សម្ដេចតេជោ ហ៊ុន សែន
កំពូលស្ថាបនិក និងជាបិតាសន្តិភាពរបស់កម្ពុជា

អាជ្ញាធរខេត្ត មណ្ឌលគិរី និងមន្ទីរសុខាភិ បាលនៃរដ្ឋបាលខេត្ត បានបន្តដំណើរការចាក់វ៉ាក់សាំងការពារឆ្លងជំងឺកូវីដ-១៩ ប្រភេទស៊ីណូវ៉ាក់ ជូនដល់ប្រជាពលរដ្ឋរស់នៅស្រុកពេជ្រាដា

មណ្ឌលគិរី៖ អាជ្ញាធរខេត្ត មណ្ឌលគិរី និងមន្ទីរសុខាភិ បាលនៃរដ្ឋបាលខេត្ត បានបន្តដំណើរការចាក់វ៉ាក់សាំងការពារឆ្លងជំងឺកូវីដ-១៩ ប្រភេទស៊ីណូវ៉ាក់ ជូនដល់ប្រជាពលរដ្ឋរស់នៅស្រុកពេជ្រាដា។

ទំនាក់ទំនងក្រុមការងារ «អរគុណសន្តិភាព» ដើម្បីចុះផ្សាយព័ត៌មានតាមរយៈ
Telegram៖ 0973323331

ក្នុងដំណើរការចាក់វ៉ាក់សាំងនេះ គឺមានក្រុមការងារសហ ភាពសហព័ន្ធយុវជនកម្ពុជាស្រុក សម្ពន្ធយុវជនស្រឡាញ់សន្តិភាព មន្ត្រីជំនាញ និងអាជ្ញាធរ រួមទាំងសមត្ថកិច្ច សហការគ្នាក្នុងការរៀបចំសន្តិសុខសណ្តាប់ធ្នាប់ ឲ្យមានលក្ខណៈល្អប្រសើរ ជាពិសេស សម្រាប់ប្រជាពលរដ្ឋដែលមកចាក់វ៉ាក់សាំង គឺបានផ្តល់អាទិភាពជូនដល់ចាស់ជរា និងជនពិការផងដែរ។

ក្នុងឱកាសចុះជួបសំណេះ សំណាល និងពិនិត្យមើលការចាក់វ៉ាក់សាំងជូនពលរដ្ឋ និងផ្តល់សម្ភារប្រយុទ្ធប្រឆាំងនឹងជំងឺកូវីដ-១៩ ជូនរដ្ឋបាលស្រុកពេជ្រាដា នាព្រឹកថ្ងៃទី ២៨ ខែកក្កដា ឆ្នាំ២០២១ ឯកឧត្តម ស្វាយ សំអ៊ាង អភិបាលខេត្តមណ្ឌលគិរី បានពាំនាំការផ្តាំផ្ញើសាកសួរសុខ ទុក្ខពីសំណាក់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលសម្តេច តែងតែគិតគូរពីសុខុមាលភាពរស់នៅរបស់ប្រជាពលរដ្ឋទូទៅ ជាពិសេស ប្រជាពលរដ្ឋនៅខេត្តមណ្ឌល គិរី ក្នុងការបង្ការ ទប់ស្កាត់ ការឆ្លងរាលដាលនៃជំងឺកូវីដ-១៩ ។ ឯកឧត្តម អភិបាលខេត្ត បានអំពាវនាវដល់ប្រជាពល រដ្ឋទាំងអស់ ដែលមានប្រវត្តិប៉ះពាល់ដោយផ្ទាល់ ឬប្រយោលជាមួយអ្នកមានវិជ្ជមានជំងឺកូវីដ១៩ សូមរួសរាន់ទៅពិនិត្យសុខភាពនៅមន្ទីរពេទ្យ ឬមណ្ឌលសុខភាព ដែលនៅជិតកន្លែងបងប្អូនរស់ នៅ ឬរាយការណ៍ជូនទៅអាជ្ញា ធរជាបន្ទាន់ ម្យ៉ាងទៀត ក៏សូមឲ្យប្រជាពលរដ្ឋ ដែលទទួលបានវ៉ាក់សាំងទាំងអស់ ត្រូវអនុវត្តតាមការណែនាំរបស់មន្ត្រីសុខាភិបាល ពាក់ ព័ន្ធនឹងការតម ជាពិសេស ត្រូវចូលរួមអនុវត្តឲ្យបានខ្ជាប់ ខ្ជួននូវវិធានការ ៣ការពារ និង ៣កុំ របស់រាជរដ្ឋាភិបាលកម្ពុជា ក៏ដូចជាក្រសួងសុខាភិ បាល ដើម្បីបញ្ចប់ព្រឹត្តិការណ៍សហគមន៍ ២០ កុម្ភៈ។

