Tag: សៀមរាប

  • គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន៣៨ខ្សែ​ក្នុង​ក្រុង​សៀមរាប សម្រេចបាន​ជាង ១៧,៥% ហើយ

    គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន៣៨ខ្សែ​ក្នុង​ក្រុង​សៀមរាប សម្រេចបាន​ជាង ១៧,៥% ហើយ

    សៀមរាប៖ គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន៣៨ខ្សែ​ក្នុង​ក្រុង​សៀមរាប ខេត្តសៀមរាប ដែល​បាន​សម្ពោធ​បើក​ការដ្ឋាន​សាងសង់​កាលពី​ថ្ងៃទី៣០ ខែវិច្ឆិកា ឆ្នាំ២០២០ ក្រោម​អធិបតីភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា សម្រេច​ការងារ​សាងសង់​បាន​ជាង ១៧,៥% ហើយ គិត​ត្រឹម​ថ្ងៃទី២៥ ខែមករា ឆ្នាំ២០២១ នេះ​បើ​យោងតាម​លទ្ធផល​របស់ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹកជញ្ជូន ជា​អនុប្រធាន​អចិន្ត្រៃយ៍​គណៈកម្មការ​អន្តរក្រសួង ថ្ងៃទី២៨ ខែមករា ឆ្នាំ២០២១បាន​អញ្ជើញ​អមដំណើរ​សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ និង​ជា​ប្រធាន​គណៈកម្មការ​អន្តរក្រសួង បាន​ចុះ​ពិនិត្យ​វឌ្ឍនភាព​ការងារ​សាងសង់​ហេដ្ឋារចនាសម្ព័ន្ធ​ផ្លូវ​ចំនួន ៣៨ខ្សែ នៅ​ក្រុង​សៀមរាប ខេត្តសៀមរាប។ សមាសភាព​អញ្ជើញ​ចូលរួម​ក្នុង​ដំណើរ​ចុះ​ពិនិត្យ​នេះ​រួមមាន៖ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួង​រៀបចំ​ដែនដី នគរូបនីយកម្ម និង​សំណង់ និង​ជា​អនុប្រធាន​គណៈកម្មការ​អន្តរក្រសួង ឯកឧត្តម​បណ្ឌិត​សភាចា​រ្យ អ៊ុក រ៉ាប៊ុន រដ្ឋមន្ត្រី ក្រសួង​អភិវឌ្ឍន៍ជនបទ និង​ជា​អនុប្រធាន​គណៈកម្មការ​អន្តរក្រសួង ឯកឧត្តម លឹម គានហោ […]

  • ក្រសួងបរិស្ថាន​សម្ពោធ​ដាក់ឱ្យ​ប្រើប្រាស់​ស្ថានីយ៍​ផលិត​ថាមពល​អគ្គិសនី​ដើរ​ដោយ​ពន្លឺព្រះអាទិត្យ​និង​ប្រព័ន្ធ​ផ្ទុក​ថាមពល(អាគុយ)នៅ​មជ្ឈមណ្ឌល​ស្រាវជ្រាវ​និង​អភិរក្ស​កេសរ​កូ​ល សុខ អាន ភ្នំ​គូលែន

    ក្រសួងបរិស្ថាន​សម្ពោធ​ដាក់ឱ្យ​ប្រើប្រាស់​ស្ថានីយ៍​ផលិត​ថាមពល​អគ្គិសនី​ដើរ​ដោយ​ពន្លឺព្រះអាទិត្យ​និង​ប្រព័ន្ធ​ផ្ទុក​ថាមពល(អាគុយ)នៅ​មជ្ឈមណ្ឌល​ស្រាវជ្រាវ​និង​អភិរក្ស​កេសរ​កូ​ល សុខ អាន ភ្នំ​គូលែន

