Month: April 2021
សម្តេច ពិជ័យ សេនា ទៀ បាញ់ អញ្ជើញបើកយុទ្ធនាការជាតិចាក់វ៉ាក់សាំងនៅក្នុងភូមិសាស្ត្ររាជធានីភ្នំពេញជាពិសេសតំបន់ក្រហម
ភ្នំពេញ៖ សម្តេច ពិជ័យ សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ អញ្ជើញ ជា អធិបតីភាព ក្នុង ពិធី បើកយុទ្ធនាការជាតិចាក់វ៉ាក់សាំងនៅក្នុងភូមិសាស្ត្ររាជធានីភ្នំពេញ ដើម្បីរៀបចំ ចាក់ វ៉ាក់សាំង ការពារ ជំងឺ កូ វីដ ១៩ ជូន ដល់ ប្រជាពលរដ្ឋ រស់នៅក្នុង តំបន់ ក្រហម ក្នុងភូមិ […]
រដ្ឋមន្ត្រីពាណិជ្ជកម្ម ចុះពិនិត្យមណ្ឌលឃ្លាំងរបស់ក្រុមហ៊ុនហ្គ្រីនត្រេដ ដែលជាទីតាំងស្តុកស្បៀងបម្រុងរដ្ឋរបស់រាជរដ្ឋាភិបាល សម្រាប់ផ្គត់ផ្គង់ជូនប្រជាពលរដ្ឋ
ភ្នំពេញ៖ កាលពីព្រឹកថ្ងៃទី២៩ ខែមេសា ឆ្នាំ២០២១ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម អមដំណើរដោយ ថ្នាក់ដឹកនាំក្រសួងពាណិជ្ជកម្មជាច្រើនរូប បានអញ្ជើញចុះពិនិត្យមណ្ឌលឃ្លាំងរបស់ក្រុមហ៊ុនហ្គ្រីនត្រេដ ដែលជាទីតាំងស្តុកស្បៀងបម្រុងរដ្ឋរបស់រាជរដ្ឋាភិបាល សម្រាប់ផ្គត់ផ្គង់ជូនប្រជាពលរដ្ឋជាពិសេសក្នុងតំបន់បិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល (តំបន់ក្រហម) ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ។ ក្នុងឱកាសនោះ ឯកឧត្ដមរដ្ឋមន្ត្រី បានថ្លែងកោតសរសើរ ចំពោះកិច្ចខិតខំប្រឹងប្រែ សហការគ្នាល្អ របស់មន្ត្រីក្រុមហ៊ុនហ្គ្រីនត្រេដ និង មន្ដ្រីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ដែលបានលះបង់ទាំងកម្លាំងកាយចិត្តបំពេញតួនាទី […]
ក្រុមគ្រូពេទ្យជួរមុខបានសម្រាលកូនជូនអ្នកជំងឺកូវីដ-១៩ ពីរនាក់ទៀត (ជាកូនទី ៦ ទី ៧) បានដោយ សុខសុវត្ថិភាពទាំងម្តាយ និងកូន
ភ្នំពេញ៖ នៅថ្ងៃទី ២៩ ខែ មេសា ឆ្នាំ២០២១ ក្រុមគ្រូពេទ្យជួរមុខនៃមន្ទីរពេទ្យមិត្តភាពខ្មែរ-សូវៀត បានខិតខំប្រឹងប្រែងអស់ពីកំលាំងកាយចិត្តសម្រាលកូនជូនអ្នកជំងឺកូវីដ-១៩ ០២ នាក់ទៀត (ជាកូនទី ៦ ទី ៧) បានដោយជោគជ័យ និងសុខសុវត្ថិភាពទាំងម្តាយ និងកូន។ សាស្ត្រាចារ្យ ងី ម៉េង តាងនាមឲ្យថ្នាក់ដឹកនាំមន្ទីរពេទ្យមិត្តភាពខ្មែរ-សូវៀត សូមថ្លែងអំណរគុណយ៉ាងជ្រាលជ្រៅ និងសូមជូនពរ ដល់ក្រុមគ្រូពេទ្យទាំងអស់ ទទួលបាននូវសុខភាពល្អ និងសុវត្ថិភាព ជៀសផុសពីជំងឺដ៏កាចសាហាវនេះ៕ #អរគុណសន្តិភាព
