Month: June 2021
គម្រោងសាងសង់ហេដ្ឋារចនាសម្ព័ន្ធនានារួមទាំងអគាររដ្ឋបាលនៅច្រកទ្វារព្រំដែនស្ទឹងបត់-បាណនអៀន សម្រេចបាន២១,០៥%
បន្ទាយមានជ័យ៖ គម្រោងសាងសង់ហេដ្ឋារចនាសម្ព័ន្ធនានារួមទាំងអគាររដ្ឋបាលនៅច្រកទ្វារព្រំដែនស្ទឹងបត់-បាណនអៀន សម្រេចបាន២១,០៥% ហើយ គិតត្រឹមចុងខែមិថុនា ឆ្នាំ២០២១នេះ ខណៈក្រុមការងារសាងសង់កំពុងពន្លឿនការងារឱ្យចប់ទៅតាមផែនការ។ នេះ បើយោងតាមលទ្ធផលរបស់ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូននៅថ្ងៃទី ៣០ ខែមិថុនា ឆ្នាំ ២០២១ នេះ បានដឹកនាំគណៈប្រតិភូក្រសួងចុះពិនិត្យវឌ្ឍនភាព និងបច្ចេកទេសនៃការសាងសង់អគាររដ្ឋបាល និង ហេដ្ឋារចនាសម្ព័ន្ធនានានៅច្រកទ្វារព្រំដែនស្ទឹងបត់ ដោយមានការចូលរួមពីថ្នាក់ដឹកនាំក្រសួង តំណាង ស្ថានទូតជប៉ុន តំណាងទីភ្នាក់ងារសហប្រតិបត្តិការអន្តរជាតិជប៉ុន(JICA) មន្ត្រីជំនាញ តំណាងក្រុមហ៊ុនសាងសង់ […]
រដ្ឋមន្ត្រីការបរទេសអ៊ីស្រាអ៊ែលធ្វើដំណើរទៅដល់ទឹកដីសហភាពអារ៉ាប់ជាទស្សនកិច្ចផ្លូវការលើកដំបូង
បរទេស៖រដ្ឋមន្ត្រិក្រសួងការបរទេសរបស់ប្រទេសអ៊ីស្រាអ៊ែលលោក Yair Lapid កាលពីថ្ងៃអង្គារម្សិលមិញនេះបានចុះចតទៅដល់ទឹកដីនៃសហភាពអារ៉ាប់រួម UAE ក្នុងនាមជាទស្សនកិច្ចផ្លូវរដ្ឋលើកដំបូងបំផុតដោយមន្ត្រីជាន់ខ្ពស់អ៊ីស្រាអ៊ែលនៅក្នុងប្រទេសអារ៉ាប់មួយនេះ។ ការិយាល័យរបស់លោក Lapid បានចេញផ្សាយនូវសេចក្តីថ្លែងការណ៍មួយដោយបញ្ជាក់ថាលោកបានធ្វើដំណើរជាមួយនឹងគណប្រតិភូរបស់ក្រសួងការបរទេសនិងមន្ត្រីរដ្ឋាភិបាលជាច្រើននាក់ផ្សេងទៀតផងដែរសម្រាប់ដំណើរទស្សនកិច្ចដែលមានរយៈពេល២ថ្ងៃ។ សេចក្តីថ្លែងការណ៍ដដែលក៏បានប្រកាសដែរថាលោក Lapid ក៏នឹងត្រូវចូលរួមនៅក្នុងពិធិសម្ភោធដាក់ឲ្យដំណើរការស្ថានទូតអ៊ីស្រាអ៊ែលប្រចាំនៅរដ្ឋធានី Abu Dhabi និងអគ្គកុងស៊ុលប្រចាំនៅក្នុងទីក្រុង Dubai ផងដែរ។ គួរឲ្យដឹងដែរថាអ៊ីស្រាអ៊ែលនិងសហភាពអារ៉ាប់ទើបតែបានចុះកិច្ចព្រមព្រៀងដើម្បីដំណើរការទំនាក់ទំនងការទូតជាធម្មតាឡើងវិញរវាងគ្នាក្រោមការសម្របសម្រួលដោយអាមេរិកកាលពីខែកញ្ញាឆ្នាំ២០២០កន្លងទៅនេះប៉ុណ្ណោះ៕ #អរគុណសន្តិភាព
លោកជំទាវវេជ្ជបណ្ឌិត ឱ វណ្ណឌីន ៖ វីរុសបំប្លែងថ្មីឈ្មោះ អាល់ហ្វា បាននិងកំពុងតែចរាចរយ៉ាងសកម្មនៅកម្ពុជា ហើយមានគ្រោះថ្នាក់ជាងវីរុសធម្មតា ៥ដង ទៅ ៧ដង
