ប្រទេសចិន ៖ កាលពីពេលថ្មីៗនេះ រថយន្តដឹកជញ្ជូនម្ហូបអាហារលក់ គ្មានអ្នកបើកបរ ចំនួន ៤គ្រឿង ដែលមានការច្នៃប្រឌិត ប្រើតិចណូឡូជី 5G និងបញ្ញាសិប្បនិម្មិត AI បានចេញរត់ផ្ដល់សេវាកម្ម នៅក្នុងបុរីនវានុវត្តន៍ ហ៊ូលី ក្នុងទីក្រុងសៀមិន មណ្ឌលហ្វ៊ូចៀន ភាគខាងកើត ឆៀងខាងត្បូងនៃប្រទេសចិន។
រថយន្ត គ្រឿងៗ អាចដឹកជញ្ជូនម្ហូបអាហារពេលព្រឹកបានច្រើនជាង ២០០ឈុត ឬអាហារពេលថ្ងៃ ឬអាហារពេលល្ងាច ១០០ឈុត និងមានការបំពាក់ប្រព័ន្ធសិនស័រ កាពារកម្ដៅខាងក្នុងរថយន្ត ដើម្បីគ្រប់គ្រងសីតុណ្ហភាពរបស់អាហារ ឱ្យនៅក្ដៅឧណ្ហៗគ្រប់ពេលវេលាទៀតផង ដោយបុគ្គលិកក្រុមហ៊ុននៅក្នុងតំបន់នោះ អាចទទួលទានអាហារបាន ក្រោយពីបង់ប្រាក់ថ្លៃអាហារ ដោយការស្គែនលេខកូដ QA ដែលបង្ហាញនៅលើរថយន្តដោយស្មាតហ្វូនរួច៕
ប្រភព៖ ទីភ្នាក់ងារព័ត៌មានស៊ីនហួ
#អរគុណសន្តិភាព
