ព័ត៌មានស្ថាប័នរដ្ឋ
កម្ពុជារំពឹងសម្រេចបានការតភ្ជាប់ការទូទាត់ឆ្លងដែនតាមប្រព័ន្ធ QR Code ជាមួយចិន និងឥណ្ឌា
លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា បានបង្ហាញពីការរីកលូតលាស់នៃការអភិវឌ្ឍប្រព័ន្ធទូទាត់ ដែលបានធ្វើឱ្យការទូទាត់កាន់តែងាយស្រួល សុវត្ថិភាព និងឆាប់រហ័ស ដោះស្រាយឧបសគ្គ ក្នុងការទូទាត់ឆ្លងគ្រឹះស្ថាន និងការយកថ្លៃសេវាខ្ពស់។ ធនាគារជាតិនៃកម្ពុជា បានសម្រេចបានជោគជ័យ នៃការតភ្ជាប់ប្រព័ន្ធទូទាត់ជាមួយប្រទេសថៃ វៀតណាម និងឡាវ ព្រមទាំងក្រុមហ៊ុនផ្តល់សេវាទូទាត់អន្តរជាតិមួយចំនួន។ សម្រាប់ឆ្នាំនេះ លោកស្រីបណ្ឌិត ជា សិរី រំពឹងថា កម្ពុជានឹងអាចសម្រេចបានការតភ្ជាប់ ការទូទាត់ឆ្លងដែនតាមប្រព័ន្ធ QR Code ជាមួយប្រទេសចិន និងប្រទេសឥណ្ឌា ថែមទៀត។ ការលើកឡើងរបស់លោកស្រីបណ្ឌិត […]
ឯកឧត្តមបណ្ឌិត ថោង ខុន អញ្ជើញសម្ពោធបើកឱ្យប្រើប្រាស់ជាផ្លូវការកំពង់ផែទេសចរណ៍ខេត្តព្រះសីហនុ ដើម្បីសម្រួលការធ្វើដំណើរភ្ញៀវទេសចរ
ខេត្តព្រះសីហនុ៖ ឯកឧត្តម បណ្ឌិត ថោង ខុន រដ្ឋមន្ត្រីក្រសួងទេសចរណ៍ នារសៀលថ្ងៃទី០៦ ខែកក្កដា ឆ្នាំ២០២៣នេះ បានអញ្ជើញសម្ពោធបើកឱ្យប្រើប្រាស់ជាផ្លូវការកំពង់ផែទេសចរណ៍ខេត្តព្រះសីហនុ ដែលជាកំពង់ផែដ៏ធំមួយដែលអាចចេញចូលអូប័រទេសចរណ៍តូចធំ ២០គ្រឿងក្នុងពេលតែមួយ និងជាទីចំណតដ៏សុវត្ថិភាពតែមួយគត់ សក្កិសមជាកំពង់ផែទេសចរណ៍ដ៍មានសក្តានុពលប្រចាំខេត្តព្រះសីហនុ និងដើម្បីសម្រួលដល់ការធ្វើដំណើររបស់ភ្ញៀវទេចរទាំងជាតិ និងអន្តរជាតិ។ ពិធីនេះដែរបានធ្វើឡើងដោយមានការចូលរួមពីឯកឧត្តម គួច ចំរើន អភិបាលខេត្តព្រះសីហនុ, ឯកឧត្តម លូ គឹមឈុន ប្រតិភូរាជរដ្ឋាភិបាលទទួលបន្ទុកអគ្គនាយកកំពង់ផែអន្តរជាតិខេត្តព្រះសីហនុ លោក លោកស្រី តំណាងក្រសួងស្ថាប័នពាក់ព័ន្ធនៃរាជរដ្ឋាភិបាលកម្ពុជា, អ្នកឧកញ៉ា ទៀ វិចិត្រ […]
ឯកឧត្តម ម៉ម ប៊ុននាង ទទួលបដិសណ្ឋារកិច្ចគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ
