ផ្លូវមួយចំនួនត្រូវបានបិទចរាចរ ដើម្បីសម្រួលដល់ដំណើរការសាងសង់បណ្តាញលូទឹកកខ្វល់ ទឹកស្អាត អគ្គិសនី និងខ្សែកាប្តិ៍

សៀមរាប៖គិតត្រឹមថ្ងៃទី១៩ ខែកុម្ភៈ ឆ្នាំ២០២១ ក្រុមការងារស្ថាបនាផ្លូវថ្នល់ទាំង៣៨ខ្សែ ក្នុងក្រុងសៀមរាប បាននឹងកំពុងសាងសង់មមាញឹកយ៉ាងសស្រាក់សស្រាំ ដើម្បីសាងសង់ផ្លូវទាំងនេះឱ្យរួចរាល់តាមផែនការគម្រោងទុក រយៈពេល១៣ខែ។

ជាមួយនឹងការស្ថាបនាផ្លូវទាំងនេះ រដ្ឋបាលខេត្តសូមការយោគយល់ពីបងប្អូនប្រជាពលរដ្ឋដែលធ្វើចរាចរណ៍នៅតាមដងផ្លូវក្នុងក្រុង ពិសេស ផ្លូវទាំង៣៨ខ្សែ ដែលកំពុងសាងសង់ ហើយត្រូវបានបិទចរាចរណ៍ជាបណ្តោះអាសន្ន ដើម្បីសម្រួលដល់ដំណើរការសាងសង់ រៀបចំដាក់បណ្តាញលូទឹកភ្លៀង និង លូទឹកកខ្វល់ ទឹកស្អាត បណ្តាញអគ្គិសនី និង ខ្សែកាប្តិ៍។

ដូចនេះសូមសាធារណជន មេត្តាយោគយល់ ចំពោះការបិទផ្លូវ ឬបិទចរាចរណ៍ជាដំណាក់កាល និងដោយអន្លើៗ អាស្រ័យដោយតម្រូវការសាងសង់ឲ្យបានលឿន ឆាប់រហ័ស និងប្រកបដោយគុណភាព។ ខណៈពេលនេះ កំណាត់ផ្លូវមួយចំនួន ដែលបានបិទចរាចរទាំងស្រុង ឬបិទដោយកំណាត់ផ្លួវ រួមមាន:

១.ផ្លូវ WN06 វិថី ព្រះ នរោត្តម សីហមុនី ចាប់ ពី ផ្លូវ ជាតិ លេខ ៦ ស្តុបសាខា ដល់ផ្លូវបំបែកត្រពាំងសេះ សង្កាត់ គោកចក (ក្រោយ ស្តាតចាស់ ក្រោយសណ្ឋាគារ សូហ្វ៊ីតែល អង្គរ និងក្រោយមន្ទីរពេទ្យកុមារគន្ធាុបុប្ផារ )។