អរគុណសន្ដិភាព - បោះឆ្នោតជូន គណបក្សប្រជាជនកម្ពុជា គឺដើម្បីអនាគតកម្ពុជា!

ក្រុមការងារវាយតម្លៃស្តង់ដារគុណភាពសេវាមន្ទីរពេទ្យនៃមន្ទីរពេទ្យបង្អែកខេត្តកោះកុង ទទួលបានវគ្គបណ្តុះបណ្តាលពិសេស

នៅព្រឹកថ្ងៃពុធ ៣រោច ខែបឋមាសាឍ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី ០៥ ខែកក្កដា ឆ្នាំ២០២៣ ក្រុមការងារវាយតម្លៃស្តង់ដារនៃការទទួលស្គាល់គុណភាពសេវាមន្ទីរពេទ្យនៃមន្ទីរពេទ្យបង្អែកខេត្តកោះកុង និងមន្ត្រីមន្ទីរពេទ្យពាក់ព័ន្ធមួយចំនួនបានចូលរួមវគ្គបណ្តុះបណ្តាលស្តីអំពី សំណុំឧបករណ៍តាមដានការកែលម្អរគុណភាពសេវាសុខាភិបាលកម្រិត២ (NQEMT2) និងការប្រើប្រាស់ឧបករណ៍វាយតម្លៃតាមរយៈបច្ចេកវិទ្យាទំនាក់ទំនងនិងព័ត៌មាន (ICT) ។ វគ្គបណ្តុះបណ្តាលនេះបានរៀបចំនៅបន្ទប់ប្រជុំមន្ទីរពេទ្យ និងចូលរួមសម្របសម្រួល និងធ្វើបទបង្ហាញដោយក្រុមការងារវាយតម្លៃស្តង់ដារនៃការទទួលស្គាល់គុណភាពសេវាមន្ទីរពេទ្យនៅប្រទេសកម្ពុជា(CHAS)នៃមន្ទីរសុខាភិបាលខេត្តកោះកុង ដើម្បីឱ្យក្រុមការងាររបស់មន្ទីរពេទ្យបង្អែកខេត្តកោះកុងទទួលបានចំណេះដឹងបន្ថែមនិងត្រៀមចាប់ផ្តើមអនុវត្តការវាយតម្លៃខ្លួនឯងដោយប្រើICT លើការងារCHAS នៅក្នុងមន្ទីរពេទ្យក្នុងពេលឆាប់ៗនេះ។

គ.ជ.ប ចេញសេចក្ដីសម្រេចស្ដីពីការកែសម្រួលបទបញ្ជា និងនីតិវិធី សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣

គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី០៥ ខែកក្កដា ឆ្នាំ២០២៣នេះ បានចេញសេចក្ដីសម្រេចស្ដីពីការកែសម្រួលបទបញ្ជា និងនីតិវិធី សម្រាប់ការបោះឆ្នោតជ្រើសតាំងតំណាងរាស្រ្ដ នីតិកាលទី៧ ឆ្នាំ២០២៣។

ឯកឧត្តម គីម រិទ្ធី អភិបាលខេត្តព្រះវិហារ អញ្ជេីញក្នុងពិធីប្រកាសដាក់ឲ្យប្រេីប្រាស់បន្ទប់កុំព្យូទ័រនៅក្នុងវិទ្យាល័យគូលែន

នៅថ្ងៃទី០៤ ខែកក្កដា ឆ្នាំ២០២២៣ ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ បានអញ្ជេីញក្នុងពិធីប្រកាសដាក់ឲ្យប្រេីប្រាស់បន្ទប់កុំព្យូទ័រនៅក្នុងវិទ្យាល័យគូលែន ដែលជាអំណោយរបស់ឯកឧត្តម គីម រិទ្ធី អភិបាលខេត្តព្រះវិហារ នៅវិទ្យាល័យគូលែន ស្រុកគូលែន ខេត្តព្រះវិហារ។

ឯកឧត្ដម ប៉ែន កុសល្យ អភិបាលខេត្តឧត្ដរមានជ័យ ចុះប្រគល់ផ្ទះមួយខ្នង និងរទេះជនពិការចំនួន៦ ជូនដល់គ្រួសារអតីតយុទ្ធជន នៅឃុំចុងកាល់

នៅថ្ងៃអង្គារ ២រោច ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី៤ ខែកក្កដា ឆ្នាំ២០២៣ ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ និងជាប្រធានកិត្តិយសសមាគមន៍អតីតយុទ្ធជនខេត្តឧត្ដរមានជ័យ និងឯកឧត្ដម ង៉ែត ចាន់ថុន សមាជិកគណ:កម្មាធិការកណ្តាលសមាគមអតីយទ្ធជនកម្ពុជា និងជាអនុប្រធាន គណ:អភិវឌ្ឍន៍របស់សមាគមអតីយុទ្ធជនកម្ពុជា ទទួលជួយការងារអតីតយុទ្ធជន ទិសយោធាភូមិភាគទី៤ និងភូមិភាគទី៥ អមដំណើរ ដោយ ឯកឧត្ដមអភិបាលរងខេត្ត លោកស្នងការរងនគរបាលខេត្ត […]