    សៀមរាប៖  ឯកឧត្តម សាយ សំ​អាល់ រដ្ឋមន្ត្រី​ក្រសួងបរិស្ថាន នៅ​រសៀល​ថ្ងៃទី២៧ ខែមករា ឆ្នាំ២០២១ បាន​អញ្ជើញ​កាត់​ខ្សែបូ​សម្ពោធ​ដាក់ឱ្យ​ប្រើប្រាស់​ជា​ផ្លូវការ​នូវ​ស្ថានីយ៍​ផលិត​ថាមពល​អគ្គិសនី​ដើរ​ដោយ​ពន្លឺព្រះអាទិត្យ​កម្លាំង៣២គីឡូវ៉ាត់​ជាមួយ​ប្រព័ន្ធ​ផ្ទុក​ថាមពល(អាគុយ)៨៧គីឡូវ៉ាត់ម៉ោង នៅ​មជ្ឈមណ្ឌល​ស្រាវជ្រាវ​និង​អភិរក្ស​កេសរ​កូ​ល សុខ អាន​ភ្នំ​គូលែន ក្នុង​ខេត្តសៀមរាប។ ព្រឹត្តិការណ៍​មានការ​អញ្ជើញ​ចូលរួម​ពី​ថ្នាក់ដឹកនាំ និង​មន្ត្រី​ក្រសួងបរិស្ថាន តំណាង​ក្រសួង-ស្ថាប័ន ពាក់ព័ន្ធ តំណាង​អាជ្ញាធរ​ខេត្តសៀមរាប តំណាង​ស្ថានទូត​ស៊ុយអែត​ប្រចាំ​កម្ពុជា ដៃគូ​អភិវឌ្ឍន៍​និង​មន្ត្រី​ឧ​ទ្យា​នុ​រក្ស និង​ប្រជា​សហគមន៍​មួយចំនួនទៀត។ ឯកឧត្តម ង៉ាន់ ភិ​រុណ អភិបាលរង​នៃ​គណៈ​អភិបាលខេត្ត​សៀមរាប បាន​បញ្ជាក់ថា​សមិទ្ធផល​ថ្មី​សម្រាប់​ខេត្តសៀមរាប ដែលជា​ខេត្ត​គោលដៅ​ទេសចរណ៍ វប្បធម៌ និង​ធម្មជាតិ ដូចនេះ​ការប្រើប្រាស់​ថាមពល​ស្អាត មិន​ប៉ះពាល់​ដល់​បរិស្ថាន គឺជា​ចំណុច​ចាប់ផ្ដើម​គំរូ​ដល់​រមណី​ដ្ឋា​ន​ដទៃ​នៅក្នុង​ខេត្តសៀមរាប ក៏ដូចជា​ខេត្ត​ដទៃទៀត ដែល​មិនមាន​បណ្ដាញ​អគ្គិសនី​ជាតិ។ លោកស្រី (Ms.)  Sonali Dayaratne តំណាង​កម្មវិធី​អភិវឌ្ឍន៍​អង្គ​សហប្រជាជាតិ​ប្រចាំ​កម្ពុជា UNDP បាន​វាយតម្លៃ​ខ្ពស់​ចំពោះ​សមិទ្ធផល​ដែល​ជួយ​ឱ្យ​បរិស្ថាន​ស្អាត ការការពារ និង​អភិរក្ស​ធនធាន​ជីវៈចម្រុះ និង​ការគាំទ្រ​ចំពោះ​គោលជំហរ​កម្ពុជា​ក្នុងការ​ឆ្លើយតប​នឹង​ការប្រែប្រួល​ធាតុអាកាស​ធាតុ។ ក្នុងឱកាស​នោះ ឯកឧត្តម សាយ សំ​អាល់ មានប្រសាសន៍​ចាត់ទុកថា​ស្ថានីយ​ផលិត​ថាមពល​ពី​ពន្លឺព្រះអាទិត្យ​នេះ​គឺជា​មជ្ឈមណ្ឌល​ទី១ នៅក្នុង​ប្រទេស​កម្ពុជា ដែល​បាន​នឹង​កំពុង​ដើរតួនាទី​យ៉ាងសំខាន់​ក្នុងការ​ពង្រឹង​ការចូលរួម​ដល់​មជ្ឈមណ្ឌល​ស្រាវជ្រាវ​និង​អភិរក្ស​កេសរ​កូ​ល សុខ អាន ភ្នំ​គូលែន ធ្វើការ​កំណត់​អត្តសញ្ញាណ […]

  • ក្រសួងបរិស្ថាន​រៀបចំ​កិច្ចប្រជុំ​បណ្តាញ​សង្គម​អភិរក្ស​ធនធានធម្មជាតិ ថ្នាក់​តំបន់​ខាងជើង​បឹង​ទន្លេសាប ក្រោម​ប្រធានបទ «ការអភិរក្ស​ធនធាន​ធម្មជាតិ​ជា​កត្តាចាំបាច់ ដើម្បី​លើកកម្ពស់​ជីវភាព​សហ​គម​ន៍​មូលដ្ឋាន»

    ក្រសួងបរិស្ថាន​រៀបចំ​កិច្ចប្រជុំ​បណ្តាញ​សង្គម​អភិរក្ស​ធនធានធម្មជាតិ ថ្នាក់​តំបន់​ខាងជើង​បឹង​ទន្លេសាប ក្រោម​ប្រធានបទ «ការអភិរក្ស​ធនធាន​ធម្មជាតិ​ជា​កត្តាចាំបាច់ ដើម្បី​លើកកម្ពស់​ជីវភាព​សហ​គម​ន៍​មូលដ្ឋាន»

