សម្ដេចតេជោ ហ៊ុន សែន
កំពូលស្ថាបនិក និងជាបិតាសន្តិភាពរបស់កម្ពុជា

រដ្ឋបាលរាជធានីភ្នំពេញ និង កងពលតូចលេខ៧០ ចុះបាញ់ថ្នាំសម្លាប់មេរោគ នៅតាមគ្រឹះស្ថានសិក្សា ក្នុងរាជធានីភ្នំពេញ ដើម្បីត្រៀមបើកដំណើរការឡើងវិញ

នៅព្រឹកថ្ងៃទី១៣ ខែកញ្ញា ឆ្នាំ២០២១នេះ លោក ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក មេបញ្ជាការកងពលតូចលេខ៧០ បានចុះត្រួតពិនិត្យកម្លាំង និងសម្ភារៈ ក្នុងយុទ្ធនាការបាញ់ថ្នាំសម្លាប់មេរោគកូវីដ-១៩ តាមបណ្តាគ្រឹះស្ថានសិក្សា សាលារៀនរដ្ឋ និងឯកជន ក្នុងរាជធានីភ្នំពេញ។

ទំនាក់ទំនងក្រុមការងារ «អរគុណសន្តិភាព» ដើម្បីចុះផ្សាយព័ត៌មានតាមរយៈ
Telegram៖ 0973323331

សូមជម្រាបថា កងប្រតិបត្តិការរុករក និងសង្រ្គោះគ្រោះមហន្តរាយ៧១១ កងពលតូចលេខ៧០ ក៏បានចូលរួមក្នុងយុទ្ធនាការបាញ់ថ្នាំសម្លាប់មេរោគកូវីដ-១៩ នៅតាមបណ្តាគ្រឹះស្ថានសិក្សា សាលារៀនរដ្ឋ និងឯកជន ក្នុងរាជធានីភ្នំពេញនេះផងដែរ។

យុទ្ធនាការបាញ់ថ្នាំសម្លាប់មេរោគកូវីដ-១៩នៅតាមបណ្តាគ្រឹះស្ថានសិក្សា សាលារៀនរដ្ឋ និងឯកជននេះ ធ្វើឡើងដើម្បីត្រៀមបើកអោយសិស្សានុសិស្សចូលរៀនវិញនៅថ្ងៃទី១៥ ខែកញ្ញា ឆ្នាំ២០២១នាពេលខាងមុខនេះ។ ក្នុងនោះ គោលដៅបាញ់ថ្នាំសម្លាប់មេរោគកូវីដ-១៩មានចំនួន ១៤ខណ្ឌ (៦៨ទីតាំង)។

សូមបញ្ជាក់ផងដែរថា ការបើកគ្រឹះស្ថានសិក្សា សាលារៀនរដ្ឋ និងឯកជនឡើងវិញនេះ គឺដំណើរការតែសាលាចាប់ពីអនុវិទ្យាល័យ និងវិទ្យាល័យគឺថ្នាក់ទី០៧ ទៅដល់ថ្នាក់ទី១២តែប៉ុណ្ណោះ៕