នៅវេលាម៉ោង ៩ ព្រឹក ក្រុមហ៊ុន អ អិម អេ (ខេមបូឌា) បានរៀបចំកម្មវិធីដ៏ពិសេសមួយ ដើម្បីប្រគល់រថយន្ត Ford Everest ស៊េរីថ្មី ជូនដល់អតិថិជនជាង ២០០ គ្រឿង ក្នុងថ្ងៃតែមួយ។ រថយន្តដែលត្រូវបានប្រគល់ជូនរួមមាន Ford Everest Active, Ford Everest Sport និង Ford Everest Platinum។ កម្មវិធីប្រគល់រថយន្តដ៏ធំនេះ បានប្រព្រឹត្តទៅក្រោមបរិយាកាសដ៏សប្បាយរីករាយ និងពោរពេញដោយភាពអធិកអធម ដោយមានការចូលរួមពីសំណាក់ថ្នាក់ដឹកនាំក្រុមហ៊ុន ភ្ញៀវកិត្តិយស និងអតិថិជន Ford ជាច្រើនរូប ដែលបានអញ្ជើញមកទទួលរថយន្តថ្មីរបស់ខ្លួន។ ការប្រគល់រថយន្ត Ford Everest ជាង ២០០ គ្រឿងក្នុងថ្ងៃតែមួយនេះ គឺជាព្រឹត្តិការណ៍ដ៏សំខាន់មួយ ដែលឆ្លុះបញ្ចាំងពីការគាំទ្រ និងការជឿទុកចិត្តយ៉ាងខ្លាំងរបស់អតិថិជនមកលើ Ford Everest ក៏ដូចជាក្រុមហ៊ុន អ អិម អេ (ខេមបូឌា) ដែលជាអ្នកចែកចាយផ្លូវការរថយន្ត Ford នៅកម្ពុជា។ ព្រឹត្តិការណ៍ប្រគល់រថយន្ត Ford Everest ស៊េរីថ្មី មិនត្រឹមតែជាការប្រគល់រថយន្តថ្មីជូនអតិថិជនប៉ុណ្ណោះទេ ប៉ុន្តែក៏ជាការអបអរសាទរដល់អតិថិជន Ford ថ្មី និងជាការថ្លែងអំណរគុណចំពោះការជឿទុកចិត្ត និងការគាំទ្រដែលអតិថិជនតែងតែផ្តល់ជូន Ford និងក្រុមហ៊ុន អ អិម អេ (ខេមបូឌា)។

បន្ថែមពីលើកម្មវិធីប្រគល់រថយន្ត អតិថិជនក៏មានឱកាសចូលរួមបើកបរសាកល្បងរថយន្ត Ford Everest ស៊េរីថ្មី ដើម្បីទទួលបានបទពិសោធន៍ផ្ទាល់ពីសមត្ថភាពនៃការបើកបរ កម្លាំងម៉ាស៊ីន និងបច្ចេកវិទ្យាទំនើបៗដែលបំពាក់នៅលើរថយន្ត ដោយបើកបរឆ្លងកាត់ឧបសគ្គផ្សេងៗដូចជា ផ្លូវទួល ផ្លូវរលាក់ ផ្លូវឡើង/ចុះភ្នំ និងផ្លូវរាបស្មើរជាដើម។ ជាមួយគ្នានេះ កម្មវិធីក៏មានសកម្មភាពកម្សាន្ត និងល្បែងសប្បាយៗជាច្រើន ព្រមទាំងការផ្តល់កាដូ និងវត្ថុអនុស្សាវរីយ៍ជូនដល់អតិថិជន ដើម្បីធ្វើឱ្យថ្ងៃទទួលរថយន្តថ្មីរបស់ពួកគេកាន់តែពិសេស និងពោរពេញដោយអនុស្សាវរីយ៍ល្អៗ។

លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា)  បានមានប្រសាសន៍ថា៖ “ថ្ងៃនេះ គឺជាថ្ងៃដ៏ពិសេស និងមានមោទនភាពមួយសម្រាប់ក្រុមហ៊ុន RMA Cambodia ក្នុងការនាំយករថយន្ត Ford Everest ស៊េរីថ្មីចំនួន ៣ ម៉ូឌែល គឺ Everest Platinum, Everest Sport និង Everest Active។ ជាពិសេស Ford Everest Active គឺជាជម្រើសដ៏គួរឱ្យចាប់អារម្មណ៍ ដោយសារមានតម្លៃសមរម្យ និងមានសុវត្ថិភាពខ្ពស់ បើប្រៀបធៀបជាមួយរថយន្ត SUV ផ្សេងទៀតដែលមានទំហំប្រហាក់ប្រហែលគ្នា។ ទន្ទឹមនឹងនេះ រថយន្តនេះក៏បំពាក់មកជាមួយបច្ចេកវិទ្យាទំនើប និងមុខងារជាច្រើន ដែលផ្តល់ទាំងផាសុកភាព និងភាពងាយស្រួលក្នុងការប្រើប្រាស់។ អ្វីដែលកាន់តែពិសេសនោះ គឺក្នុងថ្ងៃនេះ យើងបានប្រគល់រថយន្តជាង ២០០ គ្រឿងជូនដល់អតិថិជនរបស់យើងផងដែរ។ នេះបង្ហាញពីការជឿទុកចិត្ត និងការគាំទ្រយ៉ាងខ្លាំងពីសំណាក់អតិថិជនចំពោះ Ford Everest។ ជាចុងក្រោយ ខ្ញុំសូមថ្លែងអំណរគុណយ៉ាងជ្រាលជ្រៅដល់បងប្អូនអតិថិជនទាំងអស់ ដែលតែងតែជឿទុកចិត្ត និងគាំទ្រ Ford ជាពិសេស Ford Everest។ ការគាំទ្ររបស់បងប្អូន គឺជាកម្លាំងដ៏សំខាន់ដែលជំរុញឱ្យយើងបន្តផ្តល់ជូននូវផលិតផល និងសេវាកម្មកាន់តែល្អប្រសើរជូនដល់អតិថិជននៅកម្ពុជា។”

