កូរ៉េខាងជើង​សម្លាប់​និង​ដុត​មន្ត្រី​ម្នាក់​របស់​ប្រទេស​កូរ៉េខាងត្បូង

បរទេស៖ទូរទស្សន៍ BBC នៅ​ថ្ងៃ​ពុធ​នេះ​បានសរសេរថា​បុរស​ជា​មន្ត្រី​របស់​ប្រទេស​កូរ៉េខាងត្បូង​ម្នាក់​ត្រូវបាន​បាញ់សម្លាប់​ព្រមទាំង​ដុត​សព​ផង​ពី​សំណាក់​យោធា​នៃ​ប្រទេស​កូរ៉េខាងជើង។

ការអះអាង​ដែល​ត្រូវបាន​ធ្វើឡើង​ដោយ​ក្រសួងការពារជាតិ​នៃ​ប្រទេស​កូរ៉េខាងត្បូង​ហើយក៏​បានធ្វើការ​ថ្កោលទោស​ចំពោះ​សកម្មភាព​ដ៏​ឃោរឃៅ​នេះ​ផងដែរ។តាម​ការ​បញ្ជាក់បន្ថែម​របស់​ក្រសួង​បាន​ឲ្យ​ដឹងថា​យោធា​កូរ៉េខាងជើង​បាន​បាញ់សម្លាប់​បុរស​រូបនោះ​ហើយ​បន្ទាប់មក​ក៏​ចាក់​ប្រេង​លើ​ខ្លួន​គាត់​និង​ដុត​សព​គាត់​ចោល​តែម្តង។

 

គួរ​ឲ្យ​ដឹង​ដែរ​ថា​រដ្ឋាភិបាល​នៃ​ទីក្រុង​សេ​អ៊ូ​ល​បាន​និយាយថា​បុរស​រូប​នោះបាន​បាត់​ខ្លួន​ពី​ទូក​សម្រាប់​បេសកកម្ម​ឃ្លាំមើល​មួយ​របស់ខ្លួន​នៅក្បែរ​ព្រំដែន​នៃ​ប្រទេស​ទាំងពីរ​និង​ក្រោយមក​ក៏បាន​ប្រទះឃើញ​សាកសព​នៅលើ​ដែនសមុទ្រ​នៃ​ប្រទេស​កូរ៉េខាងជើង។មកដល់ពេលនេះ​នៅ​មិនទាន់​ការ​ថ្លែងការណ៍​ណាមួយ​ពី​សំណាក់​កូរ៉េខាងជើង​អំពី​ការចោទប្រកាន់​នេះ​នៅឡើយ​ទេ៕