ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងក្រោយជំនួបថា លោកជំទាវឯកអគ្គរដ្ឋទូត បានសម្តែងនូវការដឹងគុណយ៉ាងជ្រាលជ្រៅចំពោះសម្តេចតេជោ និងបានគូសបញ្ជាក់ថា ក្នុងអាណត្តិការទូតរបស់លោកជំទាវ ទំនាក់ទំនងទ្វេភាគីមានការរីកចម្រើនយ៉ាងខ្លាំង តាមរយៈការផ្លាស់ប្ដូរទស្សនកិច្ចញឹកញាប់របស់ថ្នាក់ដឹកនាំកំពូល ទាំងដំណើរទស្សនកិច្ចរបស់ប្រធានាធិបតីហ្វីលីពីនមកកម្ពុជា និងដំណើរទស្សនកិច្ចរបស់សម្តេចធិបតី ហ៊ុន ម៉ាណែត ទៅកាន់ប្រទេសហ្វីលីពីន។ ទន្ទឹមនឹងនេះ វិស័យសេដ្ឋកិច្ច ពាណិជ្ជកម្ម និងការវិនិយោគ ក៏កំពុងបោះជំហានទៅមុខ រួមទាំងការផ្សារភ្ជាប់ទំនាក់ទំនងរវាងប្រជាជន និងប្រជាជនយ៉ាងសកម្ម ដែលក្នុងនោះហ្វីលីពីនបង្ហាញការចាប់អារម្មណ៍ខ្ពស់លើផលិតផលកសិកម្មរបស់កម្ពុជា។

ជាការឆ្លើយតប សម្ដេចតេជោ ហ៊ុន សែន បានសម្តែងការពេញចិត្ត និងបង្ហាញសុទិដ្ឋិនិយមខ្ពស់ចំពោះវឌ្ឍនភាពនេះ ដោយសម្តេចបានចាត់ទុកថា «វិស័យសេដ្ឋកិច្ច និងពាណិជ្ជកម្ម គឺជាស្នូលនៃទំនាក់ទំនងរវាងកម្ពុជា និងហ្វីលីពីន»។ ជាមួយគ្នានេះ សម្តេចសង្ឃឹមថាការនាំចេញកសិផល ជាពិសេសគឺអង្ករកម្ពុជាទៅកាន់ទីផ្សារហ្វីលីពីន នឹងបន្តកើនឡើង ព្រមទាំងបានជំរុញឱ្យមានការបង្កើនជើងហោះហើរត្រង់បន្ថែមទៀត ដើម្បីជម្រុញវិស័យទេសចរណ៍ និងចំណងមិត្តភាពប្រជាជនទាំងពីរ។

ក្រៅពីកិច្ចសហប្រតិបត្តិការទ្វេភាគី សម្តេចតេជោ ក៏បានពន្យល់ពីបញ្ហាព្រំដែនកម្ពុជា-ថៃ ដោយបញ្ជាក់ជាថ្មីនូវជំហរដាច់ខាតរបស់កម្ពុជា គឺការប្រកាន់យកគោលការណ៍ដោះស្រាយដោយសន្តិវិធី ឈរលើច្បាប់អន្តរជាតិ និងយន្តការទ្វេភាគីដែលមានស្រាប់។ ជាការឆ្លើយតប លោកជំទាវបានបញ្ជាក់ថា ក្នុងនាមហ្វីលីពីនជាប្រធានអាស៊ាន នឹងខិតខំប្រឹងប្រែងជួយជំរុញការដោះស្រាយជម្លោះព្រំដែននេះដោយសន្តិវិធីផងដែរ។ នាកិច្ចបញ្ចប់ សម្តេចតេជោ បានប្រសិទ្ធពរជ័យជូនលោកជំទាវអគ្គរដ្ឋទូត ឱ្យទទួលបានជោគជ័យក្នុងភារកិច្ចថ្មីៗជាបន្តបន្ទាប់៕

The post សម្តេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតហ្វីលីពីន ចូលជួបជម្រាបលា និងជម្រុញស្នូលសេដ្ឋកិច្ចទ្វេភាគី appeared first on អរគុណសន្តិភាព.

ក្នុងសារលិខិតនោះ សម្តេចតេជោប្រធានព្រឹទ្ធសភា បានសម្តែងនូវការអបអរសាទរយ៉ាងកក់ក្តៅបំផុត និងសូមថ្វាយព្រះពរជ័យអស់ពីដួងចិត្ត ព្រមទាំងបានសម្តែងនូវការកោតសរសើរ និងវាយតម្លៃខ្ពស់ចំពោះព្រះរាជកិច្ចដឹកនាំដ៏ឈ្លាសវៃ និងការលះបង់ពេញមួយជីវិតរបស់ព្រះអង្គ ដើម្បីសុខុមាលភាព វិបុលភាព និងសុខដុមរមនារបស់ប្រទេស និងប្រជាជនប្រ៊ុយណេ។

សម្តេចតេជោ បានគូសបញ្ជាក់ថា ព្រះរាជវិភាគទានដ៏ឧត្តុង្គឧត្តមរបស់ព្រះអង្គ បានលើកកម្ពស់កិត្យានុភាពរបស់ប្រទេសប្រ៊ុយណេនៅលើឆាកអន្តរជាតិ។ ជាមួយគ្នានេះ ព្រះរាជសកម្មភាពខិតខំប្រឹងប្រែងរបស់ព្រះអង្គ ក៏បានដើរតួនាទីយ៉ាងសំខាន់ក្នុងការរឹតចំណងមិត្តភាព និងកិច្ចសហប្រតិបត្តិការដ៏ជិតស្និទ្ធ ប្រកបដោយផ្លែផ្ការវាងប្រទេស និងប្រជាជនទាំងពីរ។

