ភ្នំពេញ÷ នៅថ្ងៃទី១៨ ខែវិច្ឆិកាឆ្នាំ២០២០ស្អែកនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងអ្នកប៉ះពាល់ដោយផ្ទាល់ និងប្រយោលក្នុងព្រឹត្តិការណ៍ «៣វិច្ឆិកា» នឹងធ្វើតេស្តរកជំងឺកូវីដ១៩ លើកទី៤ ជាទឹកចុងក្រោយ ដើម្បីប្រាកដថា មានឬមិនមានឆ្លងមេរោគកូវីដ-១៩ ។
ការធ្វើតេស្ត រកជំងឺកូវីដ១៩នេះ នឹងត្រូវរៀបចំធ្វើនៅទីស្តីការគណៈរដ្ឋមន្ត្រី សម្រាប់មន្ត្រីរាជការ និងអ្នកសារព័ត៌មាន ដែលបានពាក់ព័ន្ធផ្ទាល់ និងប្រយោលនោះ។ ដោយឡែកសម្រាប់សម្តេចតេជោនាយករដ្ឋមន្ត្រី រដ្ឋមន្ត្រី និងមន្ត្រីជាន់ខ្ពស់មួយចំនួនទៀត ត្រូវបានធ្វើតេស្តនៅតាមទីតាំងធ្វើចត្តាឡីស័កនៅគេហដ្ឋាន ក៏ដូចជានៅសណ្ឋាគារសុខាជាដើម។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានអំពាវនាវដល់អ្នកប៉ះពាល់ផ្ទាល់ និងប្រយោលជាមួយព្រឹត្តិការណ៍ «៣វិច្ឆិកា» ទាំងអស់ ឱ្យទៅធ្វើតេស្តលើកទី៤ នាថ្ងៃទី១៨ ខែវិច្ឆិកា ស្អែកនេះព្រោះថា៖
ការធ្វើតេស្តលើកទី៤នេះ ជាដំណាក់កាលចាំបាច់បំផុត ដើម្បីឱ្យប្រាកដថា អ្នកប៉ះពាល់ផ្ទាល់ និងប្រយោលនេះមានឬមិនមានឆ្លងមេរោគកូវីដ-១៩ ៕
#អរគុណសន្តិភាព