ក្រសួងសុខាភិបាលបាននាំយកថវិកា ចូលរួមរំលែកមរណទុក្ខ ចំពោះក្រុមគ្រួសារសពដែលទទួលមរណភាពដោយសារជំងឺកូវីដ-១៩ ចំនួន៥គ្រួសារ
ភ្នំពេញ៖នាថ្ងៃទី២៩ ខែមេសា ឆ្នាំ២០២១ ក្រុមការងារក្រសួងសុខាភិបាល ដឹកនាំដោយ លោកវេជ្ជបណ្ឌិត ស៊ុ សារិទ្ធ បាននាំយកថវិការបស់រាជរដ្ឋាភិបាល ចូលរួមរំលែកមរណទុក្ខ ចំពោះក្រុមគ្រួសារសពដែលបានទទួលមរណភាពដោយសារជំងឺកូវីដ-១៩ ក្នុងមួយគ្រួសារថវិកាចំនួន ៥.០០០.០០០៛ (ប្រាំលានរៀល) រួមមាន៖ ក្រុមគ្រួសារសពលោក ឡេង លីម អាយុ ៥៥ឆ្នាំ នៅសង្កាត់ផ្សារថ្មី២ ខណ្ឌដូនពេញ រាជធានីភ្នំពេញ ដែលបានទទួលមរណភាពកាលពីថ្ងៃទី២១ ខែមេសា ឆ្នាំ២០២១ នៅមន្ទីរពេទ្យមិត្តភាពខ្មែរ-សូវៀត។ ក្រុមគ្រួសារសពលោកស្រី ម៉ៅ សុខុន […]
សម្តេចហេង សំរិន អបអរសាទរព្រះរាជពិធីបុណ្យច្រត់ព្រះនង្គ័ល
ភ្នំពេញ៖ ថ្ងៃនេះ ជាព្រះរាជពិធីបុណ្យ «ច្រត់ព្រះនង្គ័ល» ដែលយើងតែងតែប្រារព្ធធ្វើឡើងនៅថ្ងៃ៤ រោច ខែពិសាខ ជារៀងរាល់ឆ្នាំ ក្នុងគោលបំណងផ្សងមើលពីប្រផ្នូលរបស់ស្រុកទេសទៅតាមការបរិភោគរបស់ «គោឧសភរាជ»និងជាការប្រកាសប្រាប់ប្រជាកសិករធ្វើស្រែចម្ការថារដូវវស្សាបានចូលមកដល់ហើយ។ ព្រះរាជពិធីបុណ្យច្រត់ព្រះនង្គ័លនេះ ជាព្រះរាជប្បវេណីដ៏សំខាន់ និងចាត់ទុកជាវប្បមង្គលមួយដ៏ប្រសើររបស់ប្រជាពលរដ្ឋកម្ពុជា ដែលមហាក្សត្រគ្រប់ព្រះអង្គតែងតែដឹកនាំប្រារព្ធរៀបចំឡើងពុំដែលខាន តាំងពីបុរាណកាលរៀងមក។ ព្រះករុណាជាអម្ចាស់ជីវិតលើត្បូង ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គតែងតែស្តេចយាងជាព្រះរាជាធិបតីភាពដ៏ខ្ពង់ខ្ពស់បំផុតនៅក្នុងព្រះរាជពិធីធំដ៏សំខាន់នេះ ប៉ុន្តែរយៈពេលពីរឆ្នាំមកហើយ ដែលយើងមិនបានរៀបចំព្រះរាជធិធីបុណ្យដ៏មានអត្ថន័យនិងសារៈសំខាន់នេះ ដោយសារជំងឺកូវដ-១៩ ។ កូវីដ-១៩បានបំផ្លាញទាំងសេដ្ឋកិច្ច […]
ការរៀបចំកម្រាលថ្មស្ពានហាលប្រាសាទអង្គរវត្តនឹងបញ្ចប់នាពេលឆាប់ៗខាងមុខ