នាវេលាម៉ោង២៣:៣០នាទីយប់ ថ្ងៃទី០៥ ខែកក្កដា ឆ្នាំ២០២៣ នៅអាកាសយានដ្ឋានអន្តរជាតិភ្នំពេញ ឯកឧត្តម ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) បានអញ្ជើញទទួលបដិសណ្ឋារកិច្ចគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ ដឹកនាំដោយលោក kim Jung-Nam ប្រធានមូលនិធិ ដែលបានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា៕
លោក ហ៊ុន ម៉ានី៖ «សន្លឹកឆ្នោតដែលបោះជូនគណបក្សប្រជាជនកម្ពុជា គឺធានាអ្វីដែលប្រជាពលរដ្ឋកំពុងមាន និងសម្រាប់អនាគតកូនចៅជំនាន់ក្រោយ»
ព្រឹកថ្ងៃទី០៤ ខែកក្កដា ឆ្នាំ២០២៣ ដែលជាថ្ងៃទី០៤ នៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត អាណត្តិទី៧ ឆ្នាំ២០២៣ លោក ហ៊ុន ម៉ានី អនុប្រធានទី១ ក្រុមការងារគណបក្សចុះជួយខេត្តកំពង់ស្ពឺ និងជាអ្នកតំណាងរាស្រ្តមណ្ឌលខេត្តកំពង់ស្ពឺ បានបន្តជួបសំណេះសំណាលជាមួយ សមាជិក សមាជិកាគណបក្សប្រជាជនកម្ពុជា ក្នុងយុទ្ធនាការឃោសនារកសំឡេងឆ្នោត នៅឃុំធម្មតាអរ និងឃុំកាហែង ស្រុកសំរោងទង ខេត្តកំពង់ស្ពឺ ដើម្បីកំណត់ភាពឈ្នះបន្ថែមទៀត ហើយធ្វើយ៉ាងណាចូលរួមបោះឆ្នោតស្របតាមគោលការណែនាំរបស់គ.ជ.ប។ ពិធីនេះមានការអញ្ជើញចូលរួមពីសំណាក់ថ្នាក់ដឹកនាំ ក្រុមការងារចុះជួយ ឃុំ ស្រុក ខេត្ត និងសមាជិក សមាជិកាគណបក្សប្រជាជនកម្ពុជាទាំង២ឃុំសរុបប្រមាណ៨០០នាក់ផងដែរ។ […]
រាជរដ្ឋាភិបាលទទួលបានវត្ថុបុរាណខ្មែរ ៧៧គ្រឿងពីគ្រួសារជនជាតិអង់គ្លេស
រាជរដ្ឋាភិបាលកម្ពុជា ទទួលបានវត្ថុបុរាណខ្មែរចំនួន ៧៧គ្រឿង ពីគ្រួសារជនជាតិអង់គ្លេសគឺលោក ឌូគ្លីស ឡាតហ្វដ (Douglas Latchford) នេះបើតាមសេចក្តីប្រកាសព័ត៌មាន របស់ក្រសួងវប្បធម៌ និងវិចិត្រសិល្បៈ នៅថ្ងៃទី២០ ខែកុម្ភៈ ឆ្នាំ២០២៣។ ក្រសួងវប្បធម៌ និងវិចិត្រសិល្បៈ បានឲ្យដឹងថា អនុលោមតាមកិច្ចព្រមព្រៀងនាខែកញ្ញា ឆ្នាំ២០២០ រវាងក្រសួងវប្បធម៌ និងវិចិត្រសិល្បៈ ជាតំណាងនៃរាជរដ្ឋាភិបាលកម្ពុជា និងគ្រួសារជនជាតិអង់គ្លេស វត្ថុបុរាណខ្មែរទាំងអស់ដែលកាន់កាប់រក្សាទុកដោយគ្រួសារលោក ឡាតហ្វដ នឹងត្រូវប្រគល់ជូនមកកម្ពុជាវិញ។ បន្ទាប់ពីវត្ថុបុរាណខ្មែរធ្វើពីថ្ម និងសំរឹទ្ធមួយចំនួនដែលបានទទួលពីប្រទេសអង់គ្លេសនៅខែកញ្ញា ឆ្នាំ២០២១កន្លងមក នាថ្ងៃទី១២ […]
