គ.ជ.ប នឹងរៀបចំកិច្ចប្រជុំផ្សព្វផ្សាយជាមួយភាគីពាក់ព័ន្ធ ក្រោមប្រធានបទចំនួន២
![](https://i0.wp.com/orkunsantepheap.com/wp-content/uploads/2021/09/photo_2021-09-14_11-00-02-1.jpg?fit=908%2C511&ssl=1)
គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំកិច្ចប្រជុំផ្សព្វផ្សាយជាមួយភាគីពាក់ព័ន្ធតាមប្រព័ន្ធវីដេអូអនឡាញ (កម្មវិធី Microsoft Teams)។ នេះបើតាមសេចក្តីជូនដំណឹងដែលបណ្តាញព័ត៌មាន Fresh News ទទួលបាននៅថ្ងៃទី១៦ ខែកញ្ញា ឆ្នាំ២០២១នេះ។
កិច្ចប្រជុំនេះ នឹងប្រព្រឹត្តទៅនៅថ្ងៃទី២២ ខែកញ្ញា ឆ្នាំ២០២១ នៅទីស្តីការ គ.ជ.ប វេលាម៉ោង១០៖០០នាទីព្រឹក ក្រោមអធិបតីភាពលោក នុត សុខុម អនុប្រធាន គ.ជ.ប កិច្ចប្រជុំនេះនឹងធ្វើឡើងក្រោមប្រធានបទចំ នួន២រួមមាន៖
*ការផ្សព្វផ្សាយបញ្ជីបោះឆ្នោតចុងក្រោយ
*លទ្ធផលបណ្តោះអាសន្ននៃការចែកលិខិតអញ្ជើញអ្នកចុះឈ្មោះបោះឆ្នោត។