លោក សុខ ថុល អភិបាលរងខេត្ត អញ្ជើញចុះបិទការដ្ឋានសាងសង់ផ្លូវបេតុងអាមេប្រវែង២៦៨ម ទទឹង៥ម និងមានស្មាផ្លូវក្រាលគ្រួសក្រហមកម្រាស់០.១៥ម ទទឹង០.៥ម នៅឃុំអំពិល ស្រុកប្រាសាទបាគង
![](https://i0.wp.com/orkunsantepheap.com/wp-content/uploads/2022/11/316673741_467691728838492_2148371205321930759_n.jpg?fit=1000%2C667&ssl=1)
ព្រឹកថ្ងៃ២២ ខែវិច្ឆិកា ឆ្នាំ២០២២ វេលាម៉ោង៨ និង៣០ នាទី នៅឃុំអំពិល ស្រុកប្រាសាទបាគង បានរៀបចំពិធីបិទការដ្ឋានសាងសង់ផ្លូវបេតុងអាមេប្រវែង២៦៨ម ទទឹង៥ម កម្រាស់ ០.១៥ម និងមានស្មាផ្លូវក្រាលគ្រួសក្រហមកម្រាស់ ០.១៥ម ទទឹង ០.៥ម មានទីតាំងស្ថិតនៅ ភូមិត្នោតនិងភូមិបង្កោង ឃុំអំពិល ស្រុកប្រាសាទបាគង ដោយការសាងសង់នេះ អនុវត្តដោយសហគមន៍ក្រោមអធិបតីភាព លោក សុខ ថុល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណ:អភិបាលខេត្ត ដោយមានការចូលរួមពី លោកអភិបាលរងស្រុក លោកមេឃុំ មេភូមិ បងប្អូនប្រជាពលរដ្ឋដែលទទួលផលេីផ្លូវមួយខ្សែនេះ។
លោក អភិបាលរងខេត្ត មានការកោតសរសើរដោយស្មោះស្ម័គ្របំផុតចំពោះសហគមន៍ ដែលបានធ្វើការសាងសង់ផ្លូវមួយខ្សែតាមផែនការនិងកិច្ចសន្យាដែលបានគ្រោងទុក។ លោកបានបន្តថា ផ្លូវមួយខ្សែនេះសាងសង់ឡេីងជាប្រយោជន៍រួមសម្រាប់បងប្អូននៅមូលដ្ឋានមានភាពងាយស្រួលក្នុងការប្រេីប្រាស់ ដឹកជញ្ជូនកសិផលទៅរកទីផ្សារផងដែរ។ ជាមួយគ្នានេះ ដេីម្បីប្រេីប្រាស់បានយូរអង្វែងសូមអ្នកប្រេីប្រាស់កុំដឹកលេីសទម្ងន់ ដែលធ្វេីឱ្យផ្លូវងាយនឹងខូចខាត។
សូមបញ្ជាក់ផងដែរថា ផ្លូវបេតុងអាមេប្រវែង២៦៨ម ទទឹង៥ម កម្រាស់ ០.១៥ម និងមានស្មាផ្លូវក្រាលគ្រួសក្រហមកម្រាស់០.១៥ម ទទឹង០.៥ម នៅឃុំអំពិល ស្រុកប្រាសាទបាគងគឺប្រេីប្រាស់ថវិការបស់គម្រោងលេីកកម្ពស់ជីវភាពប្រជាជនក្រីក្រ ហៅកាត់ថាលាភ៕
![](https://i0.wp.com/orkunsantepheap.com/wp-content/uploads/2022/11/316673741_467691728838492_2148371205321930759_n.jpg?resize=1000%2C667&ssl=1)
![](https://i0.wp.com/orkunsantepheap.com/wp-content/uploads/2022/11/316545972_467691878838477_4507294460778579711_n.jpg?resize=1000%2C667&ssl=1)
![](https://i0.wp.com/orkunsantepheap.com/wp-content/uploads/2022/11/316667956_467692132171785_6949265653142810264_n.jpg?resize=1000%2C667&ssl=1)
![](https://i0.wp.com/orkunsantepheap.com/wp-content/uploads/2022/11/316665205_467691778838487_310554998649923334_n.jpg?resize=1000%2C667&ssl=1)
![](https://i0.wp.com/orkunsantepheap.com/wp-content/uploads/2022/11/316801323_467692098838455_7878122235607882209_n.jpg?resize=1000%2C667&ssl=1)
![](https://i0.wp.com/orkunsantepheap.com/wp-content/uploads/2022/11/316544084_467692148838450_6172743421285715612_n.jpg?resize=1000%2C667&ssl=1)