សម្ដេចតេជោ ហ៊ុន សែន
កំពូលស្ថាបនិក និងជាបិតាសន្តិភាពរបស់កម្ពុជា

ក្រុមការងារចម្រុះចុះត្រួតពិនិត្យទីតាំងចាក់វ៉ាក់សាំងការពារជំងឺកូវី-១៩ ជូនប្រជាពលរដ្ឋដែលរស់នៅស្រុកជីក្រែង និងស្រុកស្វាយលើ

សៀមរាប៖ ថ្ងៃទី១៤​ ខែកក្កដា ឆ្នាំ២០២១ លោក​ ពៅ ពិសិដ្ឋ អភិបាលរងខេត្តសៀមរាប និងជាប្រធានក្រុមការងារទទួលបន្ទុកនិងសម្របសម្រួលការចាក់វ៉ាក់សាំងការពារជំងឺកូវីដ-១៩ ដែលទទួលមុខព្រួញនៅស្រុកជីក្រែង និងស្រុកស្វាយលើ ដោយមានការអញ្ជើញចូលរួមពី លោក អភិបាលស្រុកជក្រែង លោកអភិបាលស្រុកស្វាយលើ ព្រមទាំងមានការអញ្ជើញចូលរួមពីក្រុមការងារស្រុកចុះពិនិត្យទីតាំង និងការរៀបចំសន្តិសុខសណ្តាប់ធ្នាប់ របៀបរៀបរយសាធារណៈជុំវិញទីតាំង ដែលជាបរិវេណសម្រាប់រៀបចំកចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋជំហានពីរដែលរស់នៅតាមបណ្តាស្រុកជីក្រែង និងស្រុកស្វាយលើ។

ទំនាក់ទំនងក្រុមការងារ «អរគុណសន្តិភាព» ដើម្បីចុះផ្សាយព័ត៌មានតាមរយៈ
Telegram៖ 0973323331

សូមបញ្ជាក់ផងដែរថា ក្រុមការងារចម្រុះបានរៀបចំទីតាំងសម្រាប់ចាក់វ៉ាក់សាំងជូនប្រជាពលរដ្ឋនៅដែលរស់នៅស្រុកទាំងពីររួមមាន ៖

-ស្រុកជីក្រែងនឹងប្រព្រឹត្តទៅចាប់ពីថ្ងៃទី១៦​ ខែកក្កដា ឆ្នាំ២០២១ ដែលមានទីតាំងស្ថិតក្នុងបរិវេណវត្តស្វាយលើ

-ស្រុកស្វាយលើនឹងប្រព្រឹត្តទៅចាប់ពីថ្ងៃទី១៦ ខែកក្កដា ឆ្នាំ២០២១ ដែលស្ថិតក្នុងបរិវេណសាលាបឋមសិក្សាក្របីរៀល។ ដោយឡែកស្រុកដទៃទៀតក្រុមការងារនឹងរៀបចំជាបន្តបន្ទាប់ទៀតនិងជូនដំណឹងនៅពេលក្រោយ។

សូមបញ្ជាក់ផងដែរថា ការចាក់វ៉ាក់សាំងជូនប្រជាពលរដ្ឋដែលស្ម័គ្រចិត្តទាំងពីរជំហាន គឺពុំមានគិតថ្លៃអ្វីទាំងអស់ ម្យ៉ាងទៀត មុនពេលបងប្អូនទៅចាក់វ៉ាក់សាំងសូមទំនាក់ទំនងជាមួយមេភូមិ ឬឃុំដើម្បីទទួលបានឯកសារសម្រាប់ចាក់វ៉ាក់សាំងនៅតាមភូមិ ឃុំដែលបងប្អូនរស់នៅ។

រដ្ឋបាលខេត្តសង្ឃឹមយ៉ាងមុតមាំថាបងប្អូនប្រជាពលរដ្ឋនឹងចូលរួមសហការក្នុងការអនុវត្តនូវវិធានការខាងលើឱ្យខ្ជាប់ខ្ជួន ដើម្បីសណ្តាប់ធ្នាប់របៀបរៀបរយ និងជៀសវាងការឆ្លងជំងឺជាយថាហេតុ ម្យ៉ាងវិញទៀតក៏ដូចជាការការពារខ្លួនយើង គ្រួសារយើង និងសហគមន៍យើង ពិសេសការកាត់ផ្តាច់ជំងឺកូវីដ-១៩ចេញពីសហគមន៍យើង ដើម្បីយើងរស់រានមានជីវិតដូចកាលពីមុន៕

#អរគុណសន្តិភាព