ព្រះមហាក្សត្រ ត្រាស់បង្គាប់តែងតាំងអ្នកជំនាញផ្នែកចរាចរណ៍ពីររូប ជាទីប្រឹក្សាគណៈកម្មាធិការជាតិសុវត្ថិភាពចរាចរណ៍ផ្លូវគោក
ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានសព្វព្រះរាជហឫទ័យត្រាស់បង្គាប់អ្នកជំនាញផ្នែកចរាចរណ៍ពីររូប ជាទីប្រឹក្សាគណៈកម្មាធិការជាតិសុវត្ថិភាពចរាចរណ៍ផ្លូវគោក ឋានៈស្មើអគ្គនាយក។ អតីតបុគ្គលិកអង្គការទស្សនៈពិភពលោកអន្តរជាតិកម្ពុជា និងជាអ្នកជំនាញផ្នែកចរាចរណ៍ ដែលត្រូវបានព្រះមហាក្សត្រត្រាស់បង្គាប់តែងតាំងជាជាទីប្រឹក្សាគណៈកម្មាធិការជាតិសុវត្ថិភាពចរាចរណ៍ផ្លូវគោករួមមាន៖ លោក គឹម សួស្តី និងលោក គង់ សុវណ្ណ។ សូមបញ្ជាក់ថា លោក គឹម សួស្ដី គឺជាអតីត ប្រធាននាយកដ្ឋានមួយរបស់អង្គការ ទស្សនៈពិភពលោកអន្តរជាតិកម្ពុជា ទទួលបន្ទុកគ្រប់គ្រងសន្តិសុខនិងសុវត្ថិភាព របស់បុគ្គលិក និងអចលនទ្រព្យរបស់អង្គការ។ លោក គឹម […]
អគារស្នាក់ការគណបក្សឃុំសំបូរ ស្រុកសំបូរ ខេត្តក្រចេះ ត្រូវបានសម្ពោធដាក់ឱ្យប្រើប្រាស់ជាផ្លូវការ
លោក វ៉ា ថន ប្រធានគណបក្សប្រជាជនកម្ពុជាខេត្តក្រចេះ នៅព្រឹកថ្ងៃទី០៧ ខែកុម្ភៈ ឆ្នាំ២០២៣នេះ បានអញ្ជើញជាអធិបតី ក្នុងពិធីសម្ពោធអគារស្នាក់ការគណបក្សឃុំសំបូរ ស្រុកសំបូរ ខេត្តក្រចេះ ដែលមានការចូលរួមពីសមាជិក សមាជិកា ប្រមាណ១៥០នាក់។ ថ្លែងក្នុងឱកាសនោះ លោក វ៉ា ថន បានក្រើនរំលឹកដល់សមាជិក សមាជិកាទាំងអស់ ត្រូវរំលឹកដល់ប្រជាពលរដ្ឋដើម្បីត្រៀមលក្ខណៈសម្រាប់ការបោះឆ្នោតជ្រើសរើសតំណាងរាស្ដ្រ ដែលនឹងប្រព្រឹត្តទៅនៅខែកក្កដា ឆ្នាំ២០២៣ខាងមុខនេះ។ បន្ថែមពីនេះ លោក វ៉ា ថន ក៏បានណែនាំដល់ប្រជាពលរដ្ឋទាំងអស់ មិនត្រូវភ្លេចខ្លួនពីជំងឺកូវីដ១៩នោះទេ ពោលត្រូវចូលរួមទៅចាក់វ៉ាក់សាំងដូសជំរុញឲ្យបានគ្រប់ៗគ្នា […]
ស្នងការដ្ឋាននគរបាលខេត្តព្រះសីហនុ ណែនាំភ្នាក់ងារដឹកជញ្ជូនម្ហូបអាហារពីច្បាប់ចរាចរណ៍ផ្លូវគោក