លោក SAMI MALKAWI នាយកគ្រប់គ្រងប្រចាំតំបន់ទីផ្សារអាស៊ីប៉ាស៊ីហ្វិក នៃក្រុមហ៊ុន Ford Motor Company បានមានប្រសាសន៍ថា៖ “អស់រយៈពេល ៧ ឆ្នាំជាប់ៗគ្នា Ford បានក្លាយជាម៉ាកយីហ៊ោយានយន្តលេខមួយនៅកម្ពុជា។ នេះគឺជាសមិទ្ធផលដ៏អស្ចារ្យមួយ ហើយសមិទ្ធផលនេះជារបស់អ្នកទាំងអស់គ្នា។ ភាពជោគជ័យនេះកើតឡើងដោយសារការជឿទុកចិត្តរបស់អ្នកចំពោះ Ford ទាំងរថយន្តរបស់យើង សេវាកម្មរបស់យើង ក្រុមហ៊ុនចែកចាយរបស់យើង និងបុគ្គលិកដ៏ឆ្នើមដែលនៅពីក្រោយភាពជោគជ័យទាំងអស់នេះ។ ជាមួយនឹងម៉ូឌែលរថយន្ត Everest ថ្មីនេះ យើងនឹងបន្តឆ្ពោះទៅមុខជាមួយគ្នា ជាមួយ RMA ជាមួយអតិថិជនរបស់យើង និងជាមួយកម្ពុជា។”​

រថយន្ត Ford Everest គឺជារថយន្ត SUV ៧ កៅអី ដែលផលិតឡើងលើគ្រោងតួប្រភេទ Body-on-Frame និងប្រើប្រាស់ដែកថែបពិសេស ដែលផ្តល់នូវភាពរឹងមាំ ធន់ និងសុវត្ថិភាពខ្ពស់ក្នុងការបើកបរ សម្រាប់ New Ford Everest ស៊េរីថ្មី កាន់តែទំនើប និងប្រណីតជាងមុន ដោយគ្រប់ម៉ូឌែលទាំងអស់ត្រូវបានបំពាក់ជាមួយប្រអប់លេខអូតូ ១០ វគ្គ ដែលផ្តល់អោយការបើកបរកាន់តែរលូន និងសន្សំសំចៃខ្ពស់ និងបំពាក់ដោយអេក្រង់ Touchscreen ទំហំ ១២ អ៊ីញ ព្រមទាំងការអាប់ដេតថ្មីៗទាំងផ្នែកខាងក្រៅ និងខាងក្នុង ដើម្បីផ្តល់នូវផាសុកភាព និងបទពិសោធន៍បើកបរកាន់តែប្រសើរ ហើយ New Ford Everest ស៊េរីថ្មី មានជម្រើស ៣ ម៉ូឌែល រួមមាន Ford Everest Active, Ford Everest Sport និង Ford Everest Platinum ដែលជាម៉ូឌែលកំពូល ទំនើប និងប្រណីតបំផុតក្នុងត្រកូល Everest ។

ចំពោះ Ford Everest Active គឺជារថយន្ត 7 កៅអី លក្ខណៈគ្រួសារដែលមានតម្លៃសមរម្យ និងផ្តល់នូវផាសុកភាពសម្រាប់ការធ្វើដំណើរទាំងជិត និងឆ្ងាយ។ ម៉ូឌែលនេះត្រូវបានបំពាក់ដោយម៉ាស៊ីន 2.0L Turbo ដែលបង្កើតកម្លាំង​បាន 170PS និងកម្លាំងរមួល 405Nm និងប្រព័ន្ធជំនួយការបើកបរជាច្រើន ដូចជាប្រព័ន្ធផ្តល់សញ្ញាគ្រោះថ្នាក់ផ្នែកខាង​មុខ (Pre-Collision Warning) ​និងប្រព័ន្ធចាប់ហ្រ្វាំងបន្ទាន់ដោយស្វ័យប្រវត្តនៅពេលមានឧបសគ្គ (Automatic Emergency Braking) , ប្រព័ន្ធជំនួយលើដៃចង្កូត និងរក្សាគន្លង (Lane Keeping System), ប្រព័ន្ធចាប់ហ្រ្វាំងបន្ទាន់ដោយ​ស្វ័យប្រវត្ត ក្រោយពេលមានការប៉ះទង្គិច (Post-Impact Braking), ប្រព័ន្ធកំណត់ល្បឿន (Cruise Control) និងបច្ចេកវិទ្យាសុវត្ថិភាពផ្សេងៗទៀត។

