សន្តិភាព

សន្តិភាព

គេហទំព័រ «អរគុណសន្តិភាព» បង្កើតឡើងក្នុងគោលដៅផ្សព្វផ្សាយព័ត៌មានរបស់រាជរដ្ឋាភិបាល ជាពិសេសគឺ​ភាពរីចចម្រើន និងអភិវឌ្ឍន៍របស់កម្ពុជា ក្រោមការដឹកនាំរបស់សម្ដេចតេជោ ហ៊ុន សែន ដែលនាំឱ្យកម្ពុជាមាន «សន្តិភាព» ដូចរាល់ថ្ងៃ។ Tel: 0973323331

សម្ដេចតេជោ ផ្ដល់អនុសាសន៍ឲ្យពង្រឹងការអប់រំស្ត្រី សំដៅជំរុញការសិក្សាឲ្យបានខ្ពស់ កាត់បន្ថយគម្លាតជាមួយបុរស

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាអនុប្រធានកិត្តិយសទី១ នៃក្រុមប្រឹក្សាជាតិកម្ពុជាដើម្បីស្ត្រី នៅព្រឹកថ្ងៃទី០៣ ខែកក្កដា ឆ្នាំ២០២៤នេះ បានអនុញ្ញាតឲ្យប្រតិភូក្រុមប្រឹក្សាជាតិកម្ពុជាដើម្បីស្ត្រី ដឹកនាំដោយលោកស្រីកិត្តិបណ្ឌិត អ៊ឹង កន្ថាផាវី ចូលជួបសម្ដែងការគួរសម និងពិភាក្សាការងារ នៅវិមាន៧មករា។ ជាកិច្ចចាប់ផ្ដើម សម្ដេចតេជោប្រធានព្រឹទ្ធសភា សម្ដែងនូវក្ដីរីករាយដែលបានជួបជាមួយនឹងគណៈប្រតិភូក្រុមប្រឹក្សាជាតិកម្ពុជាដើម្បីស្ត្រី ដោយសម្ដេចបានដឹកនាំកិច្ចប្រជុំប្រចាំឆ្នាំ ចាប់តាំងពីឆ្នាំ២០០៥ រហូតដល់ឆ្នាំ២០២៣ លើកលែងតែងឆ្នាំ ២០២១ដែលមានជំងឺរាតត្បាតកូវីដ-១៩ដែលបានអាក់ខានប្រជុំប្រចាំឆ្នាំ។ លោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាប្រធានក្រុមប្រឹក្សាជាតិកម្ពុជាដើម្បីស្ត្រី បានសម្ដែងនូវអំណរសាទរ និងចាត់ទុកជាកិត្តិយលដ៏ខ្ពង់ខ្ពស់បំផុត ដែលគណៈប្រតិភូក្រុមប្រឹក្សាជាតិកម្ពុជាដើម្បីស្ត្រី បានទទួលការអនុញ្ញាតពីសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាអនុប្រធានកិត្តិយសទី១ នៃក្រុមប្រឹក្សាជាតិកម្ពុជាដើម្បីស្ត្រី អនុញ្ញាតឲ្យចូលជួបសម្ដែងការគួរសម និងរាយការណ៍ជូនពីវឌ្ឍនភាពការងារឆ្នាំ២០២៣…

សម្តេចតេជោ ហ៊ុន សែន អំពាវនាវពលរដ្ឋកុំភ្នាល់ដាក់លុយ ប្រយ័ត្នសៀង ក្នុងព្រឹត្តិការណ៍ប្រកួតបាល់ទាត់អឺរ៉ុប