ភ្នំពេញ៖ ក្នុងឱកាសអញ្ជើញនាំយកអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចំនួន ១០ ០០០ ០០០រៀល (ដប់លានរៀល) និងគ្រឿងឧបភោគបរិភោគមួយចំនួនទៀត ជូនដល់អ្នកស្ម័គ្រចិត្តចាក់វ៉ាក់សាំងកូវីដ-១៩ លេងរៀងទី៤លាន គឺលោក សូ សយ អាយុ៦៥ឆ្នាំ ជាអតីតយុទ្ធជន និងជាយុទ្ធជនពិការជើងឆ្វេង នៅភូមិប្រទាល ឃុំអណ្តូងទឹក ស្រុកបុទុមសាគរ ខេត្តកោះកុង នាព្រឹកថ្ងៃទី២៩ ខែមិថុនា ឆ្នាំ២០២១ លោកជំទាវវេជ្ជបណ្ឌិត ឱ […]
ឯកឧត្តម ឃួង ស្រេង អញ្ជើញជាអធិបតីក្នុងកិច្ចប្រជុំជាមួយអាជ្ញាធរខណ្ឌទាំង១៤
ភ្នំពេញ៖ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អញ្ជើញជាអធិបតីក្នុងកិច្ចប្រជុំជាមួយអាជ្ញាធរខណ្ឌទាំង១៤ នាល្ងាចថ្ងៃទី២៩ ខែមិថុនា ឆ្នាំ២០២១ ស្តីពីការយកចិត្តទុកដាក់ខ្ពស់បំផុតដើម្បីបង្ការ និងទប់ស្កាត់ការរីករាលដាលជំងឺកូវីដ-១៩ ជាពិសេសទៅលើអាជីវករផ្សារបឹងកេងកង ដែលមកដល់រសៀលនេះ មានករណីវិជ្ជមានកូវីដ-១៩ ចំនួន ២៦៧នាក់ហើយ៕ #អរគុណសន្តិភាព
មេដឹកនាំអាមេរិកនិងអ៊ីស្រាអ៊ែលពិភាក្សាទៅលើបញ្ហាក្នុងតំបន់និងទំនាក់ទំនងទ្វេរភាគី
បរទេស៖ទីភ្នាក់ងារចិនស៊ិនហួចេញផ្សាយនៅថ្ងៃអង្គារនេះបានឲ្យដឹងថាប្រធានាធិបតីអាមេរិក Joe Biden និងប្រធានាធិបតីអ៊ិស្រាអ៊ែលលោក Reuven Rivlin បានជួបពិភាក្សាគ្នាទៅលើបញ្ហាក្នុងតំបន់ព្រមទាំងចំណងទំនាក់ទំនងទ្វេរភាគី។ លោក Biden នៅក្រោយជំនួបនោះបានធ្វើការបញ្ជាក់សាជាថ្មីអំពីការប្តេជ្ញាចិត្តរបស់អាមេរិកចំពោះការការពារខ្លួនរបស់អ៊ីស្រាអ៊ែលដោយបន្ថែមថាអ៊ីរ៉ង់នឹងមិនអាចផលិតបានអាវុធនុយក្លេអ៊ែរក្នុងពេលមានវត្តមានរបស់គាត់ឡើយ។ លោកប្រធានាធិបតីបានបន្តទៀតថាលោកនឹងទទួលស្វាគមន៍ផងដែរចំពោះនាយករដ្ឋមន្ត្រីថ្មីអ៊ីស្រាអ៊ែលលោក Naftali Bennettនៅសេតវិមានឆាប់ៗនេះផងដែរហើយសន្យាថានឹងធ្វើឲ្យប្រសើរឡើងវិញចំពោះទំនាក់ទំនងជាធម្មតារវាងអ៊ីស្រាអ៊ែលជាមួយនឹងបណ្តាប្រទេសក្នុងតំបន់ផងដែរ។ គួរឲ្យដឹងដែរថាប្រធានាធិបតីអ៊ីស្រាអ៊ែលលោក Rivlin ត្រៀមខ្លួននឹងចូលនិវត្តហើយនៅខែក្រោយបន្ទាប់ពីបានកាន់អំណាចនេះអស់រយៈពេល៧ឆ្នាំមកហើយក្នុងអាណត្តិរបស់គាត់៕ #អរគុណសន្តិភាព
ប៉ាគីស្ថាននិយាយថានឹងបិទទ្វារប្រទេសប្រសិនបើតាលីបង់ក្តោបក្តាប់អាហ្គានីស្ថាន