សម្រាប់ Ford Everest Sport ក៏ត្រូវបានបំពាក់ដោយម៉ាស៊ីន 2.0L Turbo ដូចគ្នា ប៉ុន្តែបន្ថែមនូវបច្ចេកវិទ្យាទំនើបជាច្រើន រួមមានប្រព័ន្ធគ្រប់គ្រងការបើកបរគ្រប់ស្ថានភាពផ្លូវ (Drive Modes) និងប្រព័ន្ធកាប់ពីតាស់ សម្រាប់ជួយដល់ការបើកបរលើផ្លូវលំបាកកាន់តែមានភាពងាយស្រួល។ ផ្នែកខាងក្នុងត្រូវបានរចនាឡើងឲ្យមានភាពផាសុកភាពខ្ពស់ ដោយបំពាក់ពូកស្បែករចនាបែប Two Tone រំលេចដោយថ្នេរក្បាច់បែបស្ព័រ ហើយនឹងរចនាពណ៌ខ្មៅលាយជាមួយពណ៌ប្រផេះនៃរថយន្ត កាន់តែអំណាច កាន់តែស្ព័រ កាន់តែអស្ចារ្យ។ ក្រៅពីនេះ Ford Everest Sport ក៏មានបន្ថែមបំពាក់បន្ថែមនូវបច្ចេកវិទ្យាថ្មីៗដូចជា៖

• ប្រព័ន្ធកាមេរ៉ា 360 ដឺក្រេ បង្ហាញរូបភាពមួយជុំរថយន្ត
• ប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ (Pre-Collision Assist)
• ប្រព័ន្ធចាប់ហ្រ្វាំងបន្ទាន់ដោយស្វ័យប្រវត្តនៅពេលមានឧបសគ្គ (Automatic Emergency Braking) 
• ប្រព័ន្ធបន្ថយល្បឿន រក្សាគម្លាតសុវត្ថិភាព ឈប់ និង ទៅមុខដោយស្វ័យប្រវត្តតាមរថយន្តខាងមុខ និង តម្រង់គន្លងផ្លូវ ​ (Adaptive Cruise Control with Stop & Go and Lane Centering)
• ប្រព័ន្ធជំនួយលើដៃចង្កូត រំលឹកអ្នកបើកបរបើកក្នុងគន្លងត្រឹមត្រូវ និងតម្រង់គន្លងផ្លូវ (Lane Keeping Assist)
• ប្រព័ន្ធផ្តល់សញ្ញាគ្រោះថ្នាក់នៅពេលថយក្រោយ (Rear Cross Traffic Alert)
• ប្រព័ន្ធចាប់ហ្រ្វាំងបន្ទាន់ដោយស្វ័យប្រវត្តនៅពេលថយក្រោយ (Reverse Brake Assist)
• ប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត ក្រោយពេលមានការប៉ះទង្គិច (Post Impact Braking)
• ប្រព័ន្ធដាស់ស្មារតីអ្នកបើកបរពេលងងុយគេង ឬអស់កម្លាំង (Driver Alert)
• ប្រព័ន្ធផ្តល់ដំណឹងគ្រោះថ្នាក់ផ្នែកចំហៀងរថយន្ត (Blind-Spot Information System)
• សេនស័រជំនួយការចូលចត ទាំងមុខ ទាំងក្រោយ
• និងប្រព័ន្ធបច្ចេកវិទ្យាជាច្រើនទៀត។

ចំណែកឯម៉ូឌែលកំពូល Ford Everest Platinum ត្រូវបានបំពាក់ដោយម៉ាស៊ីនម៉ាស៊ូត 3.0L V6 Turbo ដែល​បង្កើត​កម្លាំងបាន 250PS និងកម្លាំងរមួល 600Nm ភ្ជាប់ជាមួយចង្កឹះលេខអេឡិចត្រូនិច (E-Shifter) ដែលដំណើរការយ៉ាងរលូន និងងាយស្រួលក្នុងការប្រើប្រាស់។ ផ្នែកខាងក្រៅ គឺមានរចនាខាងមុខដ៏ពិសេសសម្រាប់ម៉ូឌែល “Platinum” ដែលមានបំពាក់ដោយ Silk Chrome នៅក្នុងប៉ាណានៃរថយន្ត ហើយផុស​ជា​លក្ខណៈ 3D ដែលកាន់តែអំណាច និងឆើតឆាយយ៉ាងលេចធ្លោ រហូតដល់កំបូលរថយន្តមានអក្សរ “Platinum” រចនាបែបអណ្ដែត រួមជាមួយនឹងយ៉ាន់ 21អ៊ីញ រចនាថ្មី ដែលនាំអោយរូបរាងកាន់តែប្រណីត និងស៊ីវិល័យ សមស្របជាមួយស្តង់ដាររថយន្តលំដាប់អភិជន។ ផ្នែកខាងក្នុងមានការតុបតែងដោយ​ពូកស្បែកគុណភាពខ្ពស់ រំលេចដោយថ្នេរពណ៌ទឹកប្រាក់ ក្បាច់​រចនា​បែបប្រណីត និងមានស្លាក “Platinum” នៅលើ​​កៅអី ដែលបង្ហាញពីអត្តសញ្ញាណដ៏ល្អឥតខ្ចោះ និងឧត្តមភាព​នៃម៉ូឌែលកំពូលនេះ ហើយក៏មានបំពាក់មក​នូវមុខងារ​កៅ​អី​ក្តៅ/ត្រជាក់​ និងមុខងារ​កំណត់អង់ចងចាំកៅអី (Memory Seat) ចំនួន 3 Sets សម្រាប់កៅអីខាងមុខ​ដែលងាយ​ស្រួលក្នុងការប្តូរសមាជិកបើកបរ​ក្នុង​គ្រួសារ ហើយកៅអីជួរទី2 ក៏មានក្បាច់រថយន្តលក្ខណៈ Premium នឹងមានបំពាក់មក​ជាមួយ​មុខងារកៅអីកម្តៅផងដែរ។​

