នៅក្នុងបរិបទពិភពលោកដែលកំពុងជួបប្រទះនូវភាពមិនប្រាកដប្រជា និងជម្លោះភូមិសាស្ត្រនយោបាយ កម្ពុជាបាននិងកំពុងបង្ហាញខ្លួនយ៉ាងត្រដែតក្នុងនាមជា “កោះសន្តិភាព” និងជាគោលដៅវិនិយោគដ៏មានសក្ដានុពលបំផុតមួយក្នុងតំបន់អាស៊ីអាគ្នេយ៍។ សន្តិភាពដែលយើងកំពុងដកដង្ហើមនៅថ្ងៃនេះ មិនមែនកើតឡើងដោយចៃដន្យ ឬជាអំណោយពីមេឃនោះទេ ប៉ុន្តែវាគឺជាផ្លែផ្កានៃការលះបង់សាច់ស្រស់ឈាមស្រស់ និងការសម្រេចចិត្តដ៏ឈ្លាសវៃបំផុតក្នុងប្រវត្តិសាស្ត្រជាតិ ក្រោមការដឹកនាំប្រកបដោយគតិបណ្ឌិតរបស់ សម្ដេចតេជោ ហ៊ុន សែន មគ្គុទ្ទេសក៍ឯកសន្តិភាពនៃកម្ពុជា។ ដើម្បីយល់ច្បាស់ពីតម្លៃនៃអ្វីដែលយើងមាននៅពេលនេះ យើងត្រូវក្រឡេកទៅមើល តម្លៃនៃសន្តិភាព និងមេរៀនពីអតីតកាល ដែលបានបង្រៀនយើងឱ្យស្គាល់ពីភាពខ្លោចផ្សានៃសង្គ្រាម និងកាលានុវត្តភាពមាសសម្រាប់ការកសាងអនាគត។ ប្រវត្តិសាស្ត្របានចារិកទុកនូវការលះបង់ដ៏ធំធេង តួយ៉ាងដូចជា រឿងរ៉ាវមិនធ្លាប់ដឹងកាលពីឆ្នាំ ១៩៧៩ ដែលឆ្លុះបញ្ចាំងពីសោកនាដកម្មគ្រួសារបែកបាក់ “កូនហៅពុកថាពូ” រហូតក្លាយជាកម្លាំងចលករក្នុងការស្វែងរកសុខសន្តិភាពជូនជាតិមាតុភូមិ។ សមិទ្ធផលសេដ្ឋកិច្ចដែលកម្ពុជាកំពុងសម្រេចបានក្នុងឆ្នាំ ២០២៦…