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានអំពាវនាវប្រជា​ពលរដ្ឋ​កុំឱ្យ​ភ្នាល់លុយក្នុងព្រឹត្តិការណ៍ប្រកួតបាល់ទាត់អឺរ៉ុបប្រយ័ត្នសៀង។ ទន្ទឹមការអំពាវនាវពលរដ្ឋកុំឱ្យភ្នាល់លុយក្នុងព្រឹត្តិការណ៍ប្រកួតបាល់ទាត់អឺរ៉ុបនេះ សម្តេចតេជោ ហ៊ុន សែន ក៏បានឆ្លៀតបញ្ជាក់ពាក់ព័ន្ធការទស្សទាយរបស់សម្តេច​កាល​ពីថ្ងៃទី២៨ ខែមិថុនា ឆ្នាំ២០២៤ផងដែរ។ សម្តេចតេជោ ហ៊ុន សែន បានបញ្ជាក់ថា ការទស្សទាយរបស់សម្តេចថាអាល្លឺម៉ង់​នឹង​ឈ្នះនាពេលនោះ គឺសំដៅលើការប្រកួតជម្រុះវគ្គ១៦ក្រុមប៉ុណ្ណោះ មិនសំដៅទៅលើការលើកពាននោះឡើយ។ សម្តេចតេជោបន្ថែមថា ពេលនេះវគ្គ១៦ក្រុម ចំនួន៨ប្រកួត បានឆ្លងផុតហើយ​ សម្តេចមិនអះអាងថាអាល្លឺម៉ង់នឹងឈ្នះទៀតនោះឡើយ។ ដូច្នេះកុំបន្ទោសសម្តេចប្រសិនបើអ្នកគាំទ្រអាលីម៉ង់ភ្នាល់ចាញ់។ សម្តេចតេជោ ក៏បានបញ្ជាក់ពីការទស្សទាយរបស់សម្តេចក្នុងពេលប្រកួតជម្រុះនាពេលកន្លងទៅនេះផងដែរ។ សម្តេចតេជោបានបញ្ជាក់ថា ៨ប្រកួតកន្លងទៅនេះ សម្តេចឈ្នះ ៦ប្រកួតនិងចាញ់​២ប្រកួត។ បើតាមសម្តេចតេជោ ការទស្សទាយរបស់សម្តេចបានធ្វើជាមួយ លោក មួង សារ៉ន ដែលសម្តេចចាត់ទុកជាសត្រូវរបស់សម្តេចដែលតែងប្រកួតជាមួយ ជាពិសេស​ការវាយកូនគោល។ សូមបញ្ជាក់ថា ព្រឹត្តិការណ៍ប្រកួតបាល់ទាត់តំបន់អឺរ៉ុប…

ហ៊ុន ម៉ានី៖ «រាល់ការប្រមាថព្រះមហាក្សត្រ គឺប្រៀបបាននឹងការប្រមាថប្រជាជន និងប្រទេសជាតិទាំងមូល»

ឧបនាយករដ្ឋមន្ត្រី ហ៊ុន ម៉ានី រដ្ឋមន្រ្តីក្រសួងមុខងារសាធារណៈ បានលើកឡើងថា រាល់ការប្រមាថព្រះមហាក្សត្រ ទោះក្នុងទម្រង់ ឬរូបភាពណាក៏ដោយ គឺប្រៀបបាននឹងការប្រមាថប្រជាជន និងប្រទេសជាតិទាំងមូល ដែលយុវជនកម្ពុជាមិនអាចទទួលយកបាន។ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបន្តថា «ក្នុងន័យនេះ មិនថាបច្ចុប្បន្ន និងទៅអនាគត ខ្ញុំសូមអំពាវនាវដល់យុវជនខ្មែរជំនាន់ក្រោយ បន្តរួមគ្នាការពារ និងសូមចងចាំថាសកម្មភាពចំបងដែលយុវជនកម្ពុជាត្រូវឈឺឆ្អាល និងរួមគ្នាការពារនោះគឺ ជាតិ ដែលមានប្រជាជាតិ និងប្រជាជន សាសនា និងព្រះមហាក្សត្រ»។ ផ្អែកតាមរដ្ឋធម្មនុញ្ញកម្ពុជា ឆ្នាំ១៩៩៣ ព្រះមហាក្សត្រ អង្គព្រះមហាក្សត្រ មិនអាចនរណារំលោភបំពានបានឡើយ។ ទន្ទឹមនឹងនេះ ក្រមព្រហ្មទណ្ឌកម្ពុជា ក៏បានកំណត់ទោសទណ្ឌចំពោះជនទាំងឡាយណា ដែលប្រមាថចំពោះអង្គព្រះមហាក្សត្រផងដែរ។ មាត្រា៤៣៧ស្ទួន នៃជំពូកទី១ នៃមាតិកាទី១នៃគន្ថីទី៤…

