សហភាព​អ៊ឺរ៉ុប​ដាក់ពាក្យ​បណ្តឹង​វ៉ាក់សាំង AstraZeneca

បរទេស៖ ទូរទស្សន៍ BBC ចេញផ្សាយ​នៅ​ថ្ងៃ​អង្គារ​នេះ​បាន​ឲ្យ​ដឹងថា​សហភាព​អ៊ឺរ៉ុប​ឬ​ហៅ​កាត់​ថា EUបានសម្រេច​ចិត្ត​ក្នុងការ​ដាក់ពាក្យ​បណ្តឹង​ប្រឆាំង​ទៅនឹង​ក្រុមហ៊ុន​ផលិត​វ៉ាក់សាំង AstraZeneca បន្ទាប់ពី​ការពន្យា​ពេល​នៃ​ការផ្គត់ផ្គង់​បានកើត​ឡើងជា​បន្តបន្ទាប់។

មន្ត្រីជាន់ខ្ពស់​នៃ​សភា​អ៊ឺរ៉ុប​បាន​បញ្ជាក់ថា​ពាក្យបណ្តឹង​ធ្វើឡើង​ដោយសារតែ​ក្រុមហ៊ុន​នេះ​មិនបាន​គោរព​ទៅតាម​កុងត្រា​នៃ​ការផ្គត់ផ្គង់​វ៉ាក់សាំង​និង​ក៏ដូចជា​មិនអាច​ផ្តល់​ទំនុកចិត្ត​ក្នុង​ការផ្តល់​វ៉ាក់សាំង​ទៅតាម​ពេលវេលា​ដែល​បានកំណត់​ផងដែរ។

ទោះបីជា​យ៉ាងណាក្តី​ក្រុមហ៊ុន​ផលិត​វ៉ាក់សាំង AstraZeneca បាន​ចេញមក​ឆ្លើយតប​និង​បដិសេធ​ចំពោះ​ការចោទប្រកាន់​នេះហើយ​បញ្ជាក់ថា​នឹងធ្វើ​ការការពារ​ខ្លួន​តាមផ្លូវ​ច្បាប់​ដូចគ្នា​នៅក្នុង​ប្រព័ន្ធតុលាការ។

គួរ​ឲ្យ​ដឹង​ដែរ​ថា​កន្លងមក​បណ្តា​ប្រទេស​មួយចំនួន​នៅក្នុង​ប្លុក​របស់​អ៊ឺរ៉ុប​បានធ្វើការ​អះអាងថា AstraZeneca បានបង្ហាញ​ទំនោរ​របស់ខ្លួន​តែ​ទៅលើ​កិច្ចការងារ​ចែកចាយ​ឲ្យ​អង់គ្លេស​ប៉ុណ្ណោះ៕

#អរគុណសន្តិភាព

Related Posts

Leave a Reply

Your email address will not be published.