ក្រុមហ៊ុនទ្រី ភាព គ្រុប នឹងអភិវឌ្ឍឆ្នេរកោះទន្សាយទៅជាតំបន់ទេសចរណ៍យ៉ាងប្រណិត ស្រស់ស្អាត តាមបែបធម្មជាតិ
![](https://i0.wp.com/orkunsantepheap.com/wp-content/uploads/2021/11/5ce9106c8d720.jpg?fit=900%2C675&ssl=1)
ភ្នំពេញ៖ លោកសោម ពិសិដ្ឋ អភិបាលខេត្តកែប បានមានប្រសាសន៍ថា ក្នុងពេលអនាគតខាងមុខនេះ ឆ្នេរកោះទន្សាយនឹងត្រូវបានអភិវឌ្ឍន៍ ជាតំបន់ទេសចរណ៍យ៉ាងប្រណិត ខណៈក្រុមហ៊ុនទ្រី ភាព គ្រុប (TRY PHEAP GROUP Co,.LTD) បានចាប់ដៃគូដើម្បីអភិវឌ្ឍន៍ តំបន់ឆ្នេរកោះទន្សាយនេះឱ្យក្លាយជាកន្លែងមួយមានភាពស្រស់ស្អាត តាមបែបធម្មជាតិ។
![](https://i0.wp.com/orkunsantepheap.com/wp-content/uploads/2021/11/130757230_3572545959504319_2884593887556917023_n.jpg?resize=900%2C762&ssl=1)
លោកអភិបាលខេត្តបានថ្លែងយ៉ាងដូច្នេះនៅក្នុងដំណើរត្រួតពិនិត្យ ស្វែងយល់ពីស្ថានភាពរស់នៅរបស់ប្រជាពលរដ្ឋ និងការចែកអំណោយមនុស្សធម៌ របស់សម្តេចអគ្គមហាសេនាបតីតេជោ ហ៊ុន សែន និងសម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនប្រជាពលរដ្ឋ នៅលើកោះទន្សាយ ក្នុងសង្កាត់កែប ក្រុងកែប ខេត្តកែប នាព្រឹកថ្ងៃទី០១ ខែវិច្ឆិកា ឆ្នាំ២០២១។
![](https://i0.wp.com/orkunsantepheap.com/wp-content/uploads/2021/11/photo_2021-11-02_06-34-23.jpg?resize=696%2C464&ssl=1)
យោងតាមការចេញផ្សាយរបស់រដ្ឋបាល ខេត្តកែបបានអោយដឹងថា “បើទោះជាតំបន់ជាច្រើនយើងកំពុងអភិរក្ស ប៉ុន្តែតំបន់ខ្លះពិសេសដែនកោះមួយចំនួន បើមានគម្រោងអភិវឌ្ឍន៍ហើយនោះ យើងនឹងប្រែក្លាយតំបន់ខាងលើ ឱ្យក្លាយជាកន្លែងទេសចរណ៍ ប្រកបដោយសក្តានុពល៕