នាយឧត្តមសេនីយ៍ ស ថេត បញ្ជាឲ្យនគរបាលចរាចរណ៍បញ្ឈប់ការពួនស្នាក់ នៅពេលរឹតបន្ដឹងច្បាប់ចរាចរណ៍

នៅព្រឹកថ្ងៃទី០៣ ខែកក្កដា ឆ្នាំ២០២៤ នាយឧត្តមសេនីយ៍ ស ថេត អគ្គស្នងការនគរបាលជាតិ បានដាក់បទបញ្ជាម៉ឺងមាត់ឲ្យបញ្ឈប់ជាបន្ទាន់នូវសកម្មភាព នៃការពួនស្នាក់ចាប់ផាកពិន័យអ្នកដែលបើកបរល្មើសច្បាប់ចរាចរណ៍ នៅពេលអនុវត្តវិធានការរឹតបន្ដឹងច្បាប់ចរាចរណ៍។ នាយឧត្តមសេនីយ៍ ស ថេត បានថ្លែងយ៉ាងដូច្នេះថា «ស្នងការនគរបាលរាជធានី-ខេត្ត ត្រូវរៀបចំសម្ភារសាជី ឬក៏បារ៉ាស់ និងការដាក់តាំងនូវម៉ាស៉ីនចាប់ល្បឿនជំហរតែម្ដង ឈប់ជ្រកក្រោមដើមឈើ ក្នុងតូបលក់ដូរ ដែលនាំឲ្យមហាជនរិះគន់។ ការត្រួតពិនិត្យតាមគោលដៅដងផ្លូវជាតិ សូមឲ្យសមត្ថកិច្ចបំពេញនូវកាតព្វកិច្ចជាមួយឯកសណ្ឋាន ប្រកបដោយកាយវិការសុភាពរាបសារ ម៉ឺងម៉ាត់ និងជំនាញច្បាស់លាស់»។ នាយឧត្តមសេនីយ៍ ស ថេត អគ្គស្នងការនគរបាលជាតិ បានបង្ហាញនូវការព្រួយបារម្ភជាខ្លាំង នៅពេលឃើញស្ថានភាពនៃការគ្រោះថ្នាក់ចរាចរណ៍មានការកើនឡើង ហើយភាគច្រើននៃអ្នកគ្រោះថ្នាក់សុទ្ធតែបាត់បង់ជីវិត និងគ្រោះថ្នាក់ធ្ងន់ធ្ងរតែម្ដង។ ក្នុងន័យនេះ នាយឧត្តមសេនីយ៍ ស ថេត បានដាក់បទបញ្ជាយ៉ាងម៉ឺងមាត់ដល់ស្នងការនគរបាលរាជធានី-ខេត្ត ត្រូវតែចាត់វិធានការបន្ទាន់ក្នុងការរឹតបន្ដឹងច្បាប់ចរាចរណ៍ផ្លូវគោក…

អត្រាពលរដ្ឋក្រីក្រនឹងត្រូវកាត់បន្ថយ នៅពេលកម្ពុជា ក្លាយជាប្រទេសមានចំណូលមធ្យមកម្រិតខ្ពស់នាឆ្នាំ២០៣០