សម្រាប់រថយន្ត Ford Everest Active ស៊េរីថ្មី មានតម្លៃ $49,900 ដោយមានជម្រើសពណ៌ស ពណ៌ប្រផេះ ពណ៌​ទឹកប្រាក់ និងពណ៌ខ្មៅ រីឯរថយន្ត Ford Everest Sport ស៊េរីថ្មី មានតម្លៃ $59,800 ដោយមាន​ជម្រើសពណ៌​ប្រផេះ​ស្ងួត ពិសេស និងរថយន្ត Ford Everest Platinum ស៊េរីថ្មី​​ មានតម្លៃ $69,900  ដោយមានជម្រើសពណ៌បៃតង ពិសេស ដើម្បីជាជម្រើសដល់អតិថិជន សូមទំនាក់ទំនងផ្នែកលក់ Ford Cambodia 078 333 748 ឬតាមសាខានីមួយៗ៖ 

• សាខាព្រះមុនីវង្ស 078 999 773​ 
• សាខាទឹកថ្លា 095 939 939 
• សាខាទូលសង្កែ 078 935 935 
• សាខាជ្រោយចង្វារ 017 999 027 
• សាខាភ្នំពេញថ្មី 011 255 229 ឬ 077 722 999 
• សាខាបឹងបៃតង 099 999 747 
• សាខាមានជ័យ 077 666 856 
• សាខាផ្លូវ 2004 098 777 033 ឬ 089 777 033
• សាខាខេត្តសៀមរាប 077 666 357 ឬ 088 9 666 357 
• សាខាខេត្តកំពង់ចាម 078 999 883 ឬ 088 3 999 883 

The post ក្រុមហ៊ុន RMA Cambodia បានរៀបចំកម្មវិធីសម្ពោធជាផ្លូវការ និងប្រគល់រថយន្ត Ford Everest ជូនអតិថិជនប្រមាណជាង ២០០​គ្រឿង! appeared first on អរគុណសន្តិភាព.

នៅក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី២៤ ខែកក្កដា សម្ដេចធិបតីបានគូសបញ្ជាក់ថា ដើម្បីឱ្យសេដ្ឋកិច្ចជាតិមានភាពរឹងមាំ កម្ពុជាចាំបាច់ត្រូវពង្រឹងសមត្ថភាពខ្លួនឯង ជាពិសេសជំរុញការផលិតក្នុងស្រុកឱ្យបានកាន់តែច្រើន។

កំណែទម្រង់គន្លឹះ ២ ចំណុចលើក្រុមប្រឹក្សាអភិវឌ្ឍន៍កម្ពុជា (CDC)

ដើម្បីឆ្លើយតបទៅនឹងបញ្ហានេះ រាជរដ្ឋាភិបាលនឹងដាក់ចេញនូវកំណែទម្រង់សំខាន់ៗចំនួន២ រួមមាន៖

1. ធ្វើវិសោធនកម្មច្បាប់ និងរៀបចំ CDC ឡើងវិញ៖ ធ្វើការវាយតម្លៃ និងកែសម្រួលលិខិតបទដ្ឋានគតិយុត្ត ដើម្បីឆ្លើយតបទៅនឹងបរិបទសេដ្ឋកិច្ចបច្ចុប្បន្ន។
2. បង្កើនប្រសិទ្ធភាព និងទម្ងន់ការងារអនុវត្ត៖ កាត់បន្ថយនីតិវិធីស្មុគស្មាញ និងរៀបចំយន្តការ «ច្រកចេញ-ចូលតែមួយ»។

សម្ដេចធិបតីបានលើកឡើងពីចក្ខុវិស័យបែបឌីជីថលថា៖

«ឥឡូវនេះ មនុស្សកាន់ឯកសាររត់ទៅរកស្ថាប័ន ប៉ុន្តែបន្តិចទៀត អត់មានមនុស្សកាន់ឯកសាររត់ទៅស្ថាប័នទេ… មនុស្សមកតែមួយកន្លែងគត់ ហើយឯកសារត្រូវរត់ទៅស្ថាប័នខ្លួនឯង តាមបណ្ដាញ Online»។

ការប្ដេជ្ញាចិត្ត «មូរដៃអាវ» ដោះស្រាយបញ្ហាជូនប្រជាពលរដ្ឋ

ឆ្លើយតបនឹងមតិយោបល់របស់ប្រជាពលរដ្ឋ និងផ្នែកឯកជន សម្ដេចធិបតីបានបញ្ជាក់ពីជំហរយ៉ាងម៉ឺងម៉ាត់ក្នុងការជួយសម្រួលដល់សហគ្រិនក្នុងស្រុក៖

«ឥឡូវខ្ញុំមូរដៃអាវពីរ គឺដោះស្រាយរឿងព្រំដែន ហើយចូលវ៉ៃរឿង Scam តែឥឡូវរឿង SME នេះខ្ញុំមូរដៃអាវដែរហើយ… បើយើងគង់តែដោះ កុំចាំយូរ! ខ្ញុំនឹងចូលដើម្បីជំរុញ និងបង្កើនប្រសិទ្ធភាពការងារនេះ»។

សម្ដេចធិបតីក៏បានបន្ថែមថា ការ «មូរដៃអាវ» នេះ មិនមែនទៅធ្វើការជំនួសក្រសួង-ស្ថាប័ននោះទេ ប៉ុន្តែគឺដើម្បីជួយតម្រង់ទិស ជំរុញការងារ និងរៀបចំឱ្យមានអង្គភាពសម្របសម្រួលរួមមួយ ដែលអាចស្ថិតនៅក្រោម CDC ឬស្ថាប័នពាក់ព័ន្ធ ដើម្បីធានាថាការងារដំណើរការទៅដោយរលូន។

