ភ្នំពេញ៖ ក្រសួងមហាផ្ទៃ បានចេញសេចក្ដីជូនដំណឹងស្ដីពីការដាក់ឱ្យប្រើប្រាស់សន្លឹកអត្តសញ្ញាណប័ណ្ណសញ្ជាតិខ្មែរគំរូថ្មី ដែលមានសញ្ញាសុវត្ថិភាពពិសេស (Hologram)។ នេះបើយោងតាមសេចក្ដីប្រកាសដែលក្រុមការងារ អរគុណសន្តិភាព ទទួលបាននៅល្ងាចថ្ងៃទី១៤ ខែវិច្ឆិកា។
ក្រសួងមហាផ្ទៃ បានជូនដំណឹងដល់សាធារណជន និងស្ថាប័នពាក់ព័ន្ធ មេត្តាជ្រាបថា៖ ក្នុងគោលបំណងធ្វើឱ្យសន្លឹកអត្តសញ្ញាណប័ណ្ណសញ្ជាតិខ្មែរកាន់តែមានលក្ខណៈសុត្ថិភាពខ្ពស់ រាជ្ឋរដ្ឋាភិបាលនៃព្រះរាជាណាចក្រកម្ពុជា បានសម្រេចចេញសន្លឹកអត្តសញ្ញាណប័ណ្ណសញ្ជាតិខ្មែរគំរូថ្មីដែលមានសញ្ញាសុវត្ថិភាពពិសេស (Hologram) សម្រាប់ផ្ដល់ជូនប្រជាពលរដ្ឋ ដើម្បីប្រើប្រាស់ដូចគំរូជូនភ្ជាប់។
ចំពោះសន្លឹកអត្តសញ្ញាណប័ណ្ណសញ្ជាតិខ្មែរដែលកំពុងប្រើប្រាស់បច្ចុប្បន្ន នៅមានតម្លៃរហូតដល់អស់សុពលភាព។ អាស្រ័យដូចបានជំរាបខាងលើនេះ សូមសាធារណជន និងស្ថាប័នពាក់ព័ន្ធទាំងអស់ជ្រាប់ជាព័ត៌មាន និងចូលរួមអនុវត្តតាមសមត្ថកិច្ច៕
#អរគុណសន្តិភាព