ឯកឧត្តម អភិបាលខេត្ត ក៏បានអំពាវនាវដល់ប្រជាពល រដ្ឋទាំងអស់ ដោយផ្អែកលើគោលការណ៍ស្ម័គ្រចិត្ត សូមរួសរាន់មកចាក់វ៉ាក់សាំងការ ពារជំងឺកូវីដ-១៩ឲ្យបានគ្រប់ៗគ្នា ទៅតាមទីកន្លែងដែលរដ្ឋបាលក្រុង/ស្រុកនីមួយៗ បានកំណត់ ដើម្បីធ្វើយ៉ាងណារួមគ្នាប្រយុទ្ធប្រឆាំងនឹងជំងឺកូវីដ-១៩។

តាមរបាយការណ៍របស់លោក ស៊ន សារុន នាយករដ្ឋបាលខេត្តមណ្ឌលគិរី បានឲ្យដឹងថា ក្នុងដំណើរការចាក់វ៉ាក់សាំងការពារជំងឺកូវីដ-១៩ ក្នុងវគ្គ ៣ ជូនប្រជាពលរដ្ឋរស់នៅស្រុកកែវសីមា និងស្រុកកោះ ញែក គិតចាប់ពីថ្ងៃទី១៤ ខែ កក្កដា រហូតដល់ថ្ងៃទី២៧ ខែកក្កដា ឆ្នាំ២០២១ មានអ្នកចាក់លើកទី១ សរុបចំនួន ១០.៥៥៦នាក់។

លោកបញ្ជាក់ទៀតថា សម្រាប់ខេត្តមណ្ឌលគិរី គិតត្រឹមថ្ងៃទី ២៧ ខែកក្កដា ឆ្នាំ ២០២១នេះ មានអ្នកវិជ្ជមានជំងឺកូវីដ-១៩ សរុបចំនួន ៣១០ ករណី ឆ្លងថ្មី ០៦ ករណី ជាសះស្បើយចំនួន ២០៨ករណី ស្លាប់ ០២ករណី និងអ្នកកំពុងសម្រាកព្យាបាលចំនួន ១០០ករណី។ ដោយឡែក អ្នកចត្តាឡីស័កក្នុងមណ្ឌលចំនួន ៧០នាក់ អ្នកបញ្ចប់ពីមណ្ឌលចំនួន ២៧ នាក់ និងអ្នកកំពុងស្នាក់ នៅក្នុងមណ្ឌលចំនួន ៤៣ នាក់ ហើយអ្នកចត្តាឡីស័កតាមផ្ទះចំនួន ៤២២៣នាក់ ថ្មី ៥២នាក់ អ្នកបញ្ចប់ចត្តាឡីស័កតាមផ្ទះចំនួន ៣៥៦៦នាក់ ថ្មី ១៦នាក់ និងកំពុងស្នាក់នៅតាមផ្ទះចំនួន ៦៥៧នាក់៕

#អរគុណសន្តិភាព