បញ្ជាដាច់ខាត៖ កាត់បន្ថយការសុំច្បាប់ច្រើនកន្លែង និងបង្ក្រាបទំនិញក្លែងក្លាយ

យោងតាមសេចក្តីប្រកាសព័ត៌មាននៃកិច្ចប្រជុំគណៈរដ្ឋមន្ត្រី សម្ដេចធិបតីបានណែនាំឱ្យគ្រប់ក្រសួង និងស្ថាប័នពាក់ព័ន្ធ៖

• សម្រួលនីតិវិធីចុះបញ្ជី៖ ធ្វើការសហការគ្នារវាងស្ថាប័ន និងស្ថាប័ន ដើម្បីកាត់បន្ថយដំណាក់កាលដែលតម្រូវឱ្យសហគ្រិនទៅសុំច្បាប់ច្រើនកន្លែង។
• ការពារទីផ្សារក្នុងស្រុក៖ បង្កើនប្រសិទ្ធភាពនៃការប្រយុទ្ធប្រឆាំង និងបង្ក្រាបផលិតផលក្លែងក្លាយ ដើម្បីការពារផលប្រយោជន៍ និងទំនុកចិត្តរបស់អាជីវករក្នុងស្រុក។

សម្ដេចនាយករដ្ឋមន្ត្រីបានគូសបញ្ជាក់ចុងក្រោយថា សម្ដេចនឹងតាមដានវឌ្ឍនភាពនៃការងារកំណែទម្រង់ SME នេះដោយផ្ទាល់ ដើម្បីធានាឱ្យបាននូវលទ្ធផលជាវិជ្ជមាន និងទាន់ពេលវេលា៕

The post សម្ដេចធិបតី ហ៊ុន ម៉ាណែត ប្រកាស «មូរដៃអាវ» ដោះស្រាយបញ្ហា SME និងធ្វើកំណែទម្រង់នីតិវិធីចុះបញ្ជីឱ្យកាន់តែលឿន appeared first on អរគុណសន្តិភាព.

ក្នុងជំនួបនោះ លោកប្រធានក្រុមហ៊ុនបានគោរពជម្រាបជូនសម្តេចធិបតី អំពីវឌ្ឍនភាពអាជីវកម្មរបស់ខ្លួន ដែលបានបោះទុនវិនិយោគនៅកម្ពុជាតាំងពីឆ្នាំ២០Grid លើវិស័យកសិកម្ម ដោយផ្តោតលើការដាំដុះស្វាយចន្ទី និងការអភិវឌ្ឍសួនឧស្សាហកម្ម។ ជាមួយគ្នានេះ លោកប្រធានក្រុមហ៊ុនបានប្រកាសពីបំណងយុទ្ធសាស្ត្រក្នុងការ «ពង្រីកការវិនិយោគបន្ថែមលើវិស័យសក្តានុពល ពិសេសវិស័យថាមពលកកើតឡើងវិញ» ដើម្បីចូលរួមចំណែកអភិវឌ្ឍសង្គម-សេដ្ឋកិច្ចកម្ពុជាក្នុងយុគសម័យថ្មី។

ជាការឆ្លើយតប សម្តេចធិបតី ហ៊ុន ម៉ាណែត បានសម្តែងការវាយតម្លៃខ្ពស់ និងស្វាគមន៍យ៉ាងកក់ក្តៅចំពោះផែនការពង្រីកការវិនិយោគនេះ ដោយបានលើកទឹកចិត្តឱ្យក្រុមហ៊ុនបន្តពិភាក្សាជាមួយក្រសួង-ស្ថាប័នពាក់ព័ន្ធ ដើម្បីប្រែក្លាយឱកាសទាំងនេះឱ្យលេចចេញជាផ្លែផ្កាជាក់ស្តែង។

បន្ថែមពីលើនេះ សម្តេចធិបតីបានលើកទឹកចិត្តជាពិសេសឱ្យក្រុមហ៊ុន ពិនិត្យលទ្ធភាពពង្រីកការវិនិយោគលើវិស័យកសិកម្ម និងកសិ-ឧស្សាហកម្ម នៅតំបន់ភូមិភាគឦសាននៃប្រទេសកម្ពុជា ដោយផ្អែកលើបទពិសោធ និងឧត្តមភាពរបស់ក្រុមហ៊ុនលើការដាំដុះស្វាយចន្ទីកន្លងមក។ សម្តេចនាយករដ្ឋមន្ត្រីក៏បានបញ្ជាក់ជូនក្រុមហ៊ុនអំពី គោលនយោបាយគាំទ្រ និងការលើកទឹកចិត្តយ៉ាងទូលំទូលាយពីរាជរដ្ឋាភិបាល សម្រាប់រាល់ការវិនិយោគកសិកម្មនៅក្នុងតំបន់ភូមិភាគឦសាននេះផងដែរ៕

The post សម្តេចធិបតី ហ៊ុន ម៉ាណែត លើកទឹកចិត្តក្រុមហ៊ុន Shandong ពង្រីកការវិនិយោគកសិ-ឧស្សាហកម្ម នៅភូមិភាគឦសាន appeared first on អរគុណសន្តិភាព.

ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងក្រោយជំនួបថា លោកជំទាវឯកអគ្គរដ្ឋទូត បានសម្តែងនូវការដឹងគុណយ៉ាងជ្រាលជ្រៅចំពោះសម្តេចតេជោ និងបានគូសបញ្ជាក់ថា ក្នុងអាណត្តិការទូតរបស់លោកជំទាវ ទំនាក់ទំនងទ្វេភាគីមានការរីកចម្រើនយ៉ាងខ្លាំង តាមរយៈការផ្លាស់ប្ដូរទស្សនកិច្ចញឹកញាប់របស់ថ្នាក់ដឹកនាំកំពូល ទាំងដំណើរទស្សនកិច្ចរបស់ប្រធានាធិបតីហ្វីលីពីនមកកម្ពុជា និងដំណើរទស្សនកិច្ចរបស់សម្តេចធិបតី ហ៊ុន ម៉ាណែត ទៅកាន់ប្រទេសហ្វីលីពីន។ ទន្ទឹមនឹងនេះ វិស័យសេដ្ឋកិច្ច ពាណិជ្ជកម្ម និងការវិនិយោគ ក៏កំពុងបោះជំហានទៅមុខ រួមទាំងការផ្សារភ្ជាប់ទំនាក់ទំនងរវាងប្រជាជន និងប្រជាជនយ៉ាងសកម្ម ដែលក្នុងនោះហ្វីលីពីនបង្ហាញការចាប់អារម្មណ៍ខ្ពស់លើផលិតផលកសិកម្មរបស់កម្ពុជា។

ជាការឆ្លើយតប សម្ដេចតេជោ ហ៊ុន សែន បានសម្តែងការពេញចិត្ត និងបង្ហាញសុទិដ្ឋិនិយមខ្ពស់ចំពោះវឌ្ឍនភាពនេះ ដោយសម្តេចបានចាត់ទុកថា «វិស័យសេដ្ឋកិច្ច និងពាណិជ្ជកម្ម គឺជាស្នូលនៃទំនាក់ទំនងរវាងកម្ពុជា និងហ្វីលីពីន»។ ជាមួយគ្នានេះ សម្តេចសង្ឃឹមថាការនាំចេញកសិផល ជាពិសេសគឺអង្ករកម្ពុជាទៅកាន់ទីផ្សារហ្វីលីពីន នឹងបន្តកើនឡើង ព្រមទាំងបានជំរុញឱ្យមានការបង្កើនជើងហោះហើរត្រង់បន្ថែមទៀត ដើម្បីជម្រុញវិស័យទេសចរណ៍ និងចំណងមិត្តភាពប្រជាជនទាំងពីរ។

ក្រៅពីកិច្ចសហប្រតិបត្តិការទ្វេភាគី សម្តេចតេជោ ក៏បានពន្យល់ពីបញ្ហាព្រំដែនកម្ពុជា-ថៃ ដោយបញ្ជាក់ជាថ្មីនូវជំហរដាច់ខាតរបស់កម្ពុជា គឺការប្រកាន់យកគោលការណ៍ដោះស្រាយដោយសន្តិវិធី ឈរលើច្បាប់អន្តរជាតិ និងយន្តការទ្វេភាគីដែលមានស្រាប់។ ជាការឆ្លើយតប លោកជំទាវបានបញ្ជាក់ថា ក្នុងនាមហ្វីលីពីនជាប្រធានអាស៊ាន នឹងខិតខំប្រឹងប្រែងជួយជំរុញការដោះស្រាយជម្លោះព្រំដែននេះដោយសន្តិវិធីផងដែរ។ នាកិច្ចបញ្ចប់ សម្តេចតេជោ បានប្រសិទ្ធពរជ័យជូនលោកជំទាវអគ្គរដ្ឋទូត ឱ្យទទួលបានជោគជ័យក្នុងភារកិច្ចថ្មីៗជាបន្តបន្ទាប់៕

The post សម្តេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតហ្វីលីពីន ចូលជួបជម្រាបលា និងជម្រុញស្នូលសេដ្ឋកិច្ចទ្វេភាគី appeared first on អរគុណសន្តិភាព.

ក្នុងជំនួបនោះ លោកអនុប្រធានក្រុមហ៊ុនបានគោរពជម្រាបជូន សម្តេចធិបតី ពីវឌ្ឍនភាពអាជីវកម្មរបស់ Haier Group ដែលជាក្រុមហ៊ុនឈានមុខគេលើសកលលោក ក្នុងការផលិតឧបករណ៍សម្រាប់ការរស់នៅឆ្លាតវៃ និងបរិវត្តកម្មឌីជីថល ដោយបច្ចុប្បន្នមានប្រតិបត្តិការជាង ៦០ប្រទេស និងមានអ្នកប្រើប្រាស់ប្រមាណ ៤៤លាននាក់។ ជាមួយគ្នានេះ លោកបានប្រកាសពីផែនការវិនិយោគថ្មី ដោយក្រុមហ៊ុនបានចាប់ដៃគូជាមួយក្រុមហ៊ុនក្នុងស្រុក ដើម្បីបង្កើតរោងចក្រដំឡើងឧបករណ៍ថេប្លេត (Tablet) ដំបូងគេនៅកម្ពុជា ក្នុងគោលបំណងផ្តល់នូវឧបករណ៍អេឡិចត្រូនិកដែលមានតម្លៃសមរម្យ ជូនដល់សិស្ស-និស្សិត និងអ្នកសេដ្ឋកិច្ចក្រៅប្រព័ន្ធ ដើម្បីពង្រីកការប្រើប្រាស់សម្ភារៈឌីជីថល និងការសិក្សាពីចម្ងាយ។