    សៀមរាប ៖ ក្រសួងបរិស្ថាន​រៀបចំ​កិច្ចប្រជុំ​បណ្តាញ​សង្គម​អភិរក្ស​ធនធានធម្មជាតិ ថ្នាក់​តំបន់​ខាងជើង​បឹង​ទន្លេសាប ក្រោម​ប្រធានបទ «ការអភិរក្ស​ធនធាន​ធម្មជាតិ​ជា​កត្តាចាំបាច់ ដើម្បី​លើកកម្ពស់​ជីវភាព​សហ​គម​ន៍​មូលដ្ឋាន» នា​រសៀល​ថ្ងៃទី២៦ ខែមករា ឆ្នាំ២០២១ នៅ​ស្នាក់ការ​តំបន់ការពារទេសភាព​អង្គរ ខេត្តសៀមរាប ក្រោម​អធិបតីភាព ឯកឧត្តម ខៀវ បូ​រិ​ន អគ្គនាយក នៃ​អគ្គនាយកដ្ឋាន​សហគម​ន៍​មូលដ្ឋាន ក្រសួងបរិស្ថាន និង​ជា​ប្រធាន​សម្ព័ន្ធ​សហភាព​សហគមន៍​អភិរក្ស​ធនធានធម្មជាតិ​ថ្នាក់ជាតិ និង​មានការ​ចូលរួម​ពី​ថ្នាក់ដឹកនាំ មន្ត្រីរាជការ​ក្រសួងបរិស្ថាន តំណាង​ក្រសួង​ស្ថាប័ន​ពាក់ព័ន្ធ ប្រធាន និង​សមាជិក បណ្តាញ​សហគមន៍​អភិរក្ស​ធនធានធម្មជាតិ​ថ្នាក់​តំបន់​ខាងជើង​បឹង​ទន្លេសាប តំណាង​អង្គការ​ដៃគូ​សហការ និង​ប្រជា​សហគមន៍​មួយចំនួន។ គោលបំណង​សំខាន់​នៃ​កិច្ចប្រជុំ​នេះ គឺ ៖ ១ – ជម្រើស​មុខរបរផ្សេងៗ ក្នុង​បរិបទ​នៃ​ការ​ការប្រែប្រួល​អាកាសធាតុ ២ – ចែករំលែក​ព័ត៌មាន និង​បទពិសោធន៍​នានា​ទាក់ទង​ការលើកកម្ពស់​ជីវភាព​សហគមន៍ ៣ – រៀបចំ​យុទ្ធសាស្ត្រ សម្រាប់​ការលើកកម្ពស់​ជីវភាព​សហកមន៍​តំបន់ការពារធម្មជាតិ។ ឯកឧត្តម ខៀវ បូ​រិ​ន អគ្គនាយក​នៃ​អគ្គនាយកដ្ឋាន​សហគម​ន៍​មូលដ្ឋាន បានឱ្យដឹងថា​កិច្ចប្រជុំ​នាពេលនេះ​មាន​សារៈសំខាន់ ដែល​ផ្តល់ឱកាស​ឱ្យ​សហគមន៍​តំបន់ការពារធម្មជាតិ អាច​ដកស្រង់​ពិសោធន៍​ពីគ្នា​ទៅវិញទៅមក​ក្នុងការ​គ្រប់គ្រង​ធនធានធម្មជាតិ​និង​ការ​អភិរ​វឌ្ឍន៍​ជីវភាព​សហគមន៍។ ឯកឧត្តម បាន​បន្ថែមថា សមាជិក​បណ្តាញ អាច​លើកឡើង​ពី​បញ្ហា​ប្រឈម និង​ដំណោះស្រាយ​ជាមួយ​មន្ត្រី​ជំនាញ […]

  • រដ្ឋបាលខេត្ត​ដាក់ចេញ​វិធានការ៦ចំណុច​ដើម្បី​រៀបចំ​សោភ័ណភាព​និង​សណ្តាប់ធ្នាប់​បរិវេណ​ព្រះវិហារ​ព្រះអង្គ​ចេក-ព្រះអង្គ​ចម

    រដ្ឋបាលខេត្ត​ដាក់ចេញ​វិធានការ៦ចំណុច​ដើម្បី​រៀបចំ​សោភ័ណភាព​និង​សណ្តាប់ធ្នាប់​បរិវេណ​ព្រះវិហារ​ព្រះអង្គ​ចេក-ព្រះអង្គ​ចម

    សៀមរាប៖  នៅ​រសៀល​ថ្ងៃទី១២ ខែ មករា ឆ្នាំ២០២១ រដ្ឋបាល​សាលាខេត្ត បាន​ប្រជុំ​ពិនិត្យ​ពិភាក្សា និង​សម្របសម្រួល​ដោះស្រាយ​បង្វែរ​ទីតាំង​លក់ដូរ​របស់​អាជីវក​រ​ចេញពី​បរិវេណ​របង​ព្រះវិហារ​ព្រះអង្គ​ចេក-ព្រះអង្គ​ចម ដើម្បី​ក្រសួងព្រះបរមរាជវាំង បន្តការងារ​រៀបចំ​ក្រាលកម្រាល​ក្រា​នី​ត និង​ការសាងសង់​របង​ខ្លោងទ្វារ របស់​ព្រះរាជដំណាក់ ក្រោម​អធិបតីភាព​លោកស្រី យូ សុភា អភិបាលរង នៃ​គណៈ​អភិបាលខេត្ត និង​ឯកឧត្តម អ៉ិ​ន រដ្ឋា​សេរី អនុរដ្ឋលេខាធិការ​ក្រសួងព្រះបរមរាជវាំង និង​ជា​ប្រធាន​ព្រះរាជដំណាក់​សៀមរាប ព្រមទាំង​មានការ​អញ្ជើញ​ចូលរួម​ពី លោក ស្នងការរង​នគរបាល​ខេត្ត លោក​មេបញ្ជាការរង​ក​ង​រាជ​អាវុធហត្ថ​ខេត្ត លោកនាយ​ការិយាល័យ​នគរបាល​ចរាចរណ៍ លោកនាយ​ការិយាល័យ​នគរបាល​សណ្តាប់ធ្នាប់ លោក​អភិបាលរងក្រុង​សៀមរាប លោក នាយក​ទីចាត់ការ​អន្តរ​វិស័យ​សាលាខេត្ត លោក​ប្រធាន​មន្ទីរ​ធម្មការ និង​សាសនា​ខេត្ត តំណាង​មន្ទីរ​បរិស្ថាន​ខេត្ត មន្ទីរ​សាធារណការ និង​ដឹកជញ្ជូន​ខេត្ត ក្រុមប្រឹក្សា​សង្កាត់​ស្វាយដង្គំ មេភូមិ​មណ្ឌល២ លោក លោកស្រី​អាជីវករ​លក់ដូរ​នៅជាប់​របង​ព្រះវិហារ​ព្រះអង្គ​ចេក-ព្រះអង្គ​ផងដែរ។ បន្ទាប់ពី​បាន​ពិភាក្សាគ្នា​យ៉ាង​យកចិត្តទុកដាក់​រួច​ម​មក លោកស្រី យូ សុភា អភិបាលរង​ខេត្ត បានដាក់​ចេញ​នូវ​វិធាន​មួយចំនួន​ដើម្បី​ស​ម្រូ​ល​ដល់​ក្រុមការងារ​សាងសង់ ការរក្សា​សណ្តាប់ធ្នាប់ និង​សម្រួល​ដល់​បងប្អូន​អាជីវ​កករ ដូចខាងក្រោម៖ ១-ធ្វើការ​បង្វែរ​ទីតាំង​លក់ដូរ​បច្ចុប្បន្ន​ដែល​នៅជាប់​របង​ព្រះវិហារ​ព្រះអង្គ​ចេក-ព្រះអង្គ​ចម ទៅលើ​ខឿន​ថ្មើរជើង​ផ្នែក​ខាងលិច​នៃ​ទីតាំង​ចាស់ និង​ត្រូវ​បែរមុខ​មក​ទិសខាងកើត ដើម្បី​លក់ដូរ​ជា​បណ្តោះអាសន្ន ២-ក្រុមការងារ​ខេត្ត​នឹង​ចុះ​កំណត់​ទីតាំង​ជាក់ស្តែង​ជូន​អាជីវករ​ដែល​ត្រូវ​លក់ដូរ​ជា​បណ្តោះអាសន្ន​នៅ​រសៀល​ថ្ងៃទី១៣ ខែមករា […]