លោក ផាន់ ផល្លារដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ បានលើកឡើងថា នៅពេលដែលកម្ពុជា ក្លាយទៅជាប្រទេសចំណូលមធ្យមកម្រិតខ្ពស់ នៅឆ្នាំ២០៣០ អត្រាពលរដ្ឋក្រីក្រនៅកម្ពុជា នឹងធ្លាក់ចុះជាងពេលបច្ចុប្បន្ននេះ គឺដោយសារការរីកចម្រើននៃសកម្មភាពសេដ្ឋកិច្ច ស្របពេលដែលយុវជនជំនាន់ក្រោយដែលទទួលបានការបណ្តុះបណ្តាលជំនាញ នឹងធ្វើឱ្យពួកគេទទួលបានចំណូលខ្ពស់ជាងមុន ដែលធ្វើឱ្យចំនួនប្រជាជនក្រីក្រ ស្ថិតក្នុងកម្រិតក្រ១ និងក្រ២ នឹងត្រូវបានកាត់បន្ថយ។ បើតាមលោក ផាន់ ផល្លា ប្រទេសដែលអាចចាត់ចូលជាប្រទេសចំណូលមធ្យមកម្រិតខ្ពស់បាន លុះត្រាតែចំណូលមធ្យមរបស់ប្រជាពលរដ្ឋទទួលបានជាង៤ពាន់ដុល្លារក្នុងមួយឆ្នាំ និងប្រទេសដែលមានចំណូលខ្ពស់ គឺចំណូលមធ្យមជាង១ម៉ឺនដុល្លារ ក្នុងមួយឆ្នាំ ដែលតួលេខនេះគឺយោងតាមការកំណត់របស់ធនាគារពិភពលោក។ តែយ៉ាងណាតួលេខនេះ គឺត្រូវបានគណនាផ្លាស់ប្តូរជារៀងរាល់ឆ្នាំផងដែរ។ យោងតាមឯកសារថវិកាសង្ខេបប្រចាំឆ្នាំ២០២៤ របស់ក្រសួងសេដ្ឋកិច្ច និងហិរញ្ញវត្ថុ ផ.ស.ស ឬចំណូលមធ្យមរបស់មនុស្សម្នាក់ៗនៅឆ្នាំ២០២៤ ត្រូវរំពឹងថានឹងកើនដល់ ២ ០៧១ ដុល្លារ ពីចំនួនប៉ាន់ស្មាន ១…

សម្តេចធិបតី អនុញ្ញាតឱ្យប្រធានក្រុមហ៊ុនដ៏ល្បីឈ្មោះមួយរបស់កាណាដា ជួបសម្តែងការគួរសម

នៅរសៀលថ្ងៃអង្គារ ទី២ ខែកក្កដា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោក លោក Lee Q. Shim ប្រធានក្រុមហ៊ុន Lee Li Holdings Group ជួបសម្ដែងការគួរសម និងពិភាក្សាការងារ​នៅវិមានសន្តិភាព ។ ក្រុមហ៊ុន Lee Li Holdings Group គឺជាក្រុមហ៊ុនមានឈ្មោះបោះសំឡេងមួយ ដែលមានមូលដ្ឋាននៅប្រទេសកាណាដា និងមានឥទ្ធិពល ក៏ដូចជាទំនាក់ទំនងខ្ពស់​នៅក្នុងអាជីវកម្ម ព្រមទាំងសហគមន៍នយោបាយនៃប្រទេសកាណាដា។ ក្រុមហ៊ុនមាន​សេវា​កម្មជា​ច្រើនវិស័យ ដូចជា៖ វិស័យម្ហូបអាហារ ភេសជ្ជៈ ការអភិវឌ្ឍអចលនទ្រព្យ ការគ្រប់គ្រងអចលនទ្រព្យ វេជ្ជសាស្ត្រ ភាគហ៊ុនឯកជន ឧស្សាហកម្មរុករករ៉ែជាដើម៕

