សេចក្ដីសង្ខេប ពីវាលដីស មកជាមហាវិមាន—នៅពេល “សន្តិភាព” ក្លាយជាសកម្មភាព នៅក្នុងប្រវត្តិសាស្ត្រនៃប្រជាជាតិមួយ អ្វីដែលកំណត់តម្លៃនៃយុគសម័យ មិនមែនស្ថិតនៅលើពាក្យស្លោកដែលគេសរសេរនៅលើជញ្ជាំងនោះទេ ប៉ុន្តែវាស្ថិតនៅលើ “សមិទ្ធផលជាក់ស្ដែង” ដែលដុះចេញពីដី និងឈរយ៉ាងត្រដែតក្រោមមេឃ។ ក្នុងឆ្នាំ ២០២៦ នេះ អាកាសយានដ្ឋានអន្តរជាតិតេជោ (TIA) បានក្លាយជាចម្លើយដ៏មុតស្រួចបំផុត ចំពោះសំណួរដែលថាតើ “សន្តិភាពមានតម្លៃប៉ុណ្ណា?“ អស់រយៈពេលជាច្រើនទសវត្សរ៍ កម្ពុជាធ្លាប់ត្រូវបានគេស្គាល់ថាជាប្រទេសដែលងើបពីគំនរផេះផង់នៃសង្គ្រាម។ ប៉ុន្តែសព្វថ្ងៃ ក្រោមការដឹកនាំប្រកបដោយមនសិការស្នេហាជាតិខ្ពស់បំផុតរបស់ សម្ដេចតេជោ កម្ពុជាបានផ្លាស់ប្តូរមុខមាត់ថ្មី។ TIA មិនមែនគ្រាន់តែជាហេដ្ឋារចនាសម្ព័ន្ធសម្រាប់ហោះហើរដែលចំណាយទុន ១,១ ប៊ីលានដុល្លារនោះទេ…