ប្រធានាធិបតីហ្វីលីពីនព្រមានដាក់គុកពលរដ្ឋណាមិនព្រមចាក់វ៉ាក់សាំងកូវីដ
![](https://i0.wp.com/orkunsantepheap.com/wp-content/uploads/2021/06/photo_2021-06-22_10-49-06.jpg?fit=750%2C500&ssl=1)
បរទេស៖យោងតាមការចេញផ្សាយរបស់កាសែតបរទេសបានឲ្យដឹងថាប្រធានាធិបតីនៃប្រទេសហ្វីលីពីនលោក Rodrigo Duterte កាលពីថ្ងៃចន្ទម្សិលមិញបានព្រមានដល់ពលរដ្ឋទាំងឡាយណាដែលមិនព្រមចាក់វ៉ាក់សាំងកូវីដនឹងត្រូវជាប់គុកជាមិនខាន។
ថ្លែងនៅក្នុងកម្មវិធីទូរទស្សន៍មួយលោក Duterte កាលពីថ្ងៃចន្ទម្សិលមិញបាននិយាយបែបនេះថា៖ជាជម្រើសរបស់អ្នកជាវ៉ាក់សាំងឬខ្ញុំនឹងបញ្ជូនអ្នកចូលគុក!
គួរឲ្យដឹងដែរថាមកដល់ពេលនេះពលរដ្ឋនៃប្រទេសហ្វីលីពីនសរុបដែលបានឆ្លងវិរុសកូវីដប្រមាណជា១,៣លាននាក់ហើយោចំនួននៃអ្នកបាត់បង់ជីវិតបានកើនឡើងទៅដល់២៣ ០០០នាក់មកហើយ។
គិតត្រឹមថ្ងៃអាទិត្យសប្តាហ៍មុននេះពលរដ្ឋហ្វីលីពីនប្រមាណជា២,១លាននាក់ហើយដែលបានទទួលការចាក់វ៉ាកសាំងរួចរាល់ខណៈដែលពលរដ្ឋសរុបរបស់ខ្លួនមានប្រមាណជា១១០លាននាក់ហើយរដ្ឋាភិបាលនៃប្រទេសហ្វីលីពីនធ្លាប់បានប្តេជ្ញាចិត្តថានឹងចាក់វ៉ាក់សាំងឲ្យពលរដ្ឋរបស់ខ្លួនឲ្យបាន៧០លាននាក់នៅត្រឹមចុងឆ្នាំនេះ៕
#អរគុណសន្តិភាព