន បានធ្វើជាអនុប្រធានាធិបតីទី៤៤ ក្នុងគណៈគ្រប់គ្រងរបស់លោកអតីតប្រធានាធិបតី បរ៉ាក់ អូបាម៉ា និងបានគ្រងតំណែងជាសមាជិកព្រឹទ្ធសភា នៃរដ្ឋដេឡាវែរ យូរដល់ទៅ ៣៦ឆ្នាំ ហើយការធ្វើជាបេក្ខជនប្រជែងតំណែងប្រធានាធិបតីក្នុងឆ្នាំនេះ គឺជាលើកទី៣ របស់លោកហើយ។
គោលនយោបាយរបស់លោក ចូ បៃដិន
សម្រាប់គោលនយោបាយ ដែលលោកចូ បៃដិន បានប្រកាសដល់សាធារណជនវិញនោះ នៅពេលវិលត្រឡប់ទៅមើលកាលពីថ្ងៃទី២៨ តុលា កន្លងមក ក្រោយពីលោកបៃដិន ដើរឃោសនារកសំឡេងឆ្នោតមុនកាលបរិច្ឆេទនៅឯស្រុកកំណើតរបស់ខ្លួននោះ លោកបានថ្លែងប្រាប់អ្នកយកព័ត៌មានថា លោកអាចធ្វើការរួមជាមួយគណបក្សរីផាប្ល៊ីកាន់ ក្នុងការកែសម្រួលច្បាប់ Affordable Care Act ដើម្បីឱ្យប្រជាជនអាមេរិក មានការមើលថែទាំសុខភាពដែលល្អប្រសើរឡើងបាន។
ចំណែកក្នុងចំណុចការទប់ទល់នឹងការឆ្លងរាលដាលរបស់មេរោគកូវីដ-១៩វិញនោះ លោកបៃដិន បានសន្យាថា បើលោកឈ្នះការបោះឆ្នោត លោកនឹងរៀបចំរកវ៉ាក់សាំងប្រឆាំងកូវីដ-១៩ ជូនប្រជាជនអាមេរិកគ្រប់រូបដោយហ្វ្រ៊ី តែម្ដង។
និងបើសិនជាហ្វូខឹសទៅលើ “គោលនយោបាយសេដ្ឋកិច្ច” វិញ យើងសូមសរុបយ៉ាងខ្លីៗ ចេញពីអត្ថបទ “គោលនយោបាយសេដ្ឋកិច្ចរបស់លោក ចូ បៃដិន” ពាក់ព័ន្ធនឹង ២ចំណុចចម្បងគឺ គោលនយោបាយហិរញ្ញវត្ថុ និងភាស៊ី និងគោលនយោបាយថាមពល។
លោកបៃដិន មានផ្នត់គំនិតសង្កត់ធ្ងន់លើការប្រមូលភាស៊ី ពីអ្នកមាន ដើម្បីយកមកបង្កើតការងារឱ្យប្រជាជនថ្នាក់កណ្ដាល និងថ្នាក់ក្រោម តាមរយៈគ្រោងការផ្សេងៗ ក្នុងផ្នែកឧស្សាហកម្ម អៃធី ថាមពលស្អាត និងសេដ្ឋកិច្ចបែបថ្មី ក្រោមគម្រោងការរបស់លោកបៃដិន ដែលនឹងអាចបង្កើនប្រាក់ចំណូលដល់រដ្ឋបាលសហរដ្ឋអាមេរិកច្រើនជាង ៣,៤លានលានដុល្លារ ក្នុងរយៈពេល ៤ឆ្នាំបន្តពីនេះទៅ តាមរយៈទាំងការគិតភាស៊ីមរតក ដែលតាមសេចក្ដីព្រាងច្បាប់របស់លោកបៃដិន នឹងគិតភាស៊ីពីមរតកទាំងដុល ខុសពីបច្ចុប្បន្ន ដែលអ្នកបានទទួលមរតក នឹងមិនបាច់បង់ភាស៊ីលើផ្នែករបស់កម្រៃឡើយ។
១រឿងទៀត ដែលត្រូវតាមសង្កេតមើលដែរនោះ គឺលោកបៃដិន នឹងលុបចោលការគាំទ្រផ្នែកភាស៊ីចំពោះធុរកិច្ចOil & Gas រួមទាំងការផលិតធ្យូងថ្ម និងការឱ្យបង់ថ្លៃជាការចំណាយចំពោះកិច្ចការងារត្រួតពិនិត្យប្រភពថាមពល៕
ប្រភព៖ សារព័ត៌មានបរទេស
#អគុណសន្តិភាព
