សម្ដេចតេជោ ហ៊ុន សែន
កំពូលស្ថាបនិក និងជាបិតាសន្តិភាពរបស់កម្ពុជា

ឯកឧត្តម ជា សុមេធី បានអញ្ជើញជួបសំណេះសំណាល និងអបអរសាទរជាមួយសមាជិកអតីតយុទ្ធជនខេត្តព្រៃវែងចំនួន ៥៤គ្រួសារ ស្ម័គ្រចិត្តរស់នៅលើដីសម្បទានសង្គមកិច្ចខេត្តឧត្តរមានជ័យ

នៅថ្ងៃទី២៤ វិច្ឆិកា ២០២២ ឯកឧត្តម ជា សុមេធី អភិបាលខេត្ត បានអញ្ជើញជួបសំណេះសំណាល និងអបអរសាទរជាមួយសមាជិកអតីតយុទ្ធជនខេត្តព្រៃវែង ចំនួន ៥៤គ្រួសារ ដែលស្ម័គ្រចិត្តទៅរស់នៅលើដីសម្បទានសង្គមកិច្ចខេត្តឧត្តរមានជ័យ ដែលពិធីនេះប្រព្រឹត្តទៅនៅសាលប្រជុំនៃស្នងការដ្ឋាននគរបាលខេត្តព្រៃវែង។

ទំនាក់ទំនងក្រុមការងារ «អរគុណសន្តិភាព» ដើម្បីចុះផ្សាយព័ត៌មានតាមរយៈ
Telegram៖ 0973323331

កិច្ចសំណេះសំណាលនាពេលនោះ គឺដើម្បីអបអរសាទរ បងប្អូនអតីតយុទ្ធជនខេត្តព្រៃវែងរបស់យើង ដែលស្ម័គ្រចិត្តទៅរស់នៅលើដីសម្បទានសង្គមកិច្ចខេត្តឧត្តរមានជ័យ និងឆ្លៀតបង្កើនភាពស្និទ្ធស្នាលជាមួយគ្រួសារអតីតយុទ្ធជនខេត្តព្រៃវែង ដែលកន្លងមកបានខិតខំទាំងកម្លាំងកាយ កម្លាំងចិត្ត បម្រើជាតិ មាតុភូមិ រក្សាសន្តិភាពសង្គម និងធ្វើឱ្យប្រទេសជាតិមានសុខសន្តិភាពដូចបច្ចុប្បន្ននេះ។ ជាការពិតណាស់ ការផ្ដល់ដីសម្បទានសង្គមកិច្ចនេះ ជាការគិតគូរខ្លាំងណាស់របស់ប្រមុខរាជរដ្ឋាភិបាល ចំពោះបងប្អូនអតីតយុទ្ធជនយើងដែលបានលះបង់សាច់ស្រស់ឈាមស្រស់ ដើម្បីបូរណភាពទឹកដី រហូតអ្នកខ្លះបាត់បង់ជីវិតក្នុងសមរភូមិប្រយុទ្ធ និងអ្នកខ្លះរបួស ពិការរហូតមកដល់សព្វថ្ងៃនេះ។

ឯកឧត្តមអភិបាលខេត្ត សូមឱ្យអតីតយុទ្ធជនទាំងអស់ បានទៅដល់ទឹកដីថ្មី ត្រូវខិតខំចិញ្ចឹមសត្វ ដាំដុះដាំណាំរួមផ្សំផ្សេងៗ ថែមទាំងត្រូវថែទាំសុខភាព តាមរយៈការរស់នៅស្អាត ហូបស្អាត និងផឹកស្អាត ជាពិសេស ត្រូវចុះឈ្មោះបោះឆ្នោតនៅទឹកដីថ្មីផងដែរ៕