ភ្នំពេញ៖ យោងតាមរបាយការណ៍របស់សហព័ន្ធស្រូវអង្ករកម្ពុជា បានឱ្យដឹងថា ក្នុងរយៈពេល ៦ខែដំបូងនៃឆ្នាំ២០២៦ កម្ពុជាបាននាំចេញអង្ករចំនួន ៦៣០ ៣១៩តោន ទៅកាន់ទីផ្សារអន្តរជាតិ ដែលរកចំណូលបានទឹកប្រាក់សរុបជាង ៣៦៧លានដុល្លារអាមេរិក។

លទ្ធផលនៃការនាំចេញតាមតំបន់៖

• តំបន់អឺរ៉ុប (៣២ប្រទេស)៖ ១៧៩ ៨២៨តោន (១២១,៧៣លានដុល្លារ)។
• ចិន ហុងកុង និងម៉ាកាវ៖ ១៧០ ៤៨៣តោន (៩៩,៦៧លានដុល្លារ)។
• បណ្តាប្រទេសអាស៊ាន (៥ប្រទេស)៖ ២២៨ ៧៨០តោន (៩៨,៩០លានដុល្លារ)។
• គោលដៅផ្សេងៗ (អាហ្វ្រិក មជ្ឈិមបូព៌ា អាមេរិក អូស្ត្រាលី ។ល។)៖ ៥១ ២២៨តោន (៤៦,៨០លានដុល្លារ)។

ការនាំចេញនេះធ្វើឡើងតាមរយៈក្រុមហ៊ុនចំនួន ៦០ ដែលក្នុងនោះ «អង្ករក្រអូប» កាន់កាប់ចំណែកទីផ្សារធំជាងគេគឺ ៥៩,៨១%។ ក្រៅពីអង្ករ កម្ពុជាក៏បាននាំចេញស្រូវសើមចំនួនជាង ៣,១៧លានតោន ដែលមានតម្លៃប៉ាន់ប្រមាណជាង ៧១៣លានដុល្លារផងដែរ៕