លោកឡុង ឌីម៉ង់ ត្រូវបានតែងតាំងជាអភិបាលរងខេត្តព្រះសីហនុ
![](https://i0.wp.com/orkunsantepheap.com/wp-content/uploads/2021/10/33808BB9-3D1C-404F-B26C-1A27B87.jpeg?fit=719%2C456&ssl=1)
លោកឡុង ឌីម៉ង់ ត្រូវបានរាជរដ្ឋាភិបាលតែងតាំងជាអភិបាលរងនៃគណៈអភិបាលខេត្តព្រះសីហនុនារសៀលថ្ងៃទី២២តុលានេះ ក្រោយពីបានបញ្ចប់បេសកកម្មជាឯកអគ្គរាជទូតកម្ពុជាប្រចាំប្រទេសកូរ៉េខាងត្បូងរយ:ពេល៥ឆ្នាំ។
![](https://i0.wp.com/orkunsantepheap.com/wp-content/uploads/2021/10/007C73B1-62A2-41A6-9335-40FEA9E.jpeg?resize=900%2C506&ssl=1)
លោកឡុង ឌីម៉ង់ គឺជាមន្ត្រីដែលមានបទពិសោធន៍ទាំងថ្នាក់មូលដ្ឋាននិងការទូតពេញដោយសក្តានុពលដែលកន្លង មកធ្លាប់បានប្រឡូកការងារនៅក្នុងរដ្ឋបាលរាជធានីភ្នំ ពេញជិត១០ឆ្នាំ មុនពេលត្រូវបានតែងតាំងជាឯកអគ្គរាជ ទូតកម្ពុជាប្រចាំនៅសាធារណរដ្ឋកូរ៉េ។
![](https://i0.wp.com/orkunsantepheap.com/wp-content/uploads/2021/10/6753CF05-8A4B-4CF1-B23E-0557324.jpeg?resize=900%2C600&ssl=1)
ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ និងតំណាងក្រុមប្រឹក្សាខេត្ត បានថ្លែងស្វាគមន៍និងអបអរសាទរចំពោះ លោកឡុង ឌីម៉ង់ ដែលត្រូវបានរាជរដ្ឋាភិបាលផ្តល់សេចក្តីទុកចិត្តតែងតាំងជាអភិបាលរងនៃគណៈអភិ បាលខេត្តព្រះសីហនុដើម្បីបន្តនិរន្តរភាពការងារជាមួយក្រុម ប្រឹក្សាខេត្តព្រះសីហនុ គណ: អភិបាលខេត្តក្នុងការបម្រើឧត្តមប្រយោជន៍ជាតិមាតុភូមិ និងប្រជាពលរដ្ឋខេត្តព្រះសី ហនុជាពិសេសការអភិវឌ្ឍន៍ខេត្តព្រះសីហនុឱ្យកាន់តែរីក ចម្រើនដើម្បីសម្រេចតាមផែន ការមេរបស់រាជរដ្ឋាភិបាលគឺដើម្បីអភិវឌ្ឍន៍ ខេត្តព្រះសីហ នុទៅជាតំបន់សេដ្ឋកិច្ចពិសេសគំរូពហុបំណង។
![](https://i0.wp.com/orkunsantepheap.com/wp-content/uploads/2021/10/355790A9-3639-413E-B59B-9FC18D9.jpeg?resize=1000%2C750&ssl=1)
ឯកឧត្តម គួច ចំរើន បញ្ជាក់ថា ឯកឧត្តម ជឿជាក់យ៉ាងមុតមាំថា ក្នុងតំណែងជាអភិ បាលរងខេត្តព្រះសីហនុ លោក ឡុង ឌីម៉ង់ នឹងបន្តខិត ខំអនុវត្តតួនាទី ភារកិច្ចនិងយកបទពិសោធន៍ល្អៗ ជា ពិសេសទំនាក់ទំនងកិច្ចការបរទេស ការទូតនិងកិច្ចសហប្រតិបត្តិការអន្តរជាតិស្របតាមរដ្ឋធម្មនុញ្ញ ច្បាប់ និងលិខិតបទដ្ឋានគតិយុត្តប្រកបដោយមនសិកាវិជ្ជា ជីវ:មានការទទួលខុសត្រូវខ្ពស់ មានតម្លាភាព គណនេយ្យភាព ជាពិសេសត្រូវប្រកាន់ខ្ជាប់នូវអភិក្រមរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាគឺ ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់ និងបាវចនា២ គឺកែ ទម្រង់ខាងក្នុង និងបង្កើតមិត្តខាងក្រៅ ដោយស្មារតីឯករាជ្យ៕