អភិបាលខេត្ត​ពោធិ៍សាត់ អញ្ជើញ​បន្ត​ចុះ​ពិនិត្យ​ដំណើរការ​សាងសង់ និង​ព​ន្លឿ​ន​ការសាងសង់​ហេដ្ឋារចនាសម្ព័ន្ធ នៅ​ទីតាំង​សម្បទាន​ដី​សង្គមកិច្ច ស្ថិតក្នុង​ភូមិ​ប៊ុន​រ៉ា​សែន​ជ័យ​ដំណាក់​ត្រ​យឹ​ង ឃុំ​ព្រ​ងិ​ល ស្រុក​ភ្នំក្រវាញ

ចាន់ មករា Avatar

ពោធិ៍សាត់៖ លំនៅដ្ឋាន ជា​អំណោយ​របស់​កាកបាទក្រហម​កម្ពុជា ដែល​ត្រូវ​ស្ថាបនា និង​ផ្តល់ជូន​អតីតយុទ្ធជន​ក្រីក្រ និង​ពិការភាព ក្នុង​ខេត្តពោធិ៍សាត់ ចំនួន៦២៨គ្រួសារ/៦២៨ខ្នង នៅ​ទីតាំង​សម្បទាន​ដី​សង្គមកិច្ច ស្ថិតក្នុង​ភូមិ​ប៊ុន​រ៉ា​សែន​ជ័យ​ដំណាក់​ត្រ​យឹ​ង ឃុំ​ព្រ​ងិ​ល ស្រុក​ភ្នំក្រវាញ គិត​មកទល់ពេលនេះ សាងសង់​រួចរាល់១០៥ខ្នង​ហើយ និង២៥ខ្នង​ទៀត​កំពុង​សាងសង់​បន្ត ក្នុង​តំបន់​A លើ​គម្រោង១៥០ខ្នង (ជំហាន២)។

ជាក់ស្តែង​នា​ថ្ងៃទី២៣ ខែមិថុនា ឆ្នាំ២០២១នេះ ឯកឧត្តម ម៉ៅ ធនិន អភិបាល​នៃ​គណៈ​អភិបាលខេត្ត​ពោធិ៍សាត់ និង​ជា​ប្រធានកិត្តិយស​សមាគម​អតីតយុទ្ធជន​ខេត្ត បាន​បន្ត​ចុះ​ពិនិត្យ​ដំណើរការ​សាងសង់​ផ្ទះ និង​ទីតាំង​ដែល​ត្រូវ​សាងសង់​មណ្ឌល​សុខភាព, សាលារៀន ព្រមទាំង​ដាក់​ផែនការ​មួយចំនួន​ដល់​មន្ត្រី​ប្រចាំការ ដើម្បី​ព​ន្លឿ​ន​ការសាងសង់​ហេដ្ឋារចនាសម្ព័ន្ធ​នៅ​ទីនោះ ឱ្យបាន​លេចចេញ​ជា​រូបរាង​ឡើង ក្នុងពេល​ដ៏​ខ្លី​ខាងមុខ។

គួរ​បញ្ជាក់ថា ទីតាំង​សម្បទាន​ដី​សង្គមកិច្ច​ខាងលើនេះ ត្រូវបាន​ចាប់ឆ្នោត​ប្រគល់ជូន​ដល់​អតីត​កងកម្លាំងប្រដាប់អាវុធ និង​គ្រួសារ​ក្នុង​ខេត្តពោធិ៍សាត់ ចំនួន៦២៨គ្រួសារ រួចរាល់​ហើយ កាលពី​ថ្ងៃទី២១ ខែមករា ឆ្នាំ២០២១កន្លងទៅ ដោយ​ក្នុង​មួយ​គ្រួសារ​ទទួលបាន​ដី (លំនៅដ្ឋាន និង​ដី​កសិកម្ម) ទំហំ៧០គុណ១៥០ម៉ែត្រ។ ដោយ​ពិនិត្យឃើញ​ពី​ការលំបាក​របស់​អតីតយុទ្ធជន និង​គ្រួសារ ឯកឧត្តម​ទេសរដ្ឋមន្ត្រី គន់ គីម អនុប្រធាន និង​ជា​អគ្គលេខាធិការ​សមាគម​អតីតយុទ្ធជន​កម្ពុជា បានធ្វើ​សំណើ​គោរព​ចូលមក​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា ដើម្បី​ដោះស្រាយ​ការលំបាក​របស់​ពួកគាត់ ដោយ​សម្តេច​បានសម្រេច​ផ្តល់​ដី​សម្បទាន​សង្គមកិច្ច​នៅ​ទីតាំង​ខាងលើ។ ទន្ទឹមនឹងនោះ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា រួមទាំង​សប្បុរសជន បានទទួល​រ៉ាប់រង​ក្នុងការ​សាងសង់​ផ្ទះ​ជូន ដែល​បច្ចុប្បន្ន​សាងសង់​បាន១០៥ខ្នង​ហើយ (ក្នុងនោះ៥០ខ្នង ត្រូវបាន​ប្រគល់-ទទួល ជំហាន១ កាលពី​ថ្ងៃទី១២ ខែមិថុនា ឆ្នាំ២០២១កន្លងទៅ)។

