ភ្នំពេញ៖ ឯកឧត្តម ហ៊ុន ម៉ានី អ្នកតំណាងរាស្ត្រមណ្ឌលកំពង់ស្ពឹ បានសរសេរសារគោរពវិញ្ញាណខន្ធ អ្នកដែលសា្លប់ក្នុងរបបប្រល័យពូជសាសន៍ (របបពលពត) ដែលនេះ គឺជាប្រវត្តិសាស្ត្រសម្រាប់ដាស់យុវជនចូលរួមថែរក្សាសុខសន្តិភាព។
ឯកឧត្តម ហ៊ុន ម៉ានី សរសេរនៅលើទំព័រ ហ្វេសបុកនៅថ្ងៃទី៦ ខែមករា នេះថា “យើងខ្ញុំជាយុវជនជំនាន់ក្រោយសូមលំឱនកាយគោរពដោយដួងវិញ្ញាណក្ខន្ធបងប្អូនជនរួមជាតិខ្មែរទាំងអស់ដែលបានស្លាប់បាត់បង់ជីវិតក្នុងរបបប្រល័យពូជសាសន៍។
ឯកឧត្តម បន្តថា “ក្នុងនាមជាអ្នកបន្តវេន យើងត្រូវតែចងចាំនូវទំព័រប្រវត្តិសាស្ត្រដ៏ជូរចត់នៃប្រទេសយើង ជាការដាស់ស្មារតីក្នុងការថែរក្សាសុខសន្តិភាព កុំឱ្យដើរជាន់ដានប្រវត្តិសាស្ត្រ”៕
#អរគុណសន្តិភាព
