សិក្ខាសាលាពិគ្រោះយោបល់ស្តីពីការរៀបចំផែនការប្រចាំឆ្នាំសារពើពន្ធ២០២៤ សម្រាប់គម្រោងរេដបូកដែនជម្រកសត្វព្រៃកែវសីមា
នៅរសៀលថ្ងៃព្រហស្បតិ៍ ៤រោច ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៦ ខែកក្ដដា ឆ្នាំ២០២៣ លោកស្រី វិន ស៊ីធួន អភិបាលរងខេត្តបានចូលរួមសិក្ខាសាលាពិគ្រោះយោបល់ស្តីពីការរៀបចំផែនការសកម្មភាពការងារប្រចាំឆ្នាំសារពើពន្ធ២០២៤ សម្រាប់គម្រោងរេដបូកដែនជម្រកសត្វព្រៃកែវសីមាក្រោមអធិបតីភាពឯកឧត្តម ជួប ប៉ារីស៍ អនុរដ្ឋលេខាធិការក្រសួងបរិស្ថាន ដោយមានការអញ្ជើញចូលរួមពីសំណាក់ ប្រធានមន្ទីរបរិស្ថាន អនុប្រធានមន្ទីរបរិស្ថានខេត្តក្រចេះ អង្គការ WCS អជ្ញាធរស្រុកកែវសីមា អភិបាលរងស្រុកស្នួល អភិបាលរងស្រុកអូររាំង អភិបាលរងក្រុងសែនមនោរម្យ មេឃុំ-ចៅសង្កាត់ពាក់ព័ន្ធ មន្រ្តីឧទ្យានុរក្ស និងអ្នកពាក់ព័ន្ធមួយចំនួនទៀត។ ដែលកិច្ចប្រជុំនេះប្រព្រឹត្តទៅទីស្នាក់ការដែនជម្រកសត្វព្រៃកែវសីមា។