គ្រួសាររងគ្រោះដោយអគ្គិភ័យទទួលបានអំណោយពីសាខាកាកបាទក្រហមកម្ពុជាខេត្តកំពង់ចាម

គ្រួសារពលរដ្ឋដែលរងគ្រោះដោយអគ្គិភ័យ១គ្រួសារ រស់នៅភូមិផ្ទះខ្ពស់ ឃុំតុងរ៉ុង ស្រុកព្រៃឈរ ខេត្តកំពង់ចាម បានទទួលអំណោយមនុស្សធម៌របស់សាខាកាកបាទក្រហមកម្ពុជាខេត្តកំពង់ចាម ដែលយកទៅប្រគល់ជូនដោយលោក ប៉ែន ម៉ារឌី អនុប្រធានគណៈកម្មាធិការសាខា តំណាងឯកឧត្តម អ៊ុន ចាន់ដា ប្រធានគណ:កម្មាធិការសាខា នាថ្ងៃអង្គារ ទី០២ ខែកក្កដា ឆ្នាំ២០២៤នេះ។ លោក ប៉ែន ម៉ារឌី បាននាំយកនូវបណ្តាំផ្ញើសួរសុខទុក្ខពីសំណាក់ឯកឧត្តម សន្តិបណ្ឌិត នេត សាវឿន  ប្រធានកិត្តិយសសាខា  ឯកឧត្តម អ៊ុន ចាន់ដា ប្រធានគណៈកម្មាធិការសាខា  ជាពិសេសពីសំណាក់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែយកចិត្តទុកដាក់គិតគូរអំពីសុខទុក្ខរបស់ប្រជាពលរដ្ឋដែលរងគ្រោះ និងងាយរងគ្រោះបំផុត នៅគ្រប់ទីកន្លែង ដោយមិនប្រកាន់និន្នាការនយោបាយ…

យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ ប្រមូលបានថវិកាជាង ៣.៣លានដុល្លារ

នៅក្នុងសន្និសីទបង្ហាញពីលទ្ធផលយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ ដែលធ្វើឡើងនៅមន្ទីរពេទ្យជ័យវរ្ម័នទី៧ ខេត្តសៀមរាប នារសៀលថ្ងៃទី០១ ខែកក្កដា ឆ្នាំ២០២៤ ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា បានបង្ហាញថា យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ របស់មូលនិធិគន្ធបុប្ផាកម្ពុជា ដែលបានផ្តួចផ្តើមឡើងដោយ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា ដែលបានបញ្ចប់នៅថ្ងៃទី៣០ ខែមិថុនា ឆ្នាំ២០២៤ ទទួលបានលទ្ធផល ដោយមានការចូលរួមគាំទ្រពីសប្បុរសជនជាង២៤ម៉ឺននាក់ ជាមួយនឹងថវិកាបរិច្ចាគសរុប សមមូលជាប្រាក់ដុល្លារអាម៉េរិកចំនួនជាង ៣.៣ លានដុល្លារ។ ចំនួននេះ បើធៀបទៅនឹងកាលពីឆ្នាំមុន គឺមានការកើនឡើងគួរឱ្យកត់សម្គាល់។ ដោយទទួលបានការចូលរួមកាន់តែផុសផុលពីសប្បុរសជនក្នុងបណ្តាក្រសួង-ស្ថាប័ន, រាជធានី-ខេត្ត, ក្រុមហ៊ុន-សហគ្រាសទាំងតូចទាំងធំ ទាំងនៅរាជធានីភ្នំពេញ និងនៅតាម បណ្ដាខេត្តនានា ដែលនេះឆ្លុះបញ្ចាំងពីចលនាជាតិដ៏សំខាន់មួយក្នុង «ស្មារតីខ្មែរជួយខ្មែរ» ដើម្បីរួមគ្នានាំក្ដីសង្ឃឹម និងភាពញញឹម ដល់ទារក និងកុមារ ដែលជាអនាគត ដ៏ភ្លឺស្វាងរបស់កម្ពុជា។…

សម្តេចធិបតី៖ ការបើកការដ្ឋានសាងសង់ព្រែកជីកហ្វូណនតេជោ នឹងធ្វើឡើងចំថ្ងៃខួបកំណើតរបស់សម្តេចតេជោ