ជាការឆ្លើយតប សម្ដេចធិបតី ហ៊ុន ម៉ាណែត បានសម្តែងការអបអរសាទរចំពោះភាពជោគជ័យរបស់ក្រុមហ៊ុន និងបានគូសបញ្ជាក់ថា រាជរដ្ឋាភិបាលកម្ពុជាតែងតែយកចិត្តទុកដាក់ និងផ្តល់គោលនយោបាយលើកទឹកចិត្តជាច្រើន ដើម្បីគាំទ្រដល់ក្រុមហ៊ុនវិវិយោគ។ សម្តេចធិបតី បានវាយតម្លៃខ្ពស់ និងសម្តែងការស្វាគមន៍យ៉ាងខ្លាំងចំពោះគម្រោងផលិតថេប្លេតតម្លៃសមរម្យនេះ ដែលនឹងរួមចំណែកយ៉ាងសំខាន់ក្នុងការជំរុញបរិវត្តកម្មឌីជីថលក្នុងវិស័យអប់រំ និងការអភិវឌ្ឍធនធានមនុស្សនៅកម្ពុជា។ បន្ថែមលើនេះ សម្តេចបានលើកទឹកចិត្តឱ្យក្រុមហ៊ុនបន្តកិច្ចសហប្រតិបត្តិការជិតស្និទ្ធជាមួយដៃគូក្នុងស្រុក និងក្រសួង-ស្ថាប័នពាក់ព័ន្ធ ដើម្បីចាប់យកអត្ថប្រយោជន៍ពីគោលនយោបាយលើកទឹកចិត្តនានា ក្នុងការជំរុញ និងពង្រីកការវិនិយោគរបស់ខ្លួនបន្ថែមទៀតនៅកម្ពុជា៕

The post ក្រុមហ៊ុនយក្សចិន Haier Group ចាប់ដៃគូបង្កើតរោងចក្រដំឡើង Tablet ដំបូងគេនៅកម្ពុជា appeared first on អរគុណសន្តិភាព.

សូមបញ្ជាក់ថា ក្រុមហ៊ុន China Energy International គឺជាសហគ្រាសខ្នាតយក្សឈានមុខគេមួយរបស់ប្រទេសចិន លើវិស័យវិស្វកម្ម ថាមពល និងការកសាងហេដ្ឋារចនាសម្ព័ន្ធ។ ប្រតិបត្តិការអាជីវកម្មចម្បងរបស់ក្រុមហ៊ុន គ្របដណ្តប់លើវិស័យថាមពលកកើតឡើងវិញ និងថាមពលបៃតង វារីអគ្គិសនី ថាមពលដើរដោយធ្យូងថ្ម ព្រមទាំងការកសាងហេដ្ឋារចនាសម្ព័ន្ធទូទៅ ដូចជា ផ្លូវថ្នល់ ស្ពាន ប្រព័ន្ធធារាសាស្ត្រ និងរោងចក្រចម្រោះទឹកស្អាតផងដែរ៕

The post សម្តេចធិបតី ហ៊ុន ម៉ាណែត ទទួលជួបពិភាក្សាការងារជាមួយប្រធានក្រុមហ៊ុនថាមពលយក្សចិន China Energy International appeared first on អរគុណសន្តិភាព.

សូមបញ្ជាក់ថា ក្រុមហ៊ុន CRCC គឺជាសហគ្រាសសំណង់ និងវិស្វកម្មដ៏ធំបំផុតមួយរបស់សាធារណរដ្ឋប្រជាមានិតចិន ក៏ដូចជាលើសកលលោក។ ក្រុមហ៊ុនលំដាប់ពិភពលោកមួយនេះ ធ្វើប្រតិបត្តិការអាជីវកម្មគ្របដណ្តប់លើវិស័យហេដ្ឋារចនាសម្ព័ន្ធយុទ្ធសាស្ត្រធំៗជាច្រើន រាប់ចាប់តាំងពីការសាងសង់ផ្លូវរថភ្លើងល្បឿនលឿន ផ្លូវល្បឿនលឿន ស្ពាន ផ្លូវក្រោមដី ប្រព័ន្ធរថភ្លើងក្រោមដី រហូតដល់កំពង់ផែ។

បន្ថែមលើនេះ ក្រុមហ៊ុន CRCC ក៏ជាអ្នកផ្តល់សេវាកម្មប្រឹក្សាយោបល់ និងរចនាប្លង់បច្ចេកវិទ្យាកម្រិតខ្ពស់ ព្រមទាំងជាក្រុមហ៊ុនឈានមុខគេក្នុងការផលិតគ្រឿងចក្រធុនធ្ងន់សម្រាប់បម្រើឱ្យការសាងសង់ រួមមានម៉ាស៊ីនខួងផ្លូវក្រោមដីខ្នាតយក្ស និងបរិក្ខារផ្លូវរថភ្លើងទំនើបៗផងដែរ៕

The post សម្តេចធិបតី ហ៊ុន ម៉ាណែត ទទួលជួបពិភាក្សាការងារជាមួយប្រធានក្រុមហ៊ុនហេដ្ឋារចនាសម្ព័ន្ធយក្សចិន CRCC appeared first on អរគុណសន្តិភាព.

