សម្តេច​តេ​ជោ ហ៊ុន សែន បញ្ជា​ឱ្យ​ពង្រីក​ការត្រួតពិនិត្យ​តាមផ្លូវ​ទឹក ព្រោះ​ខ្លាច​មានការ​លួច​ធ្វើដំណើរ​ឆ្លងខេត្ត

ភ្នំពេញ៖ សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា បានធ្វើ​ការណែនាំ​មួយ​ទៅកាន់​អភិបាល​រាជធានី​ភ្នំពេញ ខេត្តកណ្តាល ព្រៃវែង និង​កំពង់ចាម ឱ្យ​ពិនិត្យមើល​ក្រែង​មានការ​លួច​ធ្វើដំណើរ​ចេញចូល​ក្នុងភូមិ​សាស្ត្រ​រាជធានី ខេត្ត​ទាំងនេះ ដោយ​ប្រើ​មធ្យោបាយ​ផ្លូវទឹក។

សម្តេច​តេ​ជោ បានដាក់​ការព្រួយបារម្ភ​ថា ខ្លាច​មានការ​ឆ្លង​ចេញចូល​ពី​រាជធានី​ភ្នំពេញ ទៅកាន់​បណ្តា​ខេត្ត​នានា ដោយ​ប្រើ​មធ្យោបាយ​ផ្លូវ ជាពិសេស​តាមរយៈ​ទូក​នេសាទ ដែល​អាច​នាំ​ដល់​ការឆ្លង​រីក​រាលដាល​ជំងឺ​កូ​វីដ១៩ ។

ប្រសិនបើ​ការហាមឃាត់​ធ្វើដំណើរ​ឆ្លងកាត់​ខេត្តរ​យៈ​ពេល​ពី​សប្តាហ៍​នេះហើយ ជំងឺ​កូ​វីដ១៩ មិនមាន​ស្ថានភាព​ថមថយ​ទេនោះ សម្តេច​តេ​ជោ​នឹង​ពិចារណា​ពន្យារពេល​វិធានការ​នេះ​បន្តទៀត។

កាលពី​យប់​ថ្ងៃទី០៦ ខែមេសា ឆ្នាំ២០២១កន្លងទៅនេះ សម្ដេច​តេ​ជោ ក្នុងនាម​ជា​រាជរដ្ឋាភិបាល បានសម្រេច​បិទ​ការធ្វើដំណើរ​ឆ្លងកាត់​ពី​រាជធានី​ភ្នំពេញ ទៅកាន់​បណ្តា​ខេត្ត​នានា ក៏ដូចជា​ការធ្វើដំណើរ​ឆ្លងកាត់​ពី​ខេត្ត​មួយ​ទៅកាន់​ខេត្ត​មួយទៀត​ផងដែរ។ ការហាមឃាត់​នេះ​មាន​រយៈពេល​ពីរ​សប្តាហ៍​ដោយ​រាប់​ចាប់ពី​ថ្ងៃទី០៧ ខែមេសា រហូតដល់​ថ្ងៃទី២០ ខែមេសា៕

#អរគុណសន្តិភាព

Related Posts

Leave a Reply

Your email address will not be published.