បរទេស៖រដ្ឋមន្ត្រីក្រសួងការបរទេសនៃប្រទេសប៉ាគីស្ថានកាលពីថ្ងៃអាទិត្យម្សិលមិញនេះបានធ្វើការលើកឡើងថាអំពើហិង្សានិងសកម្មភាពគ្មានច្បាប់ទំលាប់គ្រប់គ្រងនឹងអាចគ្របដណ្តប់ទៅលើប្រទេសអាហ្គានីស្ថានកាន់តែខ្លាំងនៅក្រោយការដកវត្តមានយោធាអាមេរិកនិងណាតូចេញ។ លោក Shah Mahmood Qureshi រដ្ឋមន្ត្រីរូបនេះបានបន្តបែបជាការព្រមានទៀតថាប្រទេសប៉ាគីស្ថាននឹងបង្ខំចិត្តបិទទ្វារព្រំដែនប្រទេសប្រសិនបើករណីណាមួយដែលក្រុមតាលីបង់នឹងអាចឈានទៅដល់ការក្តោបក្តាប់អាហ្គានីស្ថានច្រើនជាងមុន។ គួរឲ្យដឹងដែរថាមកដល់ពេលនេះប្រទេសប៉ាគីស្ថានបានទទួលយកជនភៀសខ្លួនអាហ្គានីស្ថានកើនឡើងទៅដល់៣,៥លាននាក់មកហើយហើយបានសម្រេចចិត្តថានឹងមិនទទួលយកបន្ថែមទៀតនោះឡើយ។ លោកបានបន្តបែបនេះថា៖ពួកយើងមិនអាចទទួលពួកគេបន្ថែមទៀតបានទេហើយយើងនឹងបិទព្រំដែនដើម្បីធានាឲ្យបាននូវសុវត្ថិភាពនិងផលប្រយោជន៍សម្រាប់ប៉ាគីស្ថានប៉ុន្តែប្រទេសយើងក៏នឹងនៅតែបន្តកិច្ចខិតខំក្នុងការជួយគាំទ្រដើម្បីសន្តិភាពនៅអាហ្គានីស្ថាន៕ #អរគុណសន្តិភាព
អាជ្ញាធរខេត្តកំពង់ឆ្នាំង ចុះសាកសួរសុខទុក្ខ និងនាំយកអំណោយ ឧបត្ថម្ភដល់ស្ត្រីរងរបួសធ្ងន់កំពុងសម្រាកព្យាបាលនៅក្នុងមន្ទីរពេទ្យបង្អែកខេត្ត
កំពង់ឆ្នាំង៖ នៅព្រឹកថ្ងៃទី២៧ ខែមិថុនា ឆ្នាំ២០២១នេះ ឯកឧត្តម អម សុភា ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង រួមដំណើរដោយលោកជំទាវ ប៊ន សុភី អនុប្រធានគណៈកម្មាធិការសាខា លោក ប្រាក់ សោភ័ណ នាយកប្រតិបត្តិសាខាកាកបាទក្រហមកម្ពុជាខេត្ត និងលោកវេជ្ជបណ្ឌិត ទុំ សម្បត្ដិ ប្រធានមន្ទីរពេទ្យបង្អែកខេត្តកំពង់ឆ្នាំង បានចុះសាកសួរសុខទុក្ខនិងនាំយកអំណោយមនុស្សធម៌សាខាកាកបាទក្រហម ផ្តល់ជូនដល់ស្ត្រីរងរបួសធ្ងន់កំពុងសម្រាកព្យាបាលនៅក្នុងមន្ទីរពេទ្យបង្អែកខេត្តកំពុងឆ្នាំង។ មានប្រសាសន៍ក្នុងឱកាសនោះ ឯកឧត្តម អម សុភា បានពាំនាំនូវប្រសាសន៍ផ្តាំផ្ញើពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន […]
ពាក្យថា«សន្តិភាព» ងាយស្តាប់ ងាយនិយាយណាស់ តែបើធ្វេសប្រហែសតែបន្តិច ងាយនឹងប្រឈមជាមួយការបាត់បង់អ្វីៗទាំងអស់