នៅរសៀលថ្ងៃទី០៦ ខែកុម្ភៈ ឆ្នាំ២០២៣ ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ បានបន្តរៀបចំជំនួបជាមួយអ្នកបើកម៉ូតូដឹកម្ហូប ឬដឹកទំនិញ ដើម្បីអប់រំផ្សព្វផ្សាយពីច្បាប់ចរាចរណ៍ និងវិធានការនានា បង្កាពីគ្រោះថ្នាក់ចរាចរណ៍លើដងផ្លូវ។ ការងារនេះធ្វើឡើងក្រោមការចង្អុលបង្ហាញពី លោកឧត្តមសេនីយ៍ទោ ជួន ណារិន្ទ សហការជាមួយមន្ទីរសាធារណការ និងដឹកជញ្ជូនខេត្ត។ ពិធីនេះ ក៏មានការចូលរួមពី តំណាងមន្ទីរសាធារណការ និងដឹកជញ្ជូនខេត្តព្រះសីហនុ, នាយការិយាលយ័នគរបាលចរាចរណ៍ នៃស្នងការដ្ឋាននគរបាលខេត្ត និងអភិបាលរងក្រុងព្រះសីហនុ និងប្រធានគ្រប់គ្រងដៃគូដឹកជញ្ជូន Food Panda ព្រមទាំងមន្ត្រីជំនាញពាក់ព័ន្ធក្នុងខេត្ត។ ថ្លែងក្នុងឱកាសនោះ លោក អៀម […]
ស្នងការនគរបាលខេត្តបន្ទាយមានជ័យ នាំយកអំណោយជូនគ្រួសាសពស្លាប់ក្នុងហេតុការណ៍ភ្លើងឆេះអគារកាស៊ីណូហ្គ្រេនដាយមិន
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅរសៀលថ្ងៃទី០៦ ខែកុម្ភៈ ឆ្នាំ២០២៣ បានចាត់លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ដឹកនាំកម្លាំង និងអាជ្ញាធរមូលដ្ឋានចុះសួរសុខទុក្ខដល់ក្រុមគ្រួសារដែលបានបាត់ខ្លួន ចំនួន០៣នាក់ ក្នុងហេតុការណ៍គ្រោះថ្នាក់អគ្គីភ័យឆេះអគារកាស៊ីណូហ្គ្រេនដាយមិន កាលពីខែធ្នូ ឆ្នាំ២០២២កន្លងទៅ។ ក្នុងនេាះដែរ ក៏បាននាំយកអំណោយរបស់លោកឧត្តមសេនីយ៍ទោ សិទ្ធិ ឡោះ ជូនដល់គ្រួសារសពដោយក្នុងមួយគ្រួសារទទួលបាន អង្ករ ៥០គីឡូក្រាម, មី ២កេស, ទឹកត្រី១យួរ, ត្រីខ១យួរ, ទឹកសុទ្ធ៥យួរ និងថវិកា២០០,០០០រៀល។ […]
មន្ត្រីអគ្គនាយកដ្ឋានគយជាង ១០០នាក់ វិច្ចាគឈាមដោយស្ម័គ្រចិត្ត
អគ្គនាយកដ្ឋានគយ និងរដ្ឋាករកម្ពុជា សហការជាមួយមជ្ឈមណ្ឌលជាតិផ្តល់ឈាម នៅព្រឹកថ្ងៃទី៧ ខែកុម្ភៈ ឆ្នាំ២០២៣ បានរៀបចំកម្មវិធីបរិច្ចាគឈាមដោយស្ម័គ្រចិត្ត ស្របតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្តីពីការជំរុញការលើកកម្ពស់ ការវិច្ចាគឈាមដោយស្ម័គ្រចិត្ត ក៏ដូចជាតាមការអំពាវនាវ របស់មជ្ឈមណ្ឌលជាតិផ្តល់ឈាម ដើម្បីជួយសង្គ្រោះជីវិតអ្នកជំងឺ នៅតាមមន្ទីរពេទ្យនានា ដែលកំពុងត្រូវការឈាមជាចាំបាច់។ កម្មវិធីនេះ ប្រព្រឹត្តទៅក្រោមអធិបតីភាពបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និងមានការចូលរួមពីថ្នាក់ដឹកនាំ និងបុគ្គលិកនៃមជ្ឈមណ្ឌលជាតិផ្តល់ឈាម ព្រមទាំងសប្បុរសជនបរិច្ចាគឈាមដោយស្ម័គ្រចិត្ត ចំនួនសរុប ១១១ […]
