បរទេស៖ស្ថិតិផ្លូវការរបស់ក្រសួងសុខាភិបាលបានបង្ហាញថាគិតត្រឹមល្ងាចថ្ងៃពុធម្សិលមិញនេះករណីឆ្លងវិរុសកូវីដ-១៩នៅទូទាំងប្រទេសអ៊ីតាលី
មានចំនួនកើនឡើងលើសពីមួយលាននាក់ហើយ។
នៅថ្ងៃដដែលនេះករណីថ្មីមានចំនួន ៣២ ៩៦១ នាក់ត្រូវបានចុះបញ្ជីដែលចំនួននេះផងដែរវាបានធ្វើឱ្យចំនួនឆ្លងសរុបរបស់ប្រទេសនេះកើនដល់ ១ ០២៨ ៤២៤នាក់
ដែលក្នុងនោះរួមមានទាំងចំនួនអ្នកកំពុងផ្ទុកមេរោគអ្នកជាសះស្បើយនិងអ្នកដែលបាត់បង់ជីវិតផងចាប់តាំងតែពីខែកុម្ភៈ។
រឿងដែលគួរឲ្យព្រួយបារម្ភនៅពេលនេះនោះគឺថាបច្ចុប្បន្នអ្នកដែលដាក់ឃុំខ្លួនដោយសារអាការៈមិនស្រួលខ្លួនឬមានរោគសញ្ញាស្រាលមានចំនួនដល់ទៅ ៥៨០ ៨៣៣នាក់ខណៈ
អ្នកជម្ងឺចំនួន ២៩ ៤៤៤ នាក់ផ្សេងទៀតកំពុងសម្រាកព្យាបាលនៅមន្ទីរពេទ្យហើយ ៣ ០៨១ នាក់កំពុងមើលថែយ៉ាងយកចិត្តទុកដាក់ដោយសារស្ថានភាពធ្ងន់ធ្ងរ។
ទិន្នន័យរបស់ក្រសួងសុខាភិបាលក៏បានបង្ហាញផងដែរថាចំនួននៃអ្នកជាសះស្បើយវិញបានកើនឡើងចំនួនបន្ថែម ៩ ០៩០ នាក់ធ្វើឲ្យចំនួនអ្នកជាសះស្បើយសរុបកើនដល់ចំនួន ៣៧២ ១១៣ នាក់
ហើយខណៈដែលចំនួនអ្នកស្លាប់ថ្មីមាន ៦២៣ នាក់ដែលធ្វើឱ្យចំនួនអ្នកស្លាប់កើនឡើងដល់ ៤២ ៩៥៣ នាក់៕
#អរគុណសន្តិភាព