  • គណៈកម្មាធិការ​ប្រ​យុ​ទ្ឋ​ប្រឆាំង​អំពើ​ជួញដូរ​មនុស្ស​ខេត្តសៀមរាប​បានរៀបចំ​កិច្ចប្រជុំ​ប្រចាំឆ្នាំ២០២០

    គណៈកម្មាធិការ​ប្រ​យុ​ទ្ឋ​ប្រឆាំង​អំពើ​ជួញដូរ​មនុស្ស​ខេត្តសៀមរាប​បានរៀបចំ​កិច្ចប្រជុំ​ប្រចាំឆ្នាំ២០២០

    សៀមរាប៖  នៅ​ព្រឹក​ថ្ងៃទី២៩ ខែធ្នូ ឆ្នាំ២០២០ លេខាធិការដ្ឋាន​នៃ​គណៈកម្មាធិការ​ប្រ​យុ​ទ្ឋ​ប្រឆាំង​អំពើ​ជួញដូរ​មនុស្ស​ខេត្តសៀមរាប (គ.ខ.ប.ជ) បានរៀបចំ​កិច្ចប្រជុំ​ប្រចាំឆ្នាំ២០២០ ក្រោម​កិច្ចដឹកនាំ​របស់ លោកស្រី យូ សុភា អភិបាលរង​ខេត្ត និង​ជា​ប្រធាន​លេខាធិការដ្ឋាន គ.ខ.ប.ជ ខេត្តសៀមរាប ព្រមទាំង​មានការ​អញ្ជើញ​ចូលរួម​ពី​លោក លោកស្រី សមាជិក សមាជិកា លេខាធិការដ្ឋាន គ.ខ.ប.ជ មន្ទីរ​អង្គភាព​ពាក់ព័ន្ធ ព្រមទាំង​តំណាង​អង្គការ ដៃគូ​ពាក់​ព័​ន្ឋ សរុប ៤៨នាក់ ស្រី ៣១នាក់។ នៅក្នុង​កិច្ចប្រជុំ​នេះ​ផងដែរ ក៏បាន​លើកយក​បញ្ហា​ជាច្រើន​មក​ពិភាក្សា ដើម្បី​ស្វែងរក​ដំណោះស្រាយ​រួមគ្នា​សម្រាប់​ការពារ​ជនរងគ្រោះ និង​ងាយ​រងគ្រោះ ដោយ​អំពើហិង្សា​ទាក់ទង​នឹង​យេនឌ័រ ឬ​ការរំលោភបំពានផ្សេងៗ ដែល​ពាក់ព័ន្ធ​ទៅនឹង​ច្បាប់​ស្តីពី ការបង្ក្រាប​អំពើ​ជួញដូរ​មនុស្ស និង​អំពើ​ធ្វើ​អាជីវកម្ម​ផ្លូវភេទ។ ដោយ​កិច្ចប្រជុំ​បានធ្វើការ​ពិនិត្យ និង​ពិភាក្សា ដោយ​ទទួលបាន​លទ្ធ​បាន​ដូចខាងក្រោម ៖ ១. ពិនិត្យ​លើ​សេចក្តីព្រាង​កំណត់ហេតុ បញ្ហា​ប្រឈម និង​ទិសដៅ ដែល​បាន​ដាក់ចេញ​កាលពី​កិច្ចប្រជុំ​ប្រចាំខែ​វិច្ឆិកា រួមមាន៖ ២.ពិនិត្យ​លើ​របាយការណ៍​ប្រចាំខែ​ខែ​ធ្ន និង​ប្រចាំឆ្នាំ២០២០ នៃ​សកម្មភាព​របស់​លេខាធិការដ្ឋាន​ប្រយុទ្ធប្រឆាំង​អំពើ​ជួញដូរ​មនុស្ស​ខេត្ត ក្រុមការងារ​បច្ចេកទេស​ទាំង៦ សមាជិក​ក្រុង ស្រុក និង​អង្គការ​ដៃគូ​ជាតិ អន្តរជាតិ […]