លោក អ៊ុយ រិទ្ធី អ្នកត្រូលឆាវឆាវ ត្រូវបានតែងតាំងជាសមាជិកលេខាសម្តេចតេជោ ហ៊ុន សែន

លោក អ៊ុយ រិទ្ធី អ្នកត្រូលឆាវឆាវ ត្រូវបានតែងតាំងជាសមាជិកលេខាសម្តេចតេជោ ហ៊ុន សែន នាយករដ្ឋមន្ត្រីកម្ពុជា មានឋានៈស្មើប្រធាននាយកដ្ឋាន។ អនុក្រឹត្យតែងតាំង និងផ្តល់ឋានៈជូនលោក អ៊ុយ រិទ្ធី ត្រូវបានធ្វើឡើងកាលពីថ្ងៃទី៣ ខែកក្កដា ឆ្នាំ២០២៣កន្លងទៅថ្មីៗនេះ។ សូមបញ្ជាក់ថា លោក អ៊ុយ រិទ្ធី គឺជាម្ចាស់សំឡេងក្នុងវីដេអូកម្សាន្តសប្បាយ ដែលមានរូបភាពតួអង្គក្នុងរឿងសាមកុក ជាពិសេសវីដេអូរបស់ឆាវឆាវ រហូតគេហៅវីដេអូនោះថា «ត្រូលឆាវឆាវ»។ ការបញ្ចូលសំឡេងនោះទទួលបានប្រជាប្រិយភាពគួរឱ្យកត់សម្គាល់ផងដែរ។ ថ្មីៗបុរសជាម្ចាស់សំឡេង និងជាអ្នកធ្វើវីដេអូនេះ ក៏បានធ្វើវីដេអូអំពាវនាវឱ្យពលរដ្ឋទៅបោះឆ្នោត និងអំពាវនាវពលរដ្ឋឱ្យគាំទ្របក្សប្រជាជនកម្ពុជាផងដែរ៕

ឯកឧត្តម ម៉ៅ ធនិន បានអញ្ជើញចុះសួរសុខទុក្ខបងប្អូនប្រជាពលរដ្ឋ និងដោះស្រាយករណីសំណេីចំនួន ១១ករណី នៅស្រុកអង្គរជ័យ

ព្រឹកថ្ងៃទី ៥ ខែកក្កដា ឆ្នាំ២០២៣ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និងឯកឧត្តម ញ៉ូវ សាឯម ប្រធានក្រុមប្រឹក្សាខេត្ត បានអញ្ជើញចុះសួរសុខទុក្ខបងប្អូនប្រជាពលរដ្ឋ និងដោះស្រាយករណីសំណេីរសូមណូមពរផ្លូវធ្វើដំណើរ ចំនួន១១ ករណី មានចំនួន ៧ ឃុំ ។ ការជួបសំណេះសំណាលធ្វើឡេីងនៅបរិវេណ វត្តត្រពាំងខ្វា ឃុំភ្នំកុង ស្រុកអង្គរជ័យ ខេត្តកំពត ក្នុងឱកាសចុះជួបឯកឧត្តម ក៏បានឱ្យក្រុមការងាររៀបចំអាហារថ្ងៃត្រង់ជូនប្រជាពលរដ្ឋ ដែលបានមកចូលរួមទាំងអស់គ្នាផងដែរ។

លោក សាយ សំអាល់៖ ការបំផុសមិនឲ្យចូលរួមបោះឆ្នោត និងការគូសបំផ្លាញសន្លឹកឆ្នោត គឺជាប្រឆាំង និងចង់បំផ្លាញលទ្ធិប្រជាធិបតេយ្យ

