រដ្ឋាភិបាលថ្មីអ៊ីស្រាអ៊ែលចាប់ផ្តើមការងារខណៈដែលពិធីផ្ទេរជាផ្លូវការមិនត្រូវបានធ្វើឡើងនៅឡើយ
បរទេស៖យោងតាមការចេញផ្សាយរបស់ទីភ្នាក់ងារិចិនស៊ិនហួចេញផ្សាយនៅថ្ងៃអង្គារនេះបានឲ្យដឹងថារដ្ឋាភិបាលថ្មីនៃប្រទេសអ៊ីស្រាអ៊ែលក្រោមការដឹកនាំរបស់លោក Natafli Bennett គឺចាប់ផ្តើមការងាររបស់ខ្លួនជាផ្លូវការហើយកាលពីថ្ងៃម្សិលមិញទោះបីជាការផ្ទេរជាផ្លូវការនៅមិនទាន់បានធ្វើឡើងក្តី។យោងតាមការបញ្ជាក់របស់ការិយាល័យលោក Bennett បានឲ្យដឹងថាជំនួបរវាងលោកនាយករដ្ឋមន្ត្រីថ្មីជាមួយនឹងនាយករដ្ឋមន្ត្រីអាណិត្តមុនលោក Benjamin Netanyahu បានធ្វើឡើងកាលពីល្ងាចថ្ងៃចន្ទម្សិលមិញដើម្បីធ្វើការផ្លាស់ប្តូរតំណែងនេះប៉ុន្តែមិនមែនជាពិធីផ្លូវការនោះទេ។
មេធាវីរបស់លោក Netanyahuបានបញ្ជាក់ថាលោក Netanyahu នឹងមិនធ្វើពិធីផ្ទេរតំណែងនេះជាផ្លូវការឡើយពីព្រោះថាលោកនៅតែមានអារម្មណ៍ថារដ្ឋាភិបាលថ្មីជារដ្ឋាភិបាលដែលមានការបោកប្រាស់។
គួរឲ្យដឹងដែរថារដ្ឋាភិបាលថ្មីត្រូវបានគេមើលឃើញថាជារដ្ឋាភិបាលចម្រុះដែលមានន័យថាលោក Bennett នឹងបម្រើការងារជានាយករដ្ឋមន្ត្រីក្នុងរយៈពេល២ឆ្នាំដំបូងនៃអាណត្តិហើយបន្ទាប់មកគឺត្រូវប្រគល់តំណែងដែលនៅសល់២ឆ្នាំទៀតទៅហើយលោក Yair Lapid ដែលជាប្រធានគណបក្ស Yesh Atid ៕
#អរគុណសន្តិភាព