ស្អែកនេះ គ.ជ.ប នឹងជួបជាមួយភាគីពាក់ព័ន្ធដើម្បីបង្ហាញពីគុណភាពទឹកខ្មៅលុបមិនជ្រះ សម្រាប់ប្រើក្នុងពេលបោះឆ្នោត
នៅព្រឹកថ្ងៃទី៦ ខែកក្កដា ឆ្នាំ២០២៣ គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប នឹងជួបប្រជុំជាមួយភាគីពាក់ព័ន្ធដើម្បីផ្សព្វផ្សាយអំពី ការបង្ហាញទឹកខ្មៅលុបមិនជ្រះសម្រាប់ប្រើប្រាស់ក្នុង ការបោះឆ្នោត និងការសាកល្បងគុណភាពទឹកខ្មៅលុបមិនជ្រះដោយភាគីពាក់ព័ន្ធ។
ប្រភពដដែលបញ្ជាក់បន្ថែមថា កិច្ចប្រជុំផ្សព្វផ្សាយនេះ នឹងរៀបចំធ្វើនៅសាលសន្និសីទជាន់ទី១ នៃទីស្ដីការ គ.ជ.ប ស្ថិតនៅវិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕
