អភិបាលរងខេត្តកំពង់ឆ្នាំងដឹកនាំកិច្ចប្រជុំត្រៀមផ្គត់ផ្គង់ការស្នាក់នៅនិងផ្តល់ អាហារប្រចាំថ្ងៃសម្រាប់ក្រុមបាល់ទះ
ខេត្តកំពង់ឆ្នាំង ៖ នាព្រឹកថ្ងៃទី១៨ ខែសីហា ឆ្នាំ២០២៣ នៅសាលប្រជុំសាលាខេត្ត លោក យិន សាវ៉េន អភិបាលរងខេត្ត បានដឹកនាំកិច្ចប្រជុំត្រៀមផ្គត់ផ្គង់ការស្នាក់នៅនិងផ្តល់ អាហារប្រចាំថ្ងៃ ដល់បាល់ទះចំនួន១៩នាក់ និងគ្រូបង្វឹកចំនួន៤នាក់ ដែលនឹងត្រូវបញ្ជូន ទៅចូលរួមប្រកួតដណើ្តមពានរង្វាន់ ឯកឧត្តម ស សុខា នាពេលខាងមុខនេះ ។
លោកអភិបាលរងខេត្តបានបញ្ជាក់ទៀតថា ការប្រកួតដណ្តើមពានរង្វាន់បាល់ទះ របស់ឯកឧត្តម ស សុខា នេះនឹងធ្វើឡើងនាពេលខាងមុខ សម្រាប់ខេត្តកំពង់ឆ្នាំងក្រុមការងារស្នងការដ្ឋាននគរបាលខេត្តកំពង់ឆ្នាំង នឹងដឹកនាំក្រុមកីឡាករ ទៅចូលរួមប្រកួតនេះ ។ ចាប់ពីពេលនេះតទៅ កីឡាករត្រូវតែហ្វឹកហាត់ ដកស្រង់នូវបទពិសោធន៍ ដើម្បីដណ្តើមបាននូវជ័យលាភីសម្រាប់ខេត្តយើង ។ ដើម្បីលើកទឹកចិត្តដល់ក្រុមកីឡាករនិងគ្រូបង្វឹក ខិតខំប្រឹងប្រែង សូមអោយមានការចូលរួមលើកទឹកចិត្ត ពីសំណាក់មន្ទីរអង្គភាពក្នុងខេត្ត ។