  • ក្រុមការងារ​ព្រៃឈើ​នឹង​ចុះ​កាត់​ដកហូត​ដើមឈើ​ហានិភ័យ២ដើម​នៅ​ប្រាសាទអង្គរវត្ត

    ក្រុមការងារ​ព្រៃឈើ​នឹង​ចុះ​កាត់​ដកហូត​ដើមឈើ​ហានិភ័យ២ដើម​នៅ​ប្រាសាទអង្គរវត្ត

    សៀមរាប៖   ក្រុមការងារ​កាត់​ក្រី​មែកឈើ នៃ​នាយកដ្ឋាន​គ្រប់គ្រង​ព្រៃឈើ ទេសភាព​វប្បធម៌ និង​បរិស្ថាន នឹង​ចុះ​កាត់​ដកហូត​ដើមឈើ​ហានិភ័យ​ចំនួន២ដើម ស្ថិតក្នុង​បរិវេណ​ប្រាសាទអង្គរវត្ត។ ការចុះ​កាត់ នឹង​ចាប់ផ្តើម​នៅ​ថ្ងៃទី២៦ ខែធ្នូ ឆ្នាំ២០២០ តទៅ។ ដើមឈើ​ហានិភ័យ​ទាំង២ដើម​នោះ​មាន ១) ដើមត្នោត មាន​ស្ថានភាព​ងាប់​ដើម មាន​កម្ពស់​ប្រហែល១២ម៉ែត្រ អង្កត់ផ្ចិត​ទំហំ ៣០ស.ម និង​មាន​ទីតាំងនៅ​ខាងជើង​ទីសក្ការៈ​លោកតា​រាជ្យ ២) ដើម​ស្នួល មាន​អង្កត់ផ្ចិត​ទំហំ ៦០ស.ម កម្ពស់​ប្រហែល១៨ម៉ែត្រ ដែលមាន​ស្ថានភាព​ទ្រេត​ជាប់​ផ្លូវ និង​នៅក្បែរ​ខឿន​ប្រាសាទ៕ #អរគុណសន្តិភាព

  • រដ្ឋបាល​ខេត្តសៀមរាប​បើក​កិច្ចប្រជុំ​ត្រួតពិនិត្យ​វិធាន​សុវត្ថិភាព​ទេសចរណ៍​ក្នុង​ខេត្ត

    រដ្ឋបាល​ខេត្តសៀមរាប​បើក​កិច្ចប្រជុំ​ត្រួតពិនិត្យ​វិធាន​សុវត្ថិភាព​ទេសចរណ៍​ក្នុង​ខេត្ត

    សៀមរាប៖    រដ្ឋបាលខេត្ត​ខេ​សៀមរាប​កាលពី​ថ្ងៃទី ២៤ ខែ ធ្នូ ឆ្នាំ២០២០បានរៀបចំ​នូវ​កិច្ចប្រជុំ​ក្រុមការងារ​ចុះ​ត្រួតពិនិត្យ​វិធាន​សុវត្ថិភាព​ទេសចរណ៍​ក្នុង​ខេត្តសៀមរាប ក្រោម​អធិបតីភាព លោក ពៅ ពិសិដ្ឋ​អភិបាលរង នៃ​គណៈ​អភិបាលខេត្ត​សៀមរាប និង​ជា​ប្រធាន​ក្រុមការងារ​ត្រួតពិនិត្យ​វិធាន​សុវត្ថិភាព​ទេសចរណ៍​ក្នុង​ខេត្តសៀមរាប តំណាង​ឯកឧត្តម ទៀ សីហា អភិបាល នៃ​គណៈ​អភិបាលខេត្ត​សៀមរាប និង​មានការ​ចូលរួម​ពី លោក លោកស្រី តំណាង​មន្ទីរ-អង្គភាព​ជុំវិញ​ខេត្ត និង​លោក លោកស្រី អភិបាល ក្រុង/ស្រុក ក្នុង​ខេត្តសៀមរាប ។ តាម​សេចក្តីរាយការណ៍​របស់​លោក​ប្រធាន​មន្ទីរ​ទេសចរណ៍​ខេត្តសៀមរាប និង​ជា​ប្រធាន​លេខាធិការដ្ឋាន​ក្រុម​កា​ងារ​បាន​បញ្ញា​ក់ថា រហូតមកដល់​បច្ចុប្បន្ន​ក្រុមការងារ​ត្រួតពិនិត្យ​ការអនុវត្ត​វិធាន​សុវត្ថិភាព​ទេសចរណ៍​ក្នុង​ខេត្តសៀមរាប​បានសម្រេច​លទ្ធផល​ដូចខាងក្រោម ៖ ១- ផ្នែក​សេវាកម្ម​ស្នាក់នៅ​ទេសចរណ៍​អនុវត្តបាន​ចំនួន ៩៧កន្លែង ស្មើនឹង ៨៦,៦០% នៃ​ទីតាំង​អាជីវកម្ម​សេវាកម្ម​ស្នាក់នៅ​ដែល​កំពុងដំណើរការ (ចំនួន ១១២ កន្លែង) ។ ២- ផ្នែក​សេវាកម្ម​ភោជនីយដ្ឋាន និង​អាហារ​ដ្ឋា​ន​ទេសចរណ៍​អនុវត្តបាន​ចំនួន ៤៧ កន្លែង    ស្មើនឹង ៩២,១៥%  នៃ​ទីតាំង​អាជីវកម្ម​សេវាកម្ម​ភោជនីយដ្ឋាន  និង​អាហារ​ដ្ឋា​ន​ទេសចរណ៍​ដែល​កំពុងដំណើរការ (ចំនួន ៥១ កន្លែង) ។ […]

  • ការសាងសង់​ព្រលានយន្ដហោះ​ថ្មី​នៅ​សៀមរាប សម្រេចបាន​ជាង៣០%ហើយ !

    ការសាងសង់​ព្រលានយន្ដហោះ​ថ្មី​នៅ​សៀមរាប សម្រេចបាន​ជាង៣០%ហើយ !

    សៀមរាប៖    មន្ដ្រីជាន់ខ្ពស់ នៃ​អាកាសចរ​ស៊ីវិល​កម្ពុជា បាន​ចុះ​ពិនិត្យមើល​គម្រោង​ស្ថាបនា​អាកាសយានដ្ឋាន​អន្ដរជាតិ​ថ្មី​សៀមរាប​អង្គរ ក្នុង​គោលបំណង​ពិនិត្យមើល​ពី​វឌ្ឍនភាព នៃ​ការសាងសង់ ក្រោយ​ពេលដែល​បានចាប់ផ្ដើម​សាងសង់​តាំងពី​ខែមីនា ឆ្នាំ២០២០កន្លងមក។ ក្នុង​ដំណើរ​ទស្សនកិច្ច​ការដ្ឋាន​ជា​លើក​ទី២នេះ ដឹកនាំ​ដោយ​ឯកឧត្ដម ម៉ៅ ហាវ​ណ្ណា​ល់ រដ្ឋមន្ត្រី ទទួលបន្ទុក​រដ្ឋលេខា​ធិ​ការដ្ឋាន​អាកាសចរ​ស៊ីវិល​ទទួលបន្ទុក​រដ្ឋ​លេខាធិការដ្ឋាន​អាកាសចរណ៍​ស៊ីវិល​កម្ពុជា ដើម្បី​សិក្សា​បន្ថែម​អំពី​វឌ្ឍនភាព​នៃ​គម្រោង កាលពី​ព្រឹក​ថ្ងៃទី២៣ ខែធ្នូ ឆ្នាំ២០២០នេះ។ អ្នកនាំពាក្យ​រដ្ឋលេខាធិកា​រដ្ឋា​ន នៃ​អាកាសចរ​ស៊ីវិល​កម្ពុជា​ឯកឧត្ដម ស៊ីន ចាន់​សិរី​វុត្ថា មានប្រសាសន៍ថា បើទោះបី​កម្ពុជា ក៏ដូចជា​សកលលោក​បាន​ជួប​វិបត្ដិ​កូ​វីដ-១៩ក្ដី ក៏ប៉ុន្ដែ​ការសាងសង់​អាកាសយាន​ដ្ឋា​ន​អន្ដរជាតិ​ថ្មី​នៅលើ​ទីក​ដី​អង្គរ​ខេត្ដ​សៀមរាប បាន​ដំណើរការ​ជាធម្មតា ពោល​ក្រុមការងារ​មមាញឹក​ខ្លាំង​ដើម្បីអោយ​ការអភិវឌ្ឍ​នោះ​ទទួលបាន​នូវ​លទ្ធផល​ល្អ។ ឯកឧត្ដម​បញ្ជាក់ថា មកដល់ពេលនេះ​ក្រុមហ៊ុន​អភិវឌ្ឍន៍​របស់​ចិន AIAI(Angkor International Airport Investment) បាន​សាងសង់​សម្រេច​គម្រោង​រួម​បាន​ជាង៣០%ហើយ ក្នុងនោះ​មាន​គម្រោង​ចំនួន៣ធំ​រួម មាន​សង់​សំណង់​អាគារ, សំណង់​ដែល​ពាក់ព័ន្ធ​នឹង​ការ​ចុះចត​យន្ដហោះ និង​សំណង់ផ្សេងៗដែល​ពាក់ព័ន្ធ​នឹង​សេវាកម្ម​របស់​អាកាសយា​ន​ដ្ឋា​ន។ ឯកឧត្ដម បាន​បន្ថែមថា ក្រុមហ៊ុន​វិ​នី​យោគ​ចិន​នោះ បាន​បង្កើន​ការងា​ទាំងយប់​ទាំង​ថ្ងៃ ដើម្បីអោយ​សម្រេច​គោលដៅ​ដូច​អ្វីដែល​កម្ពុជា​បានគ្រោង​ទុក ខណ:ដែល​គម្រោង​សាងសង់​អាកា​សយ​ដ្ឋា​ន​នេះ គ្រោង​នឹង​បញ្ចប់​ទាំងស្រុង និង​ដាក់អោយ​ដំណើរការ​នៅ​ឆ្នាំ២០២៣ខាងមុខ។ ឯកឧត្ដម​បន្ដទៀតថា ក្រុមហ៊ុន​អភិវឌ្ឍន៍​អាកាសយានដ្ឋាន​នេះ​អនុវត្ដ​ការងារ​មានគុណ​ភាពល្អ និង​មាន​ភាព​ល្បី​ល្បាយ​លំដាប់​ពិភពលោក ទើប​កម្ពុ​ជាមាន​ភាពជឿ​ង​ជាក់ និង​អាច​នឹង​សម្រេច​តាម​គោលដៅ​កំណត់។ អាកាសយានដ្ឋាន​អន្តរជាតិ​សៀមរាប​អង្គរ​នោះ មាន​ទីតាំង​ស្ថិតនៅ​ឃុំ​ពពេល […]

