ឯកឧត្តម ឌិត ទីណា អញ្ជើញសម្ពោធដាក់ឲ្យប្រើប្រាស់ឃ្លាំងស្តុកស្រូវចំណីចំណុះ ១០០តោន នៅស្រុកតំបែរ
មានឃ្លាំងហើយ ត្រូវមានស្រូវដាក់ ដូច្នេះ យើងត្រូវតែរកស្រូវពូជដែលមានភាពសុទ្ធល្អ ដើម្បីដាំដុះបានទិន្នផលខ្ពស់ ហើយអង្ករមានគុណភាពសម្រាប់បរិភោគ។ អ្នកផលិតក៏ចំណេញ អ្នកកែច្នៃក៏ចំណេញ អ្នកបរិភោគ ក៏ទទួលទានហើយមានសុខភាពល្អ។
ប្រសាសន៍ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងពិធីសម្ពោធដាក់ឲ្យប្រើប្រាស់ឃ្លាំងស្តុកស្រូវចំណីចំណុះ ១០០តោននិងបើកការដ្ឋាផ្លូវក្រាលកៅស៊ូប្រវែង ៩,៧គ.ម ក្រោមគម្រោងខ្សែច្រវាក់ផលិតកម្មដោយភាតរបរិស្ថាននៃក្រសួងកសិកម្ម រុក្ខាប្រមាញ់ និងនេសាទ នៅសហគមន៍កសិកម្មតំបែររុងរឿង ភូមិត្រពាំងឬស្សី ឃុំតំបែរ ស្រុកតំបែរ ខេត្តត្បូងឃ្មុំ នារសៀលថ្ងៃអង្គារ ទី៤ ខែកក្កដា ឆ្នាំ២០២៣។