ការផ្តល់ជូន​សម្បទាន​ដី​សង្គមកិច្ច និង​ផ្ទះ​ខាងលើនេះ គឺជា​ការមើលឃើញ​ពី​ពលី​កម្ម​ដ៏​ធំធេង របស់​អតីតយុទ្ធជន​ពី​សំណាក់​សម្តេច​តេ​ជោ​ប្រមុខ​រាជរដ្ឋាភិបាល​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ក៏ដូចជា​រដ្ឋបាលខេត្ត ដែល​ពួកគេ​បាន​ខិតខំ​បំពេញបេសកកម្ម​ការពា​រ​ជាតិ​មាតុភូមិ រហូត​ទទួលបាន​សុខសន្តិភាព​មកដល់​ស​ព្វ​ថ្ងៃ។

បច្ចុប្បន្ននេះ​ដំណើរការ​សាងសង់​ផ្ទះ និង​ហេដ្ឋារចនាសម្ព័ន្ធ​នៅ​ទីនោះ បាន​នឹង​កំពុងដំណើរការ​យ៉ាង​យកចិត្តទុកដាក់​ពី​គ្រប់ភាគី​ពាក់ព័ន្ធ ដែល​ក្នុងនោះ​រួមមាន មណ្ឌល​សុខភាព សាលារៀន ផ្លូវ អណ្តូង និង​ត្រួសត្រាយ​ដី​រៀបចំ​ភូមិឋាន​ជាដើម។

អតីតយុទ្ធជន និង​គ្រួសារ ដែល​បាន​ចូលមក​រស់នៅ​ក្នុងផ្ទះ​ដែល​សាងសង់​រួច ពួកគេ​មាន​ជំនឿ​ជឿជាក់ និង​ប្តេជ្ញា​កសាង​ជីវិត នៅលើ​ទឹកដី​ថ្មី ប្រកបដោយ​ក្តីសង្ឃឹម មាន​សុភមង្គល និង​មាន​ទេសភាព អាកាសធាតុ​ដ៏​ស្រស់ត្រកាល​មួយ​នេះ​តរៀង​ទៅ៕

#អរគុណសន្តិភាព

សន្តិភាព Avatar

Leave a Reply

Your email address will not be published. Required fields are marked *

Author Profile

John Doe

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Latest posts
Search
Tags

កម្ពុជា (14)កាកបាទក្រហមកម្ពុជា (24)កូរ៉េខាងត្បូង (9)ក្រសួងទេសចរណ៍ (9)ក្រសួងធនធានទឹក (8)ក្រសួងបរិស្ថាន​ (10)ក្រសួងមហាផ្ទៃ (11)ក្រសួងសុខាភិបាល (40)ក្រសួង​អប់រំ (10)ខេត្តកណ្តាល (9)ខេត្តកំពង់ឆ្នាំង (8)ខេត្តកំពត (10)ខេត្តក្រចេះ (8)ខេត្តបាត់ដំបង (11)ខេត្តព្រះសីហនុ (17)ខេត្តមណ្ឌលគិរី (8)ខេត្តសៀមរាប (24)គ.ជ.ប (10)ចិន (19)ជប៉ុ​ន (16)ទឹកជំនន់ (9)បោះឆ្នោតប្រធានាធិបតីសហរដ្ឋអាមេរិក (10)ប្រទេស​ចិន (10)ព្រះសីហនុ (8)ភ្នំពេញ (45)លោក​បៃ​ដិ​ន​ (13)សម្ដេចតេជោ ហ៊ុន សែន (28)សម្ដេច​ក្រឡាហោម ស ខេង (11)សម្ដេច​តេ​ជោ ហ៊ុន សែន (16)សម្តេចតេជោ ហ៊ុន សែន (20)សម្តេច​តេ​ជោ (19)សម្តេច​តេ​ជោ ហ៊ុន សែន (36)សហរដ្ឋអាមេរិក (45)អរគុណសន្តិភាព (17)អាជ្ញាធរ​ជាតិ​អប្សរា (10)អាមេរិក (31)អំណោយ (10)ឯកឧត្តម ជាវ តា​យ (8)ឯកឧត្តមប៉ាន់ខែម ប៊ុនថន (12)ឯកឧត្តម ម៉ៅ ធនិន (8)ឯកឧត្តម ហ៊ុន ម៉ា​ណែ​ត (8)​កូ​វីដ-១៩ (208)​លោក​ត្រាំ (20)​វ៉ាក់សាំង (13)​វ៉ាក់សាំង​កូ​វីដ-១៩ (15)