លោក សាយ សំអាល់ ប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តព្រះសីហនុ បានគូសបញ្ជាក់ថា ការបំផុសប្រជាពលរដ្ឋមិនឲ្យចូលរួមបោះឆ្នោត និងការគូសបំផ្លាញសន្លឹកឆ្នោតជាការបំផ្លាញលទ្ធិ ប្រជាធិបតេយ្យរបស់កម្ពុជា។ មិនតែប៉ុណ្ណោះជនទាំងនោះ មានចេតនាសើរើកិច្ចព្រមព្រៀងទីក្រុងប៉ារីស ប្រឆាំងជាមួយនឹងរដ្ឋ និងបង្កចលាចលផ្សេងៗក្នុងសង្គមកម្ពុជា ទាំងអស់នេះជាការរំខានដំណើរ និងសុខសន្តិភាពដែលកម្ពុជាកំពុងមាន។ ប្រសាសន៍លើកឡើងរបស់លោកនេះ ធ្វើឡើងក្នុងឱកាសអញ្ជើញជាអធិបតីក្នុងពិធីសំណេះសំណាលជាមួយសមាជិក-សមាជិកា គណៈកម្មាធិការគណបក្សឃុំចំនួន៨ គឺឃុំកែវផុស ឃុំទំនប់រលក ឃុំកំពេញ ឃុំអូរត្រេះ នៃស្រុកស្ទឹងហាវ និងឃុំបិតត្រាំង ឃុំរាម ឃុំអូរជ្រៅ ឃុំបឹងតាព្រហ្ម នៃស្រុកព្រៃនប់ ខេត្តព្រះសីហនុ នៅថ្ងៃទី៥ ខែកក្កដា […]

ក្រុមគ្រូពេទ្យស្មគ្រ័ចិត្ត លោក ខៀវ កាញារីទ្ធ បានពិនិត្យព្យាបាលពលរដ្ឋ ១៨,២៨០នាក់ ដោយឥតគិតថ្លៃ

បន្ទាប់ពីដំណើរការងារពេញមួយអាណត្តិរួចមក ក្រុមគ្រូពេទ្យស្មគ្រ័ចិត្ត លោក ខៀវ កាញារីទ្ធ បានរៀបចំពិធីបូកសរុបលទ្ធផលការងាររបស់ខ្លួន នៅព្រឹកថ្ងៃទី០៥ ខែកក្កដា ឆ្នាំ២០២៣ នាសណ្ឋាគារភ្នំប្រុស ភ្នំស្រី ខេត្តកំពង់ចាម ក្រោមអធិបតីភាព លោក លី វ៉ាន់ហុង ប្រតិភូរាជដ្ឋាភិបាលកម្ពុជា ទទួលបន្ទុកអគ្គនាយករដ្ឋបាល និងហិរញ្ញវត្ថុ ក្រសួងព័ត៌មាន ជាតំណាង លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន និងវត្តមាន លោក ហាន កុសល អភិបាលរងខេត្តតំណាងលោក […]

ឯកឧត្តម ហែម ពិសិដ្ឋិ អភិបាលរងខេត្តស្វាយរៀង អញ្ជើញចុះពិនិត្យ និងផ្តល់យោបល់លើនីតិវិធីនៃការផ្ទេរកម្មសិទ្ធិដីធ្លីជូនប្រជាពលរដ្ឋ

នៅថ្ងៃទី០៥ ខែកក្កដា ឆ្នាំ២០២៣ ឯកឧត្តម ហែម ពិសិដ្ឋិ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្តបានអញ្ជើញចុះពិនិត្យ និងផ្តល់យោបល់លើនីតិវិធីនៃការផ្ទេរកម្មសិទ្ធិដីធ្លីជូនប្រជាពលរដ្ឋឈ្មោះ ខោល ខេន ប្រពន្ធឈ្មោះ ឆឹម ស្រីនីត ស្ថិតនៅភូមិបឹងអណ្តែង ឃុំតាសួស ស្រុកស្វាយជ្រំ។ អញ្ជើញចូលរួមក្នុងឱកាសនោះមាន លោកប្រធានមន្ទីររៀបចំដែនដី នគរូបនីយកម្មសំណង់ និងសុរិយោដីខេត្ត លោកអភិបាល អភិបាលរងស្រុកស្វាយជ្រំ លោកប្រធានការិយាល័យរៀបចំដែនដី នគរូបនីយកម្មសំណង់ និងភូមិបាលសាលាស្រុកស្វាយជ្រំ និងអាជ្ញាធរមូលដ្ឋានពាក់ព័ន្ធមួយចំនួនទៀត។

រដ្ឋបាលខេត្តមណ្ឌលគិរី បើកកិច្ចប្រជុំសាមញ្ញលេីកទី ៤៩អាណត្តិទី៣ របស់ក្រុមប្រឹក្សាខេត្ត

នៅព្រឹកថ្ងៃពុធ ៣ រោច ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ៥ ខែកក្ដដា ឆ្នាំ២០២៣រដ្ឋបាលខេត្តមណ្ឌលគិរីបានរៀបចំកិច្ចប្រជុំសាមញ្ញក្រុមប្រឹក្សាខេត្តលើកទី៤៩ អណត្តិទី៣ ក្រោមអធិបតីភាពឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម ថង សាវុន អភិបាល នៃគណៈអភិបាលខេត្ត ដោយមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រីអភិបាលរងខេត្ត មេបញ្ជាការកងកម្លាំងទាំង៣ នាយក […]