ភ្នំពេញ៖ក្រសួងសុខាភិបាលកំពុងតែសុំគោលការណ៍ពីថ្នាក់ដឹកនាំ ដើម្បីពិនិត្យរកមេរោគកូវីដ១៩ ចំពោះថ្នាក់ដឹកនាំជាន់ខ្ពស់ក្រសួងមហាផ្ទៃដែលបានចូលរួមនៅក្នុងកិច្ចប្រជុំកាលពីថ្ងៃទី ២៤ខែវិច្ឆិកា ឆ្នាំ២០២០ នៅក្រសួងមហាផ្ទៃដែលកិច្ចប្រជុំនេះក៏មានវត្តមានលោក ឆែម សាវុធ អគ្គនាយកនៃអគ្គនាយកដ្ឋានពន្ធនាគារផងដែរ។
ការស្នើសុំគោលការណ៍នេះបានធ្វើឡើង បន្ទាប់ពីក្រសួងសុខាភិបាល បានរកឃើញថាភរិយារបស់លោកឆែម សាវុធ អគ្គនាយកនៃអគ្គនាយកដ្ឋានពន្ធនាគារនៃក្រសួងមហាផ្ទៃមានផ្ទុកមេរោគ covid-19។
នៅក្នុងកិច្ចប្រជុំកាលពីថ្ងៃទី ២៤ ខែវិច្ឆិកាឆ្នាំ ២០២០ គឺដឹកនាំដោយសម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ដើម្បីពិនិត្យពិភាក្សាលើសេចក្តីព្រាងព្រះរាជក្រឹត្យស្ដីពីការបន្ធូរបន្ថយលើកលែងទោស។ ដោយនៅក្នុងកិច្ចប្រជុំនេះមានការចូលរួមពីរដ្ឋមន្ត្រីក្រសួងយុត្តិធម៌ អគ្គស្នងការនគរបាលជាតិ រួមទាំងមន្ត្រីជាន់ខ្ពស់សំខាន់ៗមួយចំនួនទៀត។
យោងតាមសារសម្លេងរបស់មន្ត្រីជាន់ខ្ពស់នៃក្រសួងសុខាអភិបាល ដែលត្រូវបានចែកចាយតាមសារអេឡិចត្រូនិកនៅយប់នេះបានឲ្យដឹងថា នៅថ្ងៃទី ២៨ ខែវិច្ឆិកានេះ ក្រសួងសុខាភិបាលបានរកឃើញករណីវិជ្ជមានកូវី១៩ចំនួន ២នាក់ ក្នុងនោះមានម្នាក់ជាភរិយារបស់លោកឆែក សាវុធ អគ្គនាយកពន្ធនាគារនៃក្រសួងមហាផ្ទៃ ដោយមានរោគសញ្ញា ១០ ថ្ងៃមកហើយ ស្នាក់នៅបុរីប៉េងហ៊ួតផ្លូវ ៦០ ម៉ែតម៉ែត។
ហើយស្ត្រីរូបនោះបានទៅផ្សារអ៊ីអន ១និងបានធ្វើដំណើរឡើងចុះទៅខេត្តសៀមរាបនិងបានធ្វើដំណើរឡើងចុះទៅខេត្តសៀមរាប។ ហើយបានធ្វើតេស្តនៅមន្ទីរពេទ្យមិត្តភាពខ្មែរសូវៀត គឺមានវិជ្ជមានកូវីត១៩៕
#អរគុណសន្តិភាព