ភ្នំពេញ៖ បើគ្មាន«សន្តិភាព» កុំថាឡើយសិទ្ធិសេរីភាពផ្សេងៗ សូម្បីអាយុជីវិតក៏ស្ថិតក្នុងភាពគំរាមកំហែងដែរ។ សន្តិភាព គឺមានសារៈសំខាន់ណាស់នៃសង្គមជាតិមួយ ជាមូលដ្ឋានគ្រឹះនៃអ្វីៗគ្រប់យ៉ាង។ មានសន្តិភាពទើបកិច្ចការសង្គម សេដ្ឋកិច្ច និងនយោបាយ អាចដំណើរការទៅមុខបានដោយរលូន ប្រជាជនក៏អាចរស់នៅ ប្រកបរបរចិញ្ចឹមជីវិតតាមធម្មតា ដោយគ្មានការភ័យខ្លាច និងសុខុដុមរមនា។ មេរៀនប្រវត្តិសាស្ត្រធ្លាប់បានបង្ហាញរួចមកហើយ នៅពេលដែលសុខសន្តិភាពត្រូវបានបាត់បង់ នៅពេលដែលឯកភាពជាតិ សាមគ្គីភាពផ្ទៃក្នុងត្រូវបានបែកបាក់ នៅពេលទស្សនជាតិរួមត្រូវបានញំញី ដែលបណ្តាលឱ្យមជ្ឍដ្ឋានខាងក្រៅឆ្លៀតឱកាស ញុះញង់ រុញស្ថានការណ៍ឱ្យកាន់តែធ្ងន់ធ្ងរ រហូតធ្វើឱ្យមានការបែងចែកកម្លាំងក្នុងប្រទេស ដែលអាចបណ្តាលឱ្យប្រទេសជាតិ ធ្លាក់ក្នុងភ្លើងសង្គ្រាមផ្ទៃក្នុងបានក្នុងមួយប៉ព្រិចភ្នែក។ ដូច្នេះ «កត្តាសុខសន្តិភាព ជាកត្តាដាច់ខាត និងមិនអាចចរចា […]
វ៉ាក់សាំងស៊ីណូវ៉ាក់ ១លានដូសទៀត នឹងដឹកពីចិន មកដល់កម្ពុជានៅព្រឹកនេះ
ភ្នំពេញ៖ វ៉ាក់សាំងការពារជំងឺកូវីដ១៩ របស់ក្រុមហ៊ុនស៊ីណូវ៉ាក់ ដែលជាការបញ្ជាទិញរបស់រាជរដ្ឋាភិបាលចំនួន ១លានដូសទៀត នឹងដឹកពីប្រទេសចិនមកដល់ប្រទេសកម្ពុជានៅវេលាម៉ោងប្រមាណ ១០ព្រឹកថ្ងៃចន្ទ ទី២៨ ខែមិថុនា ឆ្នាំ២០២១នេះ។
អបអរសាទរខួបអនុស្សាវរីយ៍លើកទី៧០ថ្ងៃបង្កើតគណបក្សប្រជាជនកម្ពុជា
ភ្នំពេញ៖ ៧០ ឆ្នាំកន្លងទៅនេះ កម្ពុជាបានឆ្លងកាត់នូវរឿងរ៉ាវលំបាកជាច្រើន ដែលគ្រប់ដំណាក់កាលទាំងអស់គឺតែងតែមានវត្តមាន “គណបក្សប្រជាជនកម្ពុជា” នៅរួមសុខរួមទុក្ខជាមួយប្រជាពលរដ្ឋខ្មែរគ្រប់ពេលវេលា។ សន្តិភាព ស្ថិរភាព និងរាល់នូវសមិទ្ធផលដែលយើងសម្រេចបានមកដល់ពេលនេះ គឺបានមកពីការយកអាយុជីវិតធ្វើដើមទុនជាមួយនឹងពលិកម្មដ៏ធំធេងមិនអាចកាត់ថ្លៃបានរបស់យុទ្ធជន យុទ្ធនារី មន្ត្រីរាជការ សមាជិក សមាជិកាគណបក្ស រួមទាំងបងប្អូនជនរួមជាតិរាប់លាននាក់ដែលបានចូលរួមក្នុងបុព្វហេតុជាតិមាតុភូមិ ជាមួយនឹងការគាំទ្រដ៏ស្មោះស ពីបណ្ដាប្រទេសជាមិត្ត និងសហគមន៍អន្តរជាតិដែលបានធ្វេីអោយកម្ពុជាមានសុខសន្តិភាពនិងរីកចម្រេីនមកទល់សព្វថ្ងៃ។ សូមអរគុណ បងប្អូនជនរួមជាតិ និងសមាជិកសមាជិកា ព្រមទាំងក្មួយៗទាំងក្នុងនិងក្រៅប្រទេសដែលតែងតែគាំទ្រនិងបោះឆ្នោតអោយគណបក្សប្រជាជនកម្ពុជាដឹកនាំប្រទេសមកទល់សព្វថ្ងៃ។ ក្រោមការដឹកនាំរបស់ គណបក្សប្រជាជនកម្ពុជា ប្រទេសជាតិនឹងកាន់តែរីកចម្រេីនរុងរឿង។ #អរគុណសន្តិភាព