បរទេស៖ រដ្ឋាភិបាលប្រេស៊ីលកាលពីថ្ងៃសុក្រម្សិលមិញបានប្រកាសថាចំនួនអ្នកស្លាប់ដោយសារកូវីដ១៩បានកើនឡើងដល់ ១៣០០០០ នាក់ជាលើកដំបូងហើយបន្ទាប់ពីខ្លួនបានចុះឈ្មោះចំនួនអ្នកស្លាប់ថ្មី ៨៧៤ នាក់ក្នុងរយៈពេល ២៤ ម៉ោងចុងក្រោយដែលនាំឱ្យចំនួនអ្នកស្លាប់សរុបដល់ ១៣០.៣៩៦ នាក់។
បន្ថែមលើនេះផងករណីឆ្លងថ្មីរបស់កូវី១៩ មានប្រមាណជា ៤៣៧១៨ ត្រូវបានរាយការណ៍ដែលធ្វើឱ្យចំនួនសរុបនៅទូទាំងប្រទេសបានកើនឡើងដល់ ៤២៨២១៦៤ ករណីដែលធ្វើឲ្យប្រទេសប្រេស៊ីលជាប្រទេសដែលមានករណីឆ្លងនិងស្លាប់ខ្ពស់បំផុត នៅអាមេរិកឡាទីន។
រដ្ឋ Sao Paulo ដែលជារដ្ឋដែលមានប្រជាជនច្រើននិងរងគ្រោះខ្លាំងជាងគេនៅក្នុងប្រទេសបានរាយការណ៍ថាមាន ករណីឆ្លងសរុប ៨៨២៨០៩ និង ៣២៣៣៨ ករណីបាត់បង់ជីវិតហើយបន្ទាប់មកគឺទីក្រុង Rio de Janeriro ដែលមានអ្នកឆ្លង ២៤០៤៥៣ ករណីនិងមនុស្សស្លាប់ ១៦៨៨៣ នាក់៕
