កំពង់ធំ÷ នាព្រឹកថ្ងៃសុក្រ ទី១៣ ខែវិច្ឆិកា ឆ្នាំ២០២០ នៅក្នុងបរិវេណពហុកីឡដ្ឋានខេត្តកំពង់ធំ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា និងសហការីអគ្គលេខាធិការដ្ឋាន ស.អ.ក បានចូលរួមក្នុងកម្មវិធីចែកគ្រាប់ពូជស្រូវ និងស្បៀង ជូនដល់ប្រជាកសិករ ៦៣៥០គ្រួសារ ដេីម្បីស្រោចស្រង់ និងស្តារឡេីងវិញ ពីគ្រេាះទឹកជំនន់ នាពេលកន្លងទៅ ក្រោមអធិបតីភាព ឯកឧត្តម បណ្ឌិត ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងអគ្គជាមេបញ្ជាការកងទ័ពជេីងគោក តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលក្នុងមួយគ្រួសារទទួលបាននូវគ្រាប់ពូជស្រូវ ១០០គីឡូក្រាម ស្បៀង សម្ភារៈមួយចំនួនធំ និងថវិកា។
កម្មវិធីនាថ្ងៃនេះ ក៏មានកិត្តិយស ដែលមានវត្តមានដ៏ពិសេសរបស់ឯកអគ្គរាជទូត អូស្ត្រាលី លោក Pablo Kang ដែលរដ្ឋាភិបាលអូស្ត្រាលីតាមរយៈកម្មវិធីខ្សែសង្វាក់តម្លៃកសិកម្មកម្ពុជា-អូស្ត្រាលី (កាវ៉ាក់) តែងតែបានផ្តល់នូវការយកចិត្តទុកដាក់គាំទ្រដល់វិស័យកសិកម្មកម្ពុជា ជិតរយៈពេល២០ឆ្នាំមកនេះ ជាក់ស្តែងនាថ្ងៃនេះ បានផ្តល់នូវម៉ាស៊ីនព្រេាះគ្រាប់ពូជស្រូវទំនេីប ចំនួន២០គ្រឿងដល់សហគមន៍កសិកម្ម។
ជាមួយគ្នានេះផងដែរ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា និងជាប្រធានក្រុមប្រឹក្សាភិបាលក្រុមហ៊ុនអេមរុរ៉ាយស៍ ក៏បានចូលរួមចំណែកជាទឹកចិត្តជួយដល់បងប្អូនប្រជាកសិករស្តារឡេីងវិញនូវដំណាំស្រូវដែលបានរងការប៉ះពាល់ពីទឹកជំនន់រហ័សនាពេលកន្លងទៅ ដោយបានឧបត្ថម្ភថវិកា ១០០លានរៀល ដល់គណៈកម្មាធិការជាតិគ្រប់គ្រងគ្រេាះមហន្តរាយ ដេីម្បីទិញគ្រាប់ពូជស្រូវក្នុងកម្មវិធីនាថ្ងៃនេះ។
តាងនាមឲ្យប្រជាកសិករខ្មែរ សហព័ន្ធស្រូវអង្ករកម្ពុជា សូមថ្លែងអំណរគុណ និងកោតសរសេីរដល់ទឹកចិត្តចូលរួមចំណែកជាធ្លុងមួយ ដែលនេះគឺជាការឈឺឆ្អាលដ៏ពិតប្រាកដ ដល់កសិករខ្មែរ និងវិស័យកសិកម្មខ្មែរ៕
#អរគុណសន្តិភាព
