បាញ់ផ្លោងនិងវាយប្រហារតាមអាកាសរវាងប៉ាឡេស្ទីននិងអ៊ីស្រាអ៊ែលឈានចូលថ្ងៃទី២
បរទេស៖គិតត្រឹមព្រឹកថ្ងៃអង្គារនេះជនប៉ាឡេស្ទីនបានបើកការវាយប្រហារដោយគ្រាប់រ៉ូកែតជាច្រើនសំដៅអ៊ីស្រាអ៊ែលខណៈដែលអ៊ីស្រាអ៊ែលបានបើកការវាយប្រហារតាមអាកាសសំដៅតំបន់ហ្គាហ្សានៅក្នុងហេតុការណ៍ជម្លោះថ្មីដ៏តានតឹងមួយទៀតនៅក្បែរនឹងទីក្រុងយេរូសាឡឺម។
លាន់ស្នូរផ្ទុះត្រូវបានលឺចេញពីអគារជាច្រើនក្នុងតំបន់ហ្គាហ្សាហើយគ្រាប់រ៉ូកែតរបស់ប៉ាឡេស្ទីនបានបង្ខំឲ្យពលរដ្ឋអ៊ីស្រាអ៊ែលជាច្រើននៅភាគខាងត្បូងនៃទីក្រុងបាននាំគ្នាជន្លៀសគ្នាចេញរកកន្លែងសុវត្ថិភាពតាំងតែពីពេលយប់មកម្ល៉េះហើយមកដល់ពេលនេះពលរដ្ឋបាឡេស្ទីន២រូបបាត់បង់ជីវិតនិងជាង១០០នាក់ទៀតរងរបួសនេះបើយោងតាមការបញ្ជាក់ជាផ្លុវការដោយអជ្ញាធរខាងប៉ាឡេស្ទីន។
ដោយឡែកខាងអ៊ីស្រាអ៊ែលវិញពលរដ្ឋរបស់ខ្លួន៦នាក់បានទទួលរងរបួសដោយសារគ្រាប់រ៉ូកែត។គួរឲ្យដឹងដែរថាការប៉ះទង្គិចគ្នាចាប់ផ្តើមតាំងតែពីថ្ងៃចន្ទដែលត្រឹមតែមួយថ្ងៃប៉ុណ្ណោះកុមារ៩នាក់បានបាត់បង់ជីវិតក្នុងចំណោមមនុស្សបាត់បង់ជីវិតទាំង២០នៅក្នុងតំបន់ហ្គាស្សា៕
#អរគុណសន្តិភាព