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា គម្រោងព្រែកជីកហ្វូណនតេជោ គឺជាគម្រោងជាតិនិយម។ ការបើកការដ្ឋានសាងសង់ព្រែកជីកហ្វូណនតេជោ នឹងធ្វើឡើងចំថ្ងៃខួបកំណើតរបស់សម្តេចតេជោ ហ៊ុន សែន ដែលជាអ្នកផ្តួចផ្តើម និងបង្កលក្ខណៈឱ្យគម្រោងចេញជារូបរាង។ ថ្លែងក្នុងឱកាសអញ្ជើញលែងកូនត្រី ១.៥លានក្បាល ចូលបឹងធំក្នុងស្រុកព្រៃឈរ ខេត្តកំពង់ចាម នាព្រឹកថ្ងៃទី១ ខែកក្កដា ឆ្នាំ២០២៤ សម្តេចធិ​បតី ហ៊ុន ម៉ាណែត បានអរគុណប្រជាពលរដ្ឋ ដែលបានគាំទ្រគម្រោងព្រែកជីកហ្វូណនតេជោ ដែលជាគម្រោងមានប្រយោជន៍មហាសាល។ សម្តេចធិបតី ហ៊ុន ម៉ាណែត បានបញ្ជាក់យ៉ាងដូច្នេះថា «គម្រោងនេះ ពិសេសជាងគម្រោងផ្សេងៗ ត្រង់ថាវាបានបញ្ជាក់ពីស្មារតីជាតិនិយម លើកលែងតែអ្នកជ្រុលនិយមមួយក្តាប់តូចនៅក្រៅប្រទេសទេ ក្រៅពីនោះស្មារតីតែមួយ សូម្បីតែគណបក្សផ្សេងគ្នា មាននិន្នាការផ្សេងគ្នា ក៏ចេញមកគាំទ្រគម្រោងព្រែកជីកមួយនេះ ព្រោះគេដឹងថា ជាផលប្រយោជន៍របស់កូនចៅខ្មែរទាំងអស់មិនថាបក្សណាទេ។ នេះជាគម្រោងពិសេសមួយ…

សម្តេចធិបតីផ្តល់អនុសាសន៍ ៥ចំណុច ជំរុញការអភិរក្សត្រីពូជ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានផ្តល់នូវអនុសាសន៍ណែនាំ៥ចំណុចដល់ក្រសួងកសិកម្ម និងភាគីពាក់ព័ន្ធ ដើម្បីអភិរក្ស កូនត្រីពូជដែលមានប្រសិទ្ធភាពសេដ្ឋកិច្ចខ្ពស់ ដើម្បីលើកកម្ពស់ជីវភាពវារីវប្បករ និងកាត់បន្ថយ សម្ពាធមកលើធនធានជលផលធម្មជាតិ។ ការដាក់ចេញនូវអនុសាសន៍ទាំងនេះ ធ្វើឡើងក្នុងឱកាសដែលសម្តេចធិបតីបានអញ្ជើញលែងកូន១.៥ក្បាលចូលបឹងធំក្នុងស្រុកព្រៃឈរ ខេត្តកំពង់ចាម នាព្រឹកថ្ងៃទី១ ខែកក្កដា ឆ្នាំ២០២៤នេះ។ នាឱកាសនោះសម្តេចធិបតី មានប្រសាសន៍ថា ទន្ទឹមនឹងការគាំទ្ររបស់រាជរដ្ឋាភិបាលចំពោះសកម្មភាពការងារដែលក្រសួងកសិកម្ម រុក្ខាប្រម៉ាញ់ និងនេសាទ បាននឹងកំពុងអនុវត្ត ដើម្បីពង្រឹងការគ្រប់គ្រង ការអភិរក្ស និងការគ្រប់គ្រងធនធានជលផលប្រកបដោយនិរន្តរភាពសម្រាប់កូនចៅជំនាន់ក្រោយ និងបំផុសស្មារតីទិវា មច្ឆា១កក្កដា ក្នុងដួងចិត្តយើងទាំងអស់គ្នា សូមផ្តល់អនុសាសន៍ មួយចំនួនដូចដូចតទៅ ៖ ទី១. រដ្ឋបាលជលផលត្រូវបន្តពង្រឹងការអភិរក្សធនធានជលផល ព្រៃលិចទឹក និង ព្រៃកោងកាង, ជាពិសេសការអភិរក្សត្រីមេពូជ សត្វផ្សោតទន្លេមេគង្គ និង វារីសត្វងាយរងគ្រោះឱ្យកាន់តែមានប្រសិទ្ធភាពខ្ពស់…