ក្រសួងបរិស្ថាន ប្រគល់រថយន្ត និងម៉ូតូដឹកសំរាម ដល់រដ្ឋបាលខេត្តកំពង់ចាម និងឧត្តរមានជ័យ
ភ្នំពេញ៖ ឯកឧត្តម សូ ខនឫទ្ធីគុណ រដ្ឋលេខាធិការក្រសួងបរិស្ថាន នៅថ្ងៃទី២០ ខែឧសភា ឆ្នាំ២០២១ បានប្រគល់ទទួលរថយន្ត និងម៉ូតូដឹកសំរាម ជូនដល់រដ្ឋបាលខេត្តកំពង់ចាម និងឧត្តរមានជ័យ។
រថយន្តដឹកសំរាមចំនួន៣គ្រឿង និងម៉ូតូដឹកសំរាមចំនួន៦គ្រឿង ដែលជាអំណោយរបស់ក្រសួងបរិស្ថាន គឺរដ្ឋបាលខេត្តកំពង់ចាមទទួលបានរថយន្តដឹកសំរាមចំនួនមួយគ្រឿង ចំណែករដ្ឋបាលខេត្តឧត្តរមានជ័យ ទទួលបានរថយន្តដឹកសំរាមចំនួន២គ្រឿង (មួយគ្រឿងជាអំណោយរបស់សប្បុរសជន) និងម៉ូតូដឹកសំរាមចំនួន៦គ្រឿង។
គួរបញ្ជាក់ឱ្យដឹងថា គម្រោងរថយន្តដឹកសំរាមនេះ នឹងចូលរួមគាំទ្រផ្តល់សេវាប្រមូល សម្អាត ដឹកជញ្ជូនសំរាម សំណល់រឹងនៅក្នុងមូលដ្ឋាននៃរដ្ឋបាលខេត្ត ដែលពង្រីកសេវាប្រមូលដោយខ្លួនឯង ឱ្យស្អាត ឱ្យអស់ទាន់ពេល និងធានានិរន្តរភាព និងធ្វើភាពជាម្ចាស់ក្នុងការគ្រប់គ្រងសំរាមសំណល់រឹង ដោយរៀបចំធ្វើការប្រមូល សម្អាត ដឹកជញ្ជូន ទុកដាក់ កែច្នៃ និងទាញយកធនធានពីសំរាម ព្រមទាំងចូលរួមអនុវត្តគោលនយោបាយភូមិ-ឃុំ មានសុវត្ថិភាព របស់រាជរដ្ឋាភិបាលឱ្យកាន់តែមានប្រសិទ្ធភាពផងដែរ៕
#អរគុណសន្តិភាព
