រដ្ឋាភិបាលជប៉ុនបានផ្តល់សម្ភារៈបរិក្ខារពេទ្យដល់កម្ពុជា
ភ្នំពេញ៖ ដើម្បីប្រយុទ្ធប្រឆាំងនឹងជម្ងឺកូវីដ១៩ កាលពីថ្ងៃទី១៤ ខែមិថុនា ឆ្នាំ២០២១ រដ្ឋាភិបាលជប៉ុនបានផ្តល់ជូនព្រះរាជាណាចក្រកម្ពុជានូវសម្ភារៈបរិក្ខារពេទ្យដែលរួមមាន អាវបំពង់ចំនួន១៥០០០សម្រាប់ វ៉ែនតាការពារសុវត្ថិភាពចំនួន១២៥០ ស្រោមដៃចំនួន៥០០០០គូ និងម៉ាស់ចំនួន៨០០០ម៉ាស់
សម្ភារៈបរិក្ខាទាំងនេះគឺជាផ្នែកមួយនៃឧបករណ៍ការពារខ្លួនដែលមូលនិធិអាស៊ី-អឺរ៉ុប(ASEF)បានស្ដុកទុកក្រោមការឧបត្ថម្ភរបស់រដ្ឋាភិបាលជប៉ុន ។
ជប៉ុន សង្ឃឹមថាការផ្គត់ផ្គង់ទាំងនេះនឹងអាចជួយដល់ភាគីពាក់ព័ន្ធផ្នែកសុខាភិបាលនៅកម្ពុជាដែលកំពុងប្រយុទ្ធប្រឆាំងជាមួយនឹងជំងឺកូវីដ១៩ ។
ប្រទេសជប៉ុននឹងបន្តកិច្ចសហប្រតិបត្តិការជាមួយរាជរដ្ឋាភិបាលកម្ពុជាក្នុងការផ្តល់នូវឧបករណ៍ចាំបាច់៕
#អរគុណសន្តិភាព