សៀមរាប៖ កម្រាលថ្មភក់ប្រវែង៩០ម៉ែត្រដែលជាស្រទាប់ខាងលើនៃស្ពានហាលប្រាសាទអង្គរវត្តសម្រាប់ដើរនឹងរៀបរួចរាល់នាពេលខាងមុខដ៏ខ្លី។ លោក សយ ច័ន្ទនោឫទ្ធិ ស្ថាបត្យករ បាននិយាយថាមកដល់បច្ចុប្បន្ននេះ ការងារពង្រឹងគ្រឹះសម្រេចបានស្ទើរ១០០ភាគរយ។ រីឯការងាររៀបចំកម្រាលផ្លូវដើរទៅភ្ជាប់នឹងកម្រាលដែលខាងសាកលវិទ្យាល័យសូហ្វីយ៉ាជួសជុលរួចរាល់នោះបានសម្រេចបាន៩០ភាគរយហើយ។ ក្រៅពីនេះ ក្រុមការងារកំពុងបន្តការងារពង្រឹងគ្រឹះផ្នែកខាងក្នុង និងខាងក្រៅ នៃស្ពានហាល និងកំពុងបន្តស្រាវជ្រាវនៅផ្នែកកំពង់ទឹក។ ស្ពានហាលខាងលិចអង្គរវត្ត បានចាប់ផ្តើមដំណើរការជួសជុលនៅពាក់កណ្ដាលឆ្នាំ២០១៦ ស្ថិតក្នុងជំហានទី២នៃកិច្ចសហការរវាងអាជ្ញាធរជាតិអប្សរានិងសាកលវិទ្យាល័យសូហ្វីយ៉ា ប្រទេសជប៉ុន។ កន្លងមក ស្ពានហាលប្រាសាទអង្គរវត្ត ត្រូវបានជួសជុលបានប្រវែង១០០ម៉ែត្រ ដែលអនុវត្តក្នុងជំហានទី១នៅឆ្នាំ១៩៩៦ រហូតដល់ឆ្នាំ២០០៧៕ #អរគុណសន្តិភាព
អភិបាលរាជធានីភ្នំពេញដឹកនាំអនុវត្តវិធានបិទខ្ទប់ ដោយបាន ដឹកនាំកម្លាំងចុះពិនិត្យគោលដៅតំបន់ក្រហម
ភ្នំពេញ៖ នាវេលាថ្ងៃត្រង់ថ្ងៃព្រហស្បតិ៍ ទី២៩ ខែមេសា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ ប្រធានគណៈបញ្ជាការឯកភាពរាជធានីភ្នំពេញ និងជាអនុប្រធានអចិន្ត្រៃយ៍គណៈកម្មការជាតិគ្រប់គ្រងនិងដឹកនាំអនុវត្តវិធានបិទខ្ទប់ បានអញ្ជើញដឹកនាំកម្លាំងចុះពិនិត្យគោលដៅតំបន់ក្រហម ។ គឺដើម្បីអនុវត្តតាមសេចក្ដីសម្រេចរបស់រដ្ឋបាលរាជធានីភ្នំពេញលេខ ០៩៧/២១ សសរ ស្ដីពីការកំណត់ភូមិសាស្ត្ររាជធានីភ្នំពេញជា “តំបន់ក្រហម” “តំបន់លឿងទុំ” និង”តំបន់លឿង”ក្នុងអំឡុងពេលនៃការអនុវត្តវិធានការបិទខ្ទប់តាមសេចក្ដីសម្រេចរបស់រាជរដ្ឋាភិបាលលេខ ៥៤ សសរ ស្ដីពីការបន្តការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល ដើម្បីទប់ស្កាត់ការរីករាលដាលនៃជំងឺកូវីដ១៩៕ #អរគុណសន្តិភាព
ឯកឧត្តម ហ៊ុន ម៉ានី៖ ការមកដល់ជាបន្តបន្ទាប់នៃវ៉ាក់សាំងបង្ការជំងឺកូវីដ ១៩ របស់ចិនឆ្លុះបញ្ចាំងពីកិច្ចសហប្រតិបត្តិការល្អរវាងកម្ពុជា និងចិន
ភ្នំពេញ៖ ឯកឧត្តម ហ៊ុន ម៉ានី អ្នកដំណាងរាស្ត្រមណ្ឌលកំពង់ស្ពឺ និងជាបុត្រាពៅរបស់សម្តេចតេជោ ហ៊ុន សែន ថ្លែងថា ការមកដល់ជាបន្តបន្ទាប់នៃវ៉ាក់សាំងបង្ការជំងឺកូវីដ ១៩ តាមរយៈការបញ្ជាទិញ ក៏ដូចជាតាមរយៈយន្តការជំនួយនានា ជាពិសេសពីរដ្ឋាភិបាលចិន បានឆ្លុះបញ្ចាំងពីកិច្ចសហប្រតិបត្តិការអន្តរជាតិល្អរបស់រាជរដ្ឋាភិបាលនិយាយជារួម និងចំណងមិត្តភាពដែកថែបរវាងកម្ពុជា និងចិន ឯកឧត្តម