សេចក្តីព្រាងច្បាប់ហិរញ្ញវត្ថុឆ្នាំ២០២២ ត្រូវបានរដ្ឋសភាទទួលយក និងសិក្សា ខណៈរាជរដ្ឋភិបាល គ្រោងថវិកាជាង ៣៤ទ្រីលានរៀលសម្រាប់បន្ទុកចំណាយ
![សេចក្តីព្រាងច្បាប់ហិរញ្ញវត្ថុឆ្នាំ២០២២ ត្រូវបានរដ្ឋសភាទទួលយក និងសិក្សា ខណៈរាជរដ្ឋភិបាល គ្រោងថវិកាជាង ៣៤ទ្រីលានរៀលសម្រាប់បន្ទុកចំណាយ](https://i0.wp.com/orkunsantepheap.com/wp-content/uploads/2021/10/51BEEEE7-4294-4251-9673-FF043EA.jpeg?fit=900%2C506&ssl=1)
ភ្នំពេញ៖ កិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ដឹកនាំដោយសម្តេចពញាចក្រី ហេង សំរិន ប្រធានរដ្ឋសភា តាមប្រព័ន្ធអនឡាញ នាព្រឹកថ្ងៃ ទី២៧ ខែតុលានេះ បានសម្រេចប្រគល់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ ឱ្យទៅគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភាដើម្បីពិនិត្យ និងសិក្សា។
![](https://i0.wp.com/orkunsantepheap.com/wp-content/uploads/2021/10/C551742C-1FED-4B92-B868-F8AFB2F.jpeg?resize=900%2C506&ssl=1)
យោងតាមសេចក្តីថ្លែងហេតុរបស់រាជរដ្ឋាភិបាលកម្ពុជា ផ្ញើទៅកាន់រដ្ឋសភា បានបញ្ជាក់ថា គម្រោងចំណាយថវិកាសម្រាប់ឆ្នាំ២០២២ មានកំណើន៨,៤ភាគរយ បើធៀបនឹងឆ្នាំ២០២១នេះ ក្នុងគោលបំណងស្តារ និងជំរុញសេដ្ឋកិច្ចឱ្យបន្តស្ថិតនៅលើគន្លងនៃកំណើនខ្ពស់ និងរស់រវើកឡើងវិញ និងស្តារជីវភាពរបស់ប្រជាជន។
គួរបញ្ជាក់ផងដែរថា រាជរដ្ឋាភិបាលកម្ពុជា គ្រោងថវិការដ្ឋសរុបជាង ៣៤ទ្រីលានរៀល ឬត្រូវជាប្រមាណ ៨.៦០០លានដុល្លារអាមេរិក សម្រាប់បន្ទុកចំណាយនៅឆ្នាំ២០២២ខាងមុខ ដែលផ្តោតទៅលើបៀវត្សរបស់មន្ត្រីរាជការស៊ីវិល និងកងកម្លាំងប្រដាប់អាវុធ ព្រមទាំងឆ្លើយតបទៅនឹងបញ្ហាប្រឈមនឹងសង្គម សេដ្ឋកិច្ច និងការពារអាយុជីវិតប្រជាជនពីការរាតត្បាតនៃជំងឺកូវីដ១៩៕