សម្តេចតេជោ ហ៊ុន សែន ក៏បានបង្ហាញនូវការទន្ទឹងរង់ចាំធ្វើការងារយ៉ាងជិតស្និទ្ធជាមួយព្រះអង្គ ដើម្បីបន្តពង្រឹងមិត្តភាព និងទំនាក់ទំនងទ្វេភាគីឱ្យកាន់តែស៊ីជម្រៅបន្ថែមទៀត សម្រាប់ផលប្រយោជន៍ទៅវិញទៅមក និងបានថ្វាយព្រះពរជ័យជូនព្រះចៅស៊ុលតង់ សូមមានព្រះសុខភាពល្អបរិបូរ ព្រះជន្មាយុយឺនយូរ និងទទួលបានជោគជ័យជានិរន្តរ៍ក្នុងការបំពេញព្រះរាជកិច្ចដ៏ឧត្តុង្គឧត្តម៕

The post សម្តេចតេជោ ហ៊ុន សែន ថ្វាយសារលិខិតអបអរសាទរ ព្រះមហាក្សត្រប្រ៊ុយណេ ក្នុងឱកាសបុណ្យចម្រើនព្រះជន្ម ៨០ព្រះវស្សា appeared first on អរគុណសន្តិភាព.

នេះគឺជាខេត្តទី២០ ហើយនៅក្នុង «ដំណើរឆ្ពោះទៅកាន់មូលដ្ឋាន» ដែលសម្តេចតេជោ ហ៊ុន សែន បានចាប់ផ្តើមតាំងពីថ្ងៃទី២៥ ខែមេសា ឆ្នាំ២០២៦ មកម្ល៉េះ។ ដំណើរទស្សនកិច្ចនេះ មិនត្រឹមតែជាការជួបសំណេះសំណាលប៉ុណ្ណោះទេ ប៉ុន្តែជាយុទ្ធសាស្ត្រជាន់ខ្ពស់ក្នុងការចុះត្រួតពិនិត្យ និងក្រើនរំលឹកដល់មន្ត្រីនៅមូលដ្ឋានឱ្យ៖

• បង្កើនការផ្តល់សេវាសាធារណៈ៖ បម្រើប្រជាពលរដ្ឋឱ្យបានរហ័ស និងមានប្រសិទ្ធភាពខ្ពស់។
• ដោះស្រាយក្តីកង្វល់៖ ឆ្លើយតបទៅនឹងបញ្ហាប្រឈម និងសំណូមពររបស់ប្រជាពលរដ្ឋនៅតាមមូលដ្ឋានឱ្យបានទាន់ពេលវេលា។
• ការពង្រឹងសន្តិសុខ និងធនធានធម្មជាតិ៖ ផ្តោតខ្លាំងលើការថែរក្សាសណ្តាប់ធ្នាប់ ការប្រយុទ្ធប្រឆាំងបទល្មើសគ្រប់ប្រភេទ និងការការពារធនធានធម្មជាតិដែលជាទ្រព្យសម្បត្តិជាតិដ៏មានតម្លៃ។

The post សម្តេចតេជោ ហ៊ុន សែន ចុះសំណេះសំណាលជាមួយមន្ត្រីមូលដ្ឋានក្នុងខេត្តរតនគិរី៖ បន្តពង្រឹងប្រសិទ្ធភាពសេវាសាធារណៈ និងការពារធនធានធម្មជាតិ appeared first on អរគុណសន្តិភាព.

ក្នុងឱកាសនោះ សម្តេចតេជោ ហ៊ុន សែន បានគូសបញ្ជាក់ថា នេះគឺជាផ្នែកមួយនៃ «ដំណើរឆ្ពោះទៅកាន់មូលដ្ឋាន» ដែលបានចាប់ផ្តើមតាំងពីថ្ងៃទី២៥ ខែមេសា ឆ្នាំ២០២៦។ រហូតមកដល់ពេលនេះ សម្តេចតេជោបានចុះជួបសំណេះសំណាលនៅរាជធានី-ខេត្តចំនួន ១៩ រួចមកហើយ ដើម្បីស្តាប់ពីបញ្ហាប្រឈម និងជំរុញប្រសិទ្ធភាពការងារនៅថ្នាក់មូលដ្ឋាន។

សម្តេចតេជោបានក្រើនរំលឹកដល់មន្ត្រីទាំងអស់ឱ្យបង្កើនការយកចិត្តទុកដាក់លើការផ្តល់សេវាសាធារណៈជូនប្រជាពលរដ្ឋឱ្យបានរហ័ស និងមានប្រសិទ្ធភាព ព្រមទាំងការដោះស្រាយក្តីកង្វល់របស់ប្រជាពលរដ្ឋឱ្យបានទាន់ពេលវេលា។ លើសពីនេះ សម្តេចបានសង្កត់ធ្ងន់លើបញ្ហាសន្តិសុខ សណ្តាប់ធ្នាប់ ការប្រយុទ្ធប្រឆាំងបទល្មើសនានា ការការពារធនធានធម្មជាតិ និងការពង្រឹងការគ្រប់គ្រងរដ្ឋបាលនៅតាមមូលដ្ឋាន៕

The post សម្តេចតេជោ ហ៊ុន សែន អញ្ជើញជួបសំណេះសំណាលជាមួយមន្ត្រីមូលដ្ឋានក្នុងខេត្តមណ្ឌលគិរី ក្នុងដំណើរឆ្ពោះទៅកាន់មូលដ្ឋាន appeared first on អរគុណសន្តិភាព.