ហ៊ុន ម៉ានី បានសរសេរនៅលើបណ្តាញសង្គមហ្វេសបុកផ្លូវការរបស់ឯកឧត្តមនៅថ្ងៃទី ២៩ ខែមេសានេះថា ដោយឡែក ដែលយន្តការនេះបាន និងកំពុងចូលរួមចំណែកយ៉ាងសំខាន់ក្នុងការទប់ស្កាត់ការរីករាលដាលនៃជំងឺកូវីដ១៩ នៅក្នុងសហគមន៏។ ឯកឧត្តមបន្តថា ទន្ទឹមនឹងការមកដល់នៃវ៉ាក់សាំងនេះ រាជរដ្ឋាភិបាលមិនបង្អែរបង្អន់យូរឡើយ […]
អាជ្ញាធរខេត្តកំពង់ធំ សម្រេចបិទផ្សារសេរីស្ទោង ក្នក្រោយរកឃើញអាជីវករឆ្លងជំងឺកូវីដ១៩
កំពង់ធំ៖ រដ្ឋបាលខេត្តកំពង់ធំ នៅថ្ងៃទី២៩ ខែមេសា ឆ្នាំ២០២១ នេះ បានចេញសេចក្តីជូនដំណឹង ដោយសម្រេចបិទផ្សារស្ទោងក្នុងភូមិកំពង់ក្តី ឃុំកំពង់ចិនត្បូង ក្រោយរកឃើញអាជីវករឆ្លងជំងឺកូវីដ១៩ ។ រដ្ឋបាលខេត្តកំពង់ធំ បានបញ្ជាក់ថា អាជីវករផ្សារសេរីស្ទោង ដែលរកឃើញវិជ្ជមានកូវីដ១៩ មានឈ្មោះ ចេង គឹមនៅ ប្រកបមុខរបរលក់សាច់ជ្រូក ដោយបានជាប់ពាក់ព័ន្ធឈ្មោះ ស៊ាង គឹមសាន អាយុ ៤៧ឆ្នាំ នៅភូមិលាបទង ឃុំកំពង់ចិនត្បូង ស្រុកស្ទោង ដែលត្រូវបានខេត្តសៀមរាប ផ្តល់ព័ត៌មានមកថាវិជ្ជមានកូវីដ១៩ ។ […]
អាមេរិកផ្ដល់ជំនួយផ្គត់ផ្គង់ដែលមានតម្លៃ ១០០លានដុល្លារដល់ឥណ្ឌា ដើម្បីប្រយុទ្ធប្រឆាំងនឹងជំងឺកូវីដ-១៩
អាមេរិក៖ សេតវិមានបាននិយាយនៅក្នុងសេចក្តីថ្លែងការណ៍មួយថាសហរដ្ឋអាមេរិកកំពុងបញ្ជូនជំនួយផ្គត់ផ្គង់ដែលមានតម្លៃចំនួន ១០០លានដុល្លារដល់ប្រទេសឥណ្ឌាដើម្បីជួយប្រទេសនេះក្នុងការប្រយុទ្ធប្រឆាំងនឹងជំងឺរាតត្បាតកីវីដ-១៩ ។ សេចក្តីថ្លែងការណ៍បាននិយាយថា “ឆ្លុះបញ្ចាំងពីសាមគ្គីភាពរបស់សហរដ្ឋអាមេរិកជាមួយឥណ្ឌា នៅពេលដែលកូវីដ-១៩ កំពុងប្រយុទ្ធប្រឆាំងនឹងរលកនៃការផ្ទុះឡើងថ្មីនៃកូវីដ-១៩ សហរដ្ឋអាមេរិកកំពុងផ្តល់ការផ្គត់ផ្គង់ដែលមានតម្លៃជាង ១០០លានដុល្លារ ដែលវានឹងទៅដល់ប្រទេសឥណ្ឌាក្នុងរយៈពេលប៉ុន្មានថ្ងៃខាងមុខនេះ ដើម្បីផ្តល់ជំនួយសង្គ្រោះបន្ទាន់ដល់ដៃគូរបស់យើងនៅក្នុងប្រទេសឥណ្ឌា” ។ ។ សហរដ្ឋអាមេរិកក៏បាននិយាយផងដែរថាខ្លួនបានដឹកនាំការផ្គត់ផ្គង់ផលិតកម្មវ៉ាក់សាំង AstraZeneca ឡើងវិញ ដើម្បីជួយប្រទេសឥណ្ឌាក្នុងការចាក់វ៉ាក់សាំងចំនួនជាង ២០ លានដូស។ គួរបញ្ជាក់ផងដែរថា រយៈ៧ឆ្នាំជាប់ៗគ្នានេះ ករណីឆ្លងជំងឺកូវីដថ្មីនៅឥណ្ឌាបានកើនឡើងខ្ពស់មិនធ្លាប់មានក្នុងប្រវត្តិសាស្ត្រ៕ #អរគុណសន្តិភាព