ក្នុងសារលិខិតនោះ សម្តេចតេជោប្រធានព្រឹទ្ធសភា បានសម្តែងនូវការអបអរសាទរយ៉ាងកក់ក្តៅបំផុត និងសូមថ្វាយព្រះពរជ័យអស់ពីដួងចិត្ត ព្រមទាំងបានសម្តែងនូវការកោតសរសើរ និងវាយតម្លៃខ្ពស់ចំពោះព្រះរាជកិច្ចដឹកនាំដ៏ឈ្លាសវៃ និងការលះបង់ពេញមួយជីវិតរបស់ព្រះអង្គ ដើម្បីសុខុមាលភាព វិបុលភាព និងសុខដុមរមនារបស់ប្រទេស និងប្រជាជនប្រ៊ុយណេ។

សម្តេចតេជោ បានគូសបញ្ជាក់ថា ព្រះរាជវិភាគទានដ៏ឧត្តុង្គឧត្តមរបស់ព្រះអង្គ បានលើកកម្ពស់កិត្យានុភាពរបស់ប្រទេសប្រ៊ុយណេនៅលើឆាកអន្តរជាតិ។ ជាមួយគ្នានេះ ព្រះរាជសកម្មភាពខិតខំប្រឹងប្រែងរបស់ព្រះអង្គ ក៏បានដើរតួនាទីយ៉ាងសំខាន់ក្នុងការរឹតចំណងមិត្តភាព និងកិច្ចសហប្រតិបត្តិការដ៏ជិតស្និទ្ធ ប្រកបដោយផ្លែផ្ការវាងប្រទេស និងប្រជាជនទាំងពីរ។

សម្តេចតេជោ ហ៊ុន សែន ក៏បានបង្ហាញនូវការទន្ទឹងរង់ចាំធ្វើការងារយ៉ាងជិតស្និទ្ធជាមួយព្រះអង្គ ដើម្បីបន្តពង្រឹងមិត្តភាព និងទំនាក់ទំនងទ្វេភាគីឱ្យកាន់តែស៊ីជម្រៅបន្ថែមទៀត សម្រាប់ផលប្រយោជន៍ទៅវិញទៅមក និងបានថ្វាយព្រះពរជ័យជូនព្រះចៅស៊ុលតង់ សូមមានព្រះសុខភាពល្អបរិបូរ ព្រះជន្មាយុយឺនយូរ និងទទួលបានជោគជ័យជានិរន្តរ៍ក្នុងការបំពេញព្រះរាជកិច្ចដ៏ឧត្តុង្គឧត្តម៕

The post សម្តេចតេជោ ហ៊ុន សែន ថ្វាយសារលិខិតអបអរសាទរ ព្រះមហាក្សត្រប្រ៊ុយណេ ក្នុងឱកាសបុណ្យចម្រើនព្រះជន្ម ៨០ព្រះវស្សា appeared first on អរគុណសន្តិភាព.

សូមបញ្ជាក់ថា ក្រុមហ៊ុន CHINALCO គឺជាសហគ្រាសផលិតអាលុយមីញ៉ូមដ៏ធំបង្អស់មួយរបស់ប្រទេសចិន និងជាក្រុមហ៊ុនឈានមុខគេលើសកលលោក ដែលមានប្រតិបត្តិការគ្របដណ្តប់លើខ្សែច្រវាក់ផលិតកម្មលោហៈទាំងស្រុង រាប់ចាប់តាំងពីការរុករក ការធ្វើអាជីវកម្មរ៉ែ ការកែច្នៃផលិតផលសម្រេច រហូតដល់ការផ្តល់សេវាកម្មវិស្វកម្ម និងបច្ចេកទេសលំដាប់ខ្ពស់៕

The post សម្តេចធិបតី ហ៊ុន ម៉ាណែត ទទួលជួបពិភាក្សាការងារជាមួយប្រធានក្រុមហ៊ុនផលិតអាលុយមីញ៉ូមយក្សរបស់ចិន CHINALCO appeared first on អរគុណសន្តិភាព.

ចំណុចសំខាន់នៃកិច្ចសហប្រតិបត្តិការ៖

• ការចុះហត្ថលេខា៖ ពិធីនេះត្រូវបានធ្វើឡើងក្រោមវត្តមានរបស់ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា និងឯកឧត្តម អ៊ូអិណូ អាត់ស៊ូហ្ស៊ី ឯកអគ្គរាជទូតជប៉ុនប្រចាំកម្ពុជា។
• គោលបំណងនៃគម្រោង៖ ផ្តល់ឱកាសដល់មន្ត្រីរាជការវ័យក្មេងកម្ពុជា ក្នុងការបន្តការសិក្សាថ្នាក់អនុបណ្ឌិត និងបណ្ឌិត នៅតាមសាកលវិទ្យាល័យល្បីៗក្នុងប្រទេសជប៉ុន ដើម្បីរួមចំណែកដល់ការអភិវឌ្ឍធនធានមនុស្សនៅកម្ពុជា។
• ការពង្រឹងទំនាក់ទំនង៖ ជំនួយនេះមិនត្រឹមតែជួយដល់ការអភិវឌ្ឍសេដ្ឋកិច្ច-សង្គមប៉ុណ្ណោះទេ ប៉ុន្តែថែមទាំងជួយលើកកម្ពស់ «ភាពជាដៃគូយុទ្ធសាស្ត្រគ្រប់ជ្រុងជ្រោយ» រវាងប្រទេសទាំងពីរឱ្យកាន់តែរឹងមាំបន្ថែមទៀត។

The post កម្ពុជា-ជប៉ុន ចុះហត្ថលេខាលើជំនួយឥតសំណងជិត ៣លានដុល្លារ ដើម្បីអភិវឌ្ឍធនធានមនុស្ស appeared first on អរគុណសន្តិភាព.