  • អគ្គនាយក​នៃ​អាជ្ញាធរ​ជាតិ​អប្សរា​ចុះ​ពិនិត្យ​ការដ្ឋាន​កំណាយ​ស្រាវជ្រាវ​នៅ​បរិវេណ​ក្រុង​អង្គរធំ

    អគ្គនាយក​នៃ​អាជ្ញាធរ​ជាតិ​អប្សរា​ចុះ​ពិនិត្យ​ការដ្ឋាន​កំណាយ​ស្រាវជ្រាវ​នៅ​បរិវេណ​ក្រុង​អង្គរធំ

    សៀមរាប៖  ឯកឧត្តម ហង់ ពៅ អគ្គនាយក​នៃ​អាជ្ញាធរ​ជាតិ​អប្សរា រួមទាំង​សហការី បាន​ចុះ​ពិនិត្យ​ការដ្ឋាន​កំណាយ​ស្រាវជ្រាវ​ដែលមាន​ទីតាំងនៅ​ព្រះរាជ​រោង​សិត​លោហៈ​នា​ជ្រុង​ពាយ័ព្យ​នៃ​ក្រុង​អង្គរធំ​នៅ​រសៀល​ថ្ងៃទី១៧ ខែធ្នូ ឆ្នាំ២០២០ ។ គម្រោង​នេះ​មាន​ឈ្មោះថា​LANGAU – សិត​ថ្វាយ​ព្រះមហាក្សត្រ៖ ការសិក្សា​អំពី​លោហកម្ម​បុរាណ​នៃ​រោង​ជាង​សំរឹទ្ធ​ក្នុង​ព្រះបរមរាជវាំង​ក្រុង​អង្គរធំ កាលពី​អំឡុង​សតវត្សរ៍​ទី១១ ដល់១២នៃ​គ.ស.។ គោលបំណង​សំខាន់​របស់​គម្រោង​នេះ គឺ​ដើម្បី​កំណត់​ពី​ប្រភព​នៃ​ការផ្គត់ផ្គង់ ធាតុ​ទង់ដែង​ទាំង​នៅក្នុង​ស្រុក​ខ្មែរ​នា​សម័យបុរាណ និង​នាំចេញ​ទៅកាន់​ប្រទេសជិតខាង​ផង។ កំណាយ​ស្រាវជ្រាវ​នេះ​ក្រោម​កិច្ចសហការ​រវាង​អាជ្ញាធរ​ជាតិ​អប្សរា​និង​សាលា​បារាំង​ចុង​បូព៌ា(EFEO) ថែមទាំង​មានការ​ចូលរួម​ពី​ក្រុម​ស្រាវជ្រាវ អ្នកជំនាញ​ផ្នែក​បុរាណវិទ្យា​អ្នកជំនាញ​ផ្នែក​លោហៈកម្ម​បុរាណ​អ្នកជំនាញ​ផ្នែក​ភូ​គ​ព្ភ​បុរាណ អ្នកជំនាញ​ផ្នែក​កុលាលភាជន៍ អ្នកជំនាញ​ផ្នែក​រូបវិទ្យា និង​អ្នកជំនាញ​ផ្នែក​ជួសជុល​លោហៈ អន្តរជាតិ ផង ។ សកម្មភាព​កំណាយ​នៅលើ​ទីតាំង ដែល​ធ្វើឡើង​តាំងពី​ឆ្នាំ២០១៦ រហូតមកដល់​ពេលនេះ បាន​ប្រទះឃើញ​សំណល់​ជាច្រើន រួមមាន​ឡ​ចំហេះ​ធ្យូងថ្ម​ចំនួន២០កន្លែង ឡ​សិត​លោហៈ និង​រោង​ជាង​ដំ​លោហៈ ជ​ញ្ញាំ​ង​ឡ បណ្តុំ​ឈ្នុល ឈ្នុល ជើង​កាល់ ជើង​ទម្រ និង​ចង្ក្រាន​សិត​លោហៈ​ជាដើម។ តាម​ការពិនិត្យ​រុករក​ផ្នែក​ភូ​គ​ព្ភ​គីមី នៅ​ផ្ទៃដី​ប្រមាណ៧៥០០ម៉ែត្រក្រឡា ឱ្យដឹងថា​ការបំពុល​ដី​ដោយ​លោហៈ​ធ្ងន់ ក៏​អាចជួយ​ឱ្យ​ក្រុម​អ្នកជំនាញ​ដឹង​ពី​វិសាលភាព​នៃ​ទីតាំង​របស់​ព្រះ​រាជរោង​សិត​លោហៈ និង​ផលប៉ះពាល់​បរិវេណ​ក្បែរ​នោះដែរ។ ទិន្នន័យ​នៃ​ការវិភាគថ្មីៗ និង​លទ្ធផល​នៃ​ការសិក្សា​បច្ចេកទេស​វិទ្យា​ផ្សេងទៀត ជាពិសេស​បដិមា​អំពី​លោហៈ បង្ហាញ​ពី​ភាព​ចម្រុះ​នៃលក្ខណៈ​បច្ចេកទេស​របស់​ជាង​ស្មិត​នៅក្នុង​ព្រះបរមរាជវាំង​សម័យបុរាណ អាចឱ្យ​អ្នកស្រាវជ្រាវ​សម័យថ្មី យល់ដឹង​អំពី​របៀប​រស់នៅ​និង​ការរៀបចំ​នៃ​រោង​សិប្បកម្ម​លោហៈ​ទាំងមូល នៅក្នុង​រដ្ឋការ​ខ្មែរ​នា​សម័យអង្គរ​បាន៕ #អរគុណសន្តិភាព

