រដ្ឋបាលខេត្តកំពង់ឆ្នាំង បានទទួលអំណោយពីសប្បុរសជន ដើម្បីចូលរួមបម្រើសកម្មភាព ប្រយុទ្ធប្រឆាំងនិងជំងឺកូវីដ-១៩
![](https://i0.wp.com/orkunsantepheap.com/wp-content/uploads/2021/09/photo_2021-09-15_19-04-11-2.j.jpg?fit=899%2C600&ssl=1)
កំពង់ឆ្នាំង៖ សប្បុរសជនបន្តផ្តល់អំណោយ ដល់រដ្ឋបាលខេត្តកំពង់ឆ្នាំង ដើម្បីចូលរួមបម្រើសកម្មភាពប្រយុទ្ធប្រឆាំងនិងការរីករាលដាលនៃជំងឺកូវីដ-១៩ នៅថ្ងៃទី១៥ ខែកញ្ញា ឆ្នាំ២០២១ លោកស្រី សេង ដាលីន បានផ្តល់អំណោយដល់រដ្ឋបាលខេត្តកំពង់ឆ្នាំង រួមមានៈ អង្ករ២តោន ម៉ាស់១០០ប្រអប់ អាល់កុល ៥កាន និងថវិកា៤លានរៀលហើយពិធីប្រគល់ទទួលអំណោយនេះ បានធ្វើឡើងនៅសាលាខេត្តកំពង់ឆ្នាំង ដោយអញ្ជើញចូលរួមពីសំណាក់ ឯកឧត្តម ស៊ុន សុវណ្ណារិទ្ធិ អភិបាលខេត្ត និង ឯកឧត្តម អម សភា អភិបាលរងខេត្តកំពង់ឆ្នាំង។
មានប្រសាសន៍ក្នុងឱកាសនោះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានថ្លែងអំណរគុណយ៉ាងជ្រាលជ្រៅបំផុតចំពោះសប្បុរសជនទាំងអស់ដែលតែងតែបានឧបត្ថម្ភគាំទ្រ រាល់កិច្ចការងារសង្គម ក្នុងសកម្មភាពប្រយុទ្ធប្រឆាំងនឹងជំងឺកូវីដ-១៩ ជាមួយនិងរដ្ឋបាលខេត្តកំពង់ឆ្នាំង ដើម្បីរួមគ្នាទប់ស្កាត់ការរីករាលដាលនៃជំងឺកូវីដ-១៩ នៅក្នុងភូមិសាស្រ្តខេត្តកំពង់ឆ្នាំង ឱ្យមានប្រសិទ្ធភាព។
ឯកឧត្តម ស៊ុន សុវណ្ណារិទ្ធិ បានបញ្ជាក់ថាៈ ការចូលរួមរបស់សប្បុរសជនគឺជាកិច្ចការដ៏មានសារៈសំខាន់បំផុតដែលមិនអាចខ្វះបានក្នុងការរួមចំណែកក្នុងសកម្មភាពមនុស្សធម៌ ដែលធ្វើឱ្យមូលដ្ឋានបានចៀសជំងឺដ៏កាចសាហាវនេះ ៕