ការវាស់វែង និង​សិក្សា​ពី​ផលប៉ះពាល់​ក្នុង​គម្រោង​ស្ថាបនា​ផ្លូវ៣៨ខ្សែ​នៅក្នុង​សៀមរាប​សម្រេចបាន ៥០ភាគរយ​ហើយ

សៀមរាប៖ ឯកឧត្តម ទៀ សីហា អភិបាលខេត្ត​សៀមរាប បាន​ដឹកនាំ​កិច្ចប្រជុំ​ជាមួយ​ក្រុមការងារ​ចម្រុះ​ចុះ​វាស់វែង​អាក់​ផ្លូវ ក្នុង​គម្រោង​ស្ថាបនា​ផ្លូវ​ចំនួន៣៨ខ្សែក្នុង​ខេត្តសៀមរាប ដែល​សម្តេច​តេ​ជោ ហ៊ុន សែន បានប្រកាស​ទម្លាក់​កញ្ចប់​ថវិកាជាតិ​ចំនួន ១៥០លាន​ដុល្លារ​អាម៉េរិក

ការវាស់វែង និង​សិក្សា​ពី​ផលប៉ះពាល់​ក្នុង​គម្រោង​ស្ថាបនា​ផ្លូវ៣៨ខ្សែ​នៅក្នុង​សៀមរាប​សម្រេចបាន ៥០ភាគរយ​ហើយ

នៅក្នុង​កិច្ចប្រជុំ​នេះដែរ ឯកឧត្តម​អភិបាលខេត្ត​បាន​ជំរុញ​ឱ្យ​មន្ត្រី​ពាក់ព័ន្ធ​ទាំងអស់​ព​ន្លឿ​ន​ការងារ​ចុះ​វាស់វែង​ផ្លូវ និង​សិក្សា​ពី​ផលប៉ះពាល់​ឱ្យបាន​ស៊ី​ជំ​ម្រៅ​ក្នុង​គម្រោង​ស្ថាបនា​ផ្លូវ៣៨ខ្សែ ក្នុង​ខេត្តសៀមរាប​ឱ្យបាន​លឿន ដើម្បី​ឆាប់​បាន​ស្ថាបនា​ផ្លូវ​ទាំងនេះ។ បើ​គិត​ត្រឹម​ថ្ងៃទី២៨ ខែកញ្ញា ឆ្នាំ២០២០ ក្រុមការងារ​វាស់វែង​កំណត់​អាក់​ផ្លូវ​សម្រេចបាន​ចំនួន១៣ខ្សែ ប្រវែង​ប្រមាណ​ជាង ៥៦គីឡូម៉ែត្រ ស្មើនឹង ៥០ភាគរយ​ហើយ។ ជាមួយគ្នានេះ សម្រាប់​ប្រជាពលរដ្ឋ ដែល​បានរស់នៅ​លើដី​ផ្លូវ​អាជ្ញាធរ​ក៏បាន​ជូនដំណឹង​ឱ្យ​គាត់​រុះរើ​ជាបណ្តើរៗហើយ។

សូមបញ្ជាក់​ផងដែរ​ថា សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ និង​ជា​ប្រធាន​គណៈកម្មការ​អន្ដរក្រសួង ដើម្បី​សិក្សា និង​អនុវត្តន៍​គម្រោង ស្ថាបនា​ហេដ្ឋារចនាសម្ព័ន្ធ​ផ្លូវថ្នល់​ចំនួន៣៨ខ្សែ នៅ​ក្រុង​សៀមរាប ខេត្តសៀមរាប ធ្លាប់បាន មានប្រសាសន៍​បញ្ជាក់​ហើយ​ថា សម្រាប់​ប្រជាពលរដ្ឋ​ដែល​មក​សង់​សំណង់​រស់នៅ​លើដី ចំណីផ្លូវ​គឺ​ត្រូវ​រុះរើ​ចេញ​ឱ្យបាន​លឿន ដើម្បី​អាជ្ញាធរ​ស្ថាបនា​ផ្លូវ​ឱ្យបាន​ធំ​ទូលាយ​សម្រាប់ សំណង់​ដែល​នៅ​លើដី​ផ្លូវ​ទាំងនោះ​ត្រូ​រុះរើ​ចេញ​ដោយ​គ្មាន​សំណង៕

Related Posts

Leave a Reply

Your email address will not be published.