  • សត្វ​ទោច​មកុដ១គូ​ចុងក្រោយ គ្រោង​ដោះលែង​ក្នុងព្រៃ​ធម្មជាតិ​នៃ​ក្រុង​អង្គរធំ

    សត្វ​ទោច​មកុដ១គូ​ចុងក្រោយ គ្រោង​ដោះលែង​ក្នុងព្រៃ​ធម្មជាតិ​នៃ​ក្រុង​អង្គរធំ

    សៀមរាប៖បន្ទាប់ពី​គម្រោង​ដោះលែង​សត្វព្រៃ​ក្នុង​ឧទ្យាន​អង្គរ ក្រោម​កិច្ចសហការ​រវាង អាជ្ញាធរ​ជាតិ​អប្សរា រដ្ឋបាល​ព្រៃឈើ​ភ្នំពេញ និង​អង្គការ Wildlife Alliance ទទួលបាន​ជោគជ័យ​ជា​បន្តបន្ទាប់​រួចមក ថ្ងៃទី១៦ ខែធ្នូ ឆ្នាំ២០២០ គម្រោង​នេះ​បាន​ដឹកជញ្ជូន​សត្វ​ទោច​មកុដ១គូ​ទៀត ដែលជា​គូ​ចុងក្រោយ ពី​មជ្ឈមណ្ឌល​ថែទាំ និង​សង្គ្រោះ​សត្វព្រៃ​ភ្នំ​តា​ម៉ៅ មក​ផ្សាំ​ក្នុង​ទ្រុង​នៅ​ជិត​បឹង​ដូន​មា​ក្បែរ​ខ្លោងទ្វារ​ដី​ឆ្នាំង​ខាងជើង​ក្រុង​អង្គរធំ។ សត្វ​ទោច​មកុដ​គូ​ចុង​ក្រោយនេះ  គ្រោង​នឹងធ្វើ​ការដោះលែង​ពី​ទ្រុង​ចូលទៅ​ក្នុងព្រៃ​ធម្មជាតិ​នៅឆាប់ៗខាងមុខ។ សត្វ​ទោច​មកុដ​ជា​សត្វ​រស់នៅ​ជា​គ្រួសារ មិន​ចូល​ជាមួយ​គ្រួសារ ឬ​ជាមួយ​ហ្វូង​ដទៃ​ទេ ហើយ​គ្រួសារនីមួយៗមាន​ដែន​ត្រាច់ចររៀងៗខ្លួន​ពី៥ទៅ ១០ហិកតា និង​មិន​ត្រួត​ដែន​ព្រៃ​គ្នា​ទេ។ ការកំណត់​ទីតាំង​ក្រុម​សត្វ​ទោច​មកុដ​ទាំង៣គូ​កន្លងមក គឺមាន​គម្លាត​ពីគ្នា ២០០០ម៉ែត្រ ឯ​ចំណុះ​ព្រៃ​នៅក្នុង​ឧទ្យាន​អង្គរ អាច​សម្រាប់តែ៤គ្រួសារ​ប៉ុណ្ណោះ ចំពោះ​លំហរ​ព្រៃ​នៅ​សេស សល់ គឺ​បំរុង​សម្រាប់កូនៗបែក​ពី​មេ-បា។ កន្លងមក​គម្រោង​នេះ​បាន​ដោះលែង​រួចមកហើយ​នូវ​សត្វ​ទោច​មកុដ​ចំនួន៣គូ​មាន​ចំនួន១២ក្បាល(កើតកូន​បាន​ចំនួន៦ក្បាល) ដែលមាន​ទីតាំង​ស្ថិត​នៅក្បែរ​ខ្លោងទ្វារ​តា​កាវ ខ្លោងទ្វារ​ខ្មោច ក្បែរ​ប្រាសាទ​តា​នៃ និង​មួយគូ​ចុងក្រោយ​នេះ​ក្បែរ​ខ្លោងទ្វារ​ដី​ឆ្នាំង។ នៅពេល​ជាមួយគ្នា​នោះ គម្រោង​ក៏បាន​ដោះលែង​សត្វ​ឆ្មារ​ដាវ(Leopard Cat) ចំនួន១គូ និង​សត្វ​កេងកង​តូច(Oriental Pied Hornbill) ចំនួន១គូ​ដែរ ចូល​ក្នុងព្រៃ​ធម្មជាតិ ក្រោយពី​គម្រោង​បាន​ផ្សាំ​ក្នុង​ទ្រុង​អស់​រយៈពេល​ជិត៣ខែ​មក។ ក្រៅពីនោះ កន្លងមក​ក៏មាន​ការដោះលែង​សត្វ​ឈ្លូស៤ក្បាល សត្វ​ស្វា​ព្រាម១២ក្បាល សត្វ​សំពោចក្រអូប៥ក្បាល និង​សត្វ​ភេ​ខ្លួន​រលោង៥ក្បាល ចូលក្នុង​ព្រៃ​អភិរក្ស​ក្នុង​រមណីយដ្ឋាន​អង្គរ។ ដើម្បី​ឲ្យ​សត្វព្រៃ​ទាំងអស់នោះ​បន្ត​វត្ត​មាននៅ​ក្នុងព្រៃ​ធម្មជាតិ​នៃ​រមណីយដ្ឋាន​អង្គរ​យើង និង​បង្កើន​ចំនួន​បន្